قالوا بتحب بطاش؟ أنا قلت مش عارف
الحب معنى جميـل، والهـوى جارف
واللي يحب يبـذل لمحبـوبه المستحيـل
والحب أخذ وعطا، وبطاش تشغي مخاوف.
...*...*...*...*...*...*...*...*...*...*...قالوا بتحب بطاش؟ أنا قلت مش قصدي
ومين بإيده الحب، من قبلي ومن بعدي؟
أهو نصيب وانكتب، والحب فيَّا راقات
ورضيت بحظي، ومطلبي أفضل على وِدِّي.
...*...*...*...*...*...*...*...*...*...*...قالوا بتحب بطاش؟ أنا قلت مش فاهم
الحب غزو وقسر، وطبعه كده دايم
من يوم ما فتحت العيون بطاش هي الأم
وانا في حب الأم والله كده هـايم.
...*...*...*...*...*...*...*...*...*...*...قالوا بتحب بطاش؟ أنا قلت "مين غيرها"؟
مالية عليّ كياني، وما اعيشَّي من غيرها
نسمة عصاري على الترعة، وريحة الأرض
معششة في روحي، وكل حياتي من خيرها.
...*...*...*...*...*...*...*...*...*...*...قالوا بتحب بطاش؟ أنا قلت مين يعلم؟
الحب في كياني وقلبي منه ما بيسلم
والحيرة مليـاني، جوايَّـا بتصـرَّخ:
اكتم هواك أحسن بكره راح تنـدم.
...*...*...*...*...*...*...*...*...*...*...قالوا بتحب بطاش؟ أنا قلت ما هي خيبة
عمري ما اقسى عليها، وهي أحلى حبيبة
...*...*...*...*...*...*...*...*...*...*...قالـوا بتحب بطاش؟ أنا قلت متحيَّـر
في كل من حولي ألاقى نفسي متخيَّر
واقول أيوه، ولأ، ورأيي من راسـي
وفيك يا بطاش حب القلب متسيَّـر
::
::
:: ::
::
:: ::
::
:: ::
::
:: ::
::
::
الأحداث
موضوع: قالوا بتحب بطاش؟ 
الأحد مايو 31, 2009 9:39 pm
