طه حسين تاريخ التسجيل : 27/05/2009
| موضوع: نحتاية .... الثلاثاء أكتوبر 25, 2016 3:16 pm | |
| نحتاية .....عندي إيمان عميق ...أن حياتنا عبارة عن نحتاية ... كل خبطة بناخدها .. دقة أزميل بتحدد ملمح .. كل (الم) بيؤلمنا.. (قلم) بيرسم خط ماشيين عليه ...بقدر عمق التأثير ...بقدر جمال و دقة التصميم ... كل ضغطة ف حتة ..بتزود خبرة ف حتة تانية ... كل حاجة بتتاخد منك و بتنقص حاجة ..ف الحقيقة بتكبر و بتقوي حتة تانية ... كل رابش بينزل منك من صعوبات هدمت أحلام وقتية ..هي تدعيم و تأسيس لقواعد بتخليك صعب الكسر ..بتقوي جدرك و تثبت رجلك .. و كل ما كترت الخبطات ...كترت التفاصيل ..و كل تفصيلة بتزود قيمة للشخصية ... بتعمقها ...بتحليها و تزوقها ...بتمتعك بيها بعد ما الوقت يمر و تتفرج عليها من بعييييييد و تقول لنفسك ...يااااه انا بقيت كدة ازاي !!!؟؟؟مقتنع جدا ان مفيش حد بنقابله ف حياتنا صدفة ..و لا موقف بيحصل مفاجأة ... و لا اي خطوة بناخدها مش مقدرة و متخططة بدقة ... كل طريق بنمشيه ..مرسوم ...كل التفاصيل اللي بنتكعبل فيها بتعلم فينا و بتعلمنا ... يمكن وقتها مابنبقاش مستوعبين او فاهمين السبب ...بنغضب و بنثور ..بنتلغبط ... بنشك ف نفسنا ف كل اللي حوالينا ... بس مع مرور الوقت بنسترجع و بنفهم ...و بنتأكد ...ان كل تفصيلة فينا ..كل خبطة و كل جرح و كل وجع هو ف الحقيقة أزميل بينحت واقع جميل إنت عايشه ... عمل فني بديع منحوت بدقة ..إستمتع بيه و بتفاصيله ..حبه و عيشه ..حتى لو لسة مش فاهمه.الخلاصه: - مش لازم تفهم كل حاجه حواليك - إستمتع بالتفاصيل - مفيش حاجه إسمها صدفه - متخطط بدقه عاليه - نحتاية#من_القلب_الى_القلب #كلمات_ليست_كالكلمات #مسافر_عبر_الحروف #طه_حسينTaha Hussein
تسهيلاً على زوارنا الكرام يمكنك الرد من خلال تعليقات الفيسبوك
|
|