طه حسين تاريخ التسجيل : 27/05/2009
| موضوع: منطق عيال الأحد أكتوبر 30, 2016 2:10 pm | |
| منطق عيال أمي بتحكيلي زمان و انا صغير أوي ...لما كانت بتزعقلي على حاجة غلط عملتها (همشيها بتزعقلي بس ) كان طول ما انا بعيط و بتشحتف أسألها سؤال واحد (بتحبيني!!؟ ) و كان ردها طبعا بحنان فياظ (آة بتنيل يا زفت ) ..!!!! إفتكرت دة لما لقيت بنتي بيعمل كدة برضه.. و لقيت ردي نفس الرد الحنون بتاع أمى ..(آة بتنيل على عين أهلي بحبك ) ... لما فكرت شوية فى منطق أولادنا لقيت إن فطرتهم فهمتهم إن الحب هو الضمان الوحيد لعدم الأذية أو الجرح ... هو صمام الأمان اللي بنعتمد عليه إن حبايبنا عمرهم ما هيئذونا و لا هيزعلوا مننا .. ليه لما كبرنا الوضع اختلف ؟؟ يمكن علشان بقينا بنتكسف نعبر عن إحتياجنا الشديد للحب ..على رغبتنا الأساسية في إننا نتحب أوي .. نتحضن بجد بأرواحنا قبل أجسامنا ... بنخاف نعبر عن ضعفنا قدام أي كلمة حلوة اللي بتكون مصدر قوتنا و دينامو حياتنا و الهدف الأساسي لإستمرارنا فيها .. ليه أولادنا اجرأ مننا في التعبير عن حاجتهم للحب ؟... وليه كل ما بنكبر بننكرها و نغطي عليها لغاية ما بننسى وجودها ؟ليه لما بنعاتب بننسى إن دول حبايبنا و ما ينفعش نوجعهم و لو بكلمة .. آة طبعا بنزعل ..إحنا بشر.. بس ما بنجرحش ..ما بنفجرش ف الخصام ..لينا حدود لازم نقف عندها !!!!ليه لحظة الغضب بيبقى كل اللي فى دماغنا الكراهية !؟..حتى عنينا بتتحول لجمرة نار بتطق شرار ..و مابنهداش غير لما بنلاقيهم بيبكوا بجد و هما مكسورين..إرتحت إنت كدة !!؟؟كسرت حبيبك ؟؟؟؟ طب ارجع صلحه تاني..هتعرف !!؟ ..أشك ... مع كل شرخة روح حاجة بتتغير ..قلب بتتكسر منه حتة ... شمعة بتطفي .. لغاية ما هييجي وقت هتبقى روحه مطفية...قلبه متفتت 100 حتة .. بقايا و حطام إنسان ..هيكل ع الفاضيمنطق الأطفال أبسط كتير من منطقنا اللي شوهته عوامل كتير تانية إكتسبناها مع مرور الزمن ... زي الكبرياء .. العند ..فرض السيطرة .. الغرور و إحساسك انك دايما صح و الباقيين غلط ...للأسف شوهت أجمل ما في فطرتنا و روحنا البسيطة ..نسينا إن القاعدة الأساسية و الحقيقية ..هي الحب إن كل اللي بنبحث عنه فعلا هو إحساس الأمان...إوعوا تقسوا على حبايبكم ...إوعوا تنسوا إن قلوبهم أمانة عندكم ..إنهم حتة منكم ...إفتكروا إن اللي يحب عمره ما بيكره ...بيسامح بسرعة...عبروا عن زعلكم و في نفس الوقت عبروا عن إحتياجكم للحب و الإحتواء ..إنكم مش عايزين لا تجرحوا و لا تتجرحوا ..كل ما تيجي تعاتب أو تتخانق أو تزعل من حد إسأل نفسك سؤال واحد : الإنسان دة بالنسبالي إيه؟؟ وياترى أنا عايزه ف حياتي و لا لأ ؟؟ ...صدقوني هتختلف كتيييييير أوي .. هتلاقي نفسك بتطبطب قبل ما تجرح ..بتحاسب على كل كلمة ...هتصفى بسرعة .. و حطوها حلقة ف ودنكم (كتر البكاء بيعلم الأسية) ... ماتراهنش ابدا ان حبيبك هيبلعلك الزلط ..لإن هييجي وقت و الزلط هيكتر و هيبقى دبش و يقع على دماغك يجيب اجلك ...
الخلاصة: - بلاش زلط..اديله بسبوسة - الحب مالينا غيره والله مالينا غيره - اوفر بصراحه - ما تبقاش رخم#من_القلب_الى_القلب #كلمات_ليست_كالكلمات #مُسافر_عبر_الحروف #طه_حسين
تسهيلاً على زوارنا الكرام يمكنك الرد من خلال تعليقات الفيسبوك
|
|