 طه حسين  تاريخ التسجيل : 27/05/2009
 |  موضوع: جمعية مصدري الطاقة السلبية  الأحد نوفمبر 06, 2016 3:18 pm | |
| جمعية مصدري الطاقة السلبية
 - الناس اللي ليل نهار ماشيين يصوتوا من عيالهم و بيشتكوا لطوب الأرض ...عندكم استعداد تتخيلوا انهم يتخطفوا او يتوهوا او بعد الشر يجيلهم مرض خطير او يموتوا ؟؟؟؟؟
- الناس اللي بتدخل شغلها كل يوم مش طايقة نفسها و لا شغلها و بتشتكي من الضغط و قرفانة ...عندكم إستعداد تسيبوا الشغل و تقعدوا ف البيت و تدوروا على اللي يصرف عليكم ...او بمعنى اصح (تشحتوا) !!!!!؟؟؟؟؟؟
- الست و لا الراجل اللي طول ما هو قاعد يشتكي من مراته او تشتكي من جوزها ...عندكم استعداد حقيقي تنفصلوا و تخربوا البيت و تقسموا أولادكم بينكم أو حد يتخلى عن حد فيهم !؟
- الناس اللي طول ما هي قاعدة تشتكي من العيش و العيشة و اللي عايشنها ...من البلد و اللي فيها ...عندكم استعداد تتغربوا و تعيشوا لاجئين في أماكن تانية و متحرم عليكم ترجعوا بلادكم تاني !!!؟؟
- الناس اللي متضايقة أوي و مخنوقة من حياتها أو أي حاجة في حياتها ...مستعدين تفقدوها !!!!!!؟؟؟؟؟؟؟*** لو الإجابة لأ مش مستعدين !!!
يبقى اللي انت فيه دة اسمه (بطر)على النعمة و إفترى ...
و مش هتحس بيها بجد غير لما تصحى ف يوم من الأيام و ماتلاقيهاش
و دة مالوش عندي غير وصف واحد "قلة أدب" ولادك و شغلك و أهلك و صحتك و الأمان ...نعمة كبيرة ..حسوا بيها و إمسكوا فيها ...قبل ما تشتكوا تخيلوا حياتكم من غيرهم .و هيبقى قدامك حل من اتنين :
- يا نقد بناء و علاج حقيقي .. و تبتدي بنفسك و تحاول تصلح و تعالج اللي مضايقك و مش عاجبك ..و تعمل في صممممت ..بمعنى اصح تكون إيجابي ..- يا تسكت خالص و تتعامل و تكيف نفسك على أوضاعك ..و تبطل نشر طاقة سلبية على كل اللي حواليك .*** ولو الإجابة آيوة مستعدين !!!
إتكل على الله يا عم ...مستني ايه !!!!؟؟؟؟ ...إخلع ..الصين حلوة
الخلاصة:
- البطران مالوش غير القطران
- و لئن شكرتم لأزيدنكم
- كفاية شكوى
- إحمدوا ربكم
- حاجة تشل
- فيها حاجات حلوة
تسهيلاً على زوارنا الكرام يمكنك الرد من خلال تعليقات الفيسبوك
|
|
