طه حسين تاريخ التسجيل : 27/05/2009
| موضوع: جمال أمه يا ناس الجمعة أكتوبر 28, 2016 3:40 pm | |
| جمال أمه يا ناس لما بقيت أب زمان قبل ما اخلف .. كان خلقي ضيق ... ما باطيقش زن العيال و لا ريحتهم و لا لغوصتهم و لا عياطهم و دلعهم المرء لما بيشبطوا ف حاجة... شقاوتهم و حركاتهم المزعجة....كتير كنت بتكعبل ف عيال رخمة و تنحة و دمها يلطش ... و استغرب جدا من صبر امهاتهم و قصائد المديح و الزجل اللي بيتحفوني بيها : "حبيبتي البطة ..سكر حبيب امه ..العسلة السكرة " .. يا صغنن بوسة لأمه ..ياخواتي يسلم فمهببقى شايفة العيل من دول و هو بيزن و يعيط ببقى هاين عليا اديله بضهر ايدي...و الاقي أمه اللي على قلبها مراوح و تاخده تهننه و تدلعه و تهشتكه : " عايزة ايه يا بيضة ؟؟؟ حبيب امه يا ناس.. انتي عيطي و زني ؟ إنتي صدع عمو؟؟؟ شايف السكر ؟"تبقى البنت سودة و كودة و حولة و بريالة و تقولك "ماي ليتل شارمينج برينسيس "... إبنها يبقى أوزعة و كرنبة وألدغ و غبي و دمه يلطش ...و تقولك ماي بيج هيرو...جمال أمه يا ناسببقى بخبط كف على كف و اقول لا حول و لا قوة الا بالله .. الولية إتجننت زماااااان ماكنتش قادر افهم علاقة الأم بولادها ... إزاي بتشوفهم بعيون مختلفة غير عيون كل الناس ... إزاي بيبقى عندها صبر و طووووولة بال و حب غريب للكائن المخلوق منها دة ؟؟... إزاي بتحبه زي ما هو كدة ..بعبله زي ما بيقولوا ...مالهاش علاقة لا بشكله و لا ذكاءه و لا خفة دمه ...مالهاش علاقة بصحته و لا تعاملاته و لا تصرفاته ... بتحبه زي ما هو ...مهما عمل ... هي ما بتشوفش الرخامة ...مابتسمعش الزن ..مابتاخدش بالها من مقاييس جماله ... هي بتحبه لإن ربنا خلق حبه جواها من لحظة من كان نطفة ... خلق جواها كل العطف و الصبر و الرحمة .. ما هو لو مش هي اللي حبتهم و إستحملتهم ...مين على وش الأرض يقدر ؟؟ماحدش يحاول يفهم ايه سر الصبر العجيب و الحب اللي مالوش مثيل و لا التفاني و لا الإعجاب الغير مبرر أحيانا و الإهتمام و الرعاية اللا نهائية بين الأم و اولادها ...مهما كبروا و بعدوا ...بيفضل قلبها مشغول و خايف و قلقان ... مهما وصلوا من مناصب بتفضل شايلة همهم و قلقانة عليهم ...الأم هي حالة متكاملة ... عيون و قلب و روح ...مسخرين للحب و الرعاية ..مالهاش شبيه و لا مثيل .. ف العمر مرة واحدة بس و لن تتكرر .. ماتملكش غير إنك تقف بعيد تتفرج و تنحني إحتراما و إجلالا لهذه الحالة الرائعة ... و تدعو من كل قلبك ...ربنا يحفظ يبارك في عمر كل أمهاتنا و يرزق كل مشتاقة بولد ..و يرحم و يكون في عون كل إبن فقد أمه ..او أم فقدت إبنها دلوقتي لما بقيت أب ما بقيتش أستغرب لما الاقي أم ماسكة نسناس صغير و بتبصله بمنتهى الهيام .. و تقولي شوفت العسل !!!؟؟؟ .. اقولها بسم الله ما شاء الله شبهك بالحتة ...المصدر: www.battash.com/t11565-topicالخلاصة: - قالك عياطهم مزيكا - لولي معقود ف خيط - قلب الأم بأة - ست الحبايب يا حنانا انتي - كوتو ايه ؟؟؟ موتو يا فندم موووتو - ما تحاولش تفهم - الجهاز المركزي للحب#من_القلب_الى_القلب #كلمات_ليست_كالكلمات #مُسافر_عبر_الحروف #طه_حسين Taha Hussein
تسهيلاً على زوارنا الكرام يمكنك الرد من خلال تعليقات الفيسبوك
|
|