بحلم
بغمض عيوني وبحلم أشوف ف بلادي
وردايه حلوه مزهره وكايدا الأعادي
بحلم أعيش لغاية ماشوف اليوم
ميكونش فيكي يا بطاش واحد مظلوم
ميكونش قاعد ع السكك واحد محتاج
بمد إيده للبشر عشان لعلاج
ومشوفش عيل بتسرق ف إشارا حمرا
بتباع شبابه قدامك وقصاد عينيك
بحلم أشوف بطاش دي جنينة خضرا
من غير زباله وقرف من غير متاجرا
من غير ديابه و إهانه وإيدين طويله
اللي شطبو ع الشعب ف يوم وليله
بحلم يعود شعار
الشرطة فى خدمة الشعب
مش في خدمة الكلب
بحلم يكون فى بطاش أداب وعلوم
وتاريخ بجد حصل ، كلام مفهوم
أحلم أعيش ف بطاش كما الإنسان
حرية وكرامة وأدب ومش قلقان
أشوف على ضفاف الترع شجر رمان
وتوت وجوافة وبلح واكون ف أمان
بحلم ببطاش أنا من غير طوارئ
بقصد قانون البلد مش أي طارق
بحلم وبحلم حتى نسيت الواقع
بحلم بمستقبل شبابنا للضايع
اللي طريقه انحرف
وبقى صايع
اللي اتسرق منه سنين عمره
اللي مش راجع
اللي ف بلاد الغربة بتعذب
ومش راجع
اللي بحب بلاده من قلبه
وإيه مانع؟
خلص القلم مني وهكتب تاني
ولو لجمو فكري وقطعو لساني
هفضل فاكرني أنا ومش هنساني
أنا . أنا .
أنا إبنك يا بلد