طه حسين تاريخ التسجيل : 27/05/2009
| موضوع: إعترافات الثورجية فى ميدان التحرير بالمستندات الثلاثاء أبريل 03, 2012 5:01 pm | |
| اعترافات الثورجية
عزيزي عضو اللجنة الالكترونية " ابناء المخلوع - محبي المجلس العسكري - متظاهرين مصطفى محمود.- روكسي - عباسية " احنا هنقصر عليكم المسافات وهنعترف على نفسنا ..
ايوه يا سيدي احنا السبب في كل حاجة !
احنا اللي خربنا البلد ودمرناها بعد ما كانت بتنافس باريس وسويسرا .
احنا اللي فقرنا المواطن وغلينا عليه الاكل والشرب واللبس ورخصنا قيمته .
احنا اللي سرقنا البلد ونهبنا ثرواتها .. احنا شلة العصابة اللي مسكنا الحكم ودمرنا كل حاجة في البلد .
احنا اللي اصدرنا اوامر للشرطة بتعذيب واهانة كل مصري يدخل قسم الشرطة .
بصراحة كمان .. احنا كنا ناويين نورث السُلطة لاولادنا !
ايوه ... احنا السبب في احتراق 1000 مواطن في قطر الصعيد ومحدش اتحاسب , واحنا السبب في غرق 1100 مصري في العبارة .. وبرضه محدش اتحاكم ... واحنا كمان السبب في كارثة الدويقة وغيرها وغيرها .
لو تعرف واحد من الملايين المصابين بالسرطان او الاوبئة .. قول له ان الثةرجية هم السبب في دخول الكيماويات المسرطنه للبلد . ,اظن الحصاينة مليانة ومعظمهم شباب!
بصوا كدا ... ( باوامر اسرائيل ) احنا اللي كلفنا النظام انه يعمل على انهيار مصر الاقتصادي والاجتماعي لدرجة انها تتسول المياه من الدول الافريقية !
نقوللكم حاجه كمان مش هتصدقوها ؟
احنا اللي بعنا غاز مصر لاسرائيل .. اصلنا عملاء ابا عن جد ... عادي بقى البلد بلدنا وكنا بنتصرف فيها كانها املاكنا الخاصة .
وبالنسبة للتمويل ؟؟ ايووووووووووه على التمويل !
احنا بيجي لنا كل سنة معونة امريكية.. مليار و500 مليون دولار ( محدش يعرف عنهم حاجة ) وبنشتري بيهم سلاح من امريكا كمان .
ايوه احنا ممولين وعملاء ... ولاننا جامدين جدا .. محدش في مصر قادر يثبت علينا حاجة .. لا النائب العام قادر يثبت ولا المخابرات العامة ولا المخابرات الحربية ولا المباحث العسكرية ولاحتى جهاز امن الدولة , ولا البنك المركزي نفسه قادر يثبت علينا حاجة !
نزيدكم من الشعر بيت ؟ لما شوية العيال ( الممولين بتوع الاجندات البلطجية اللي عملوا علينا ثورة ) .. قررنا اننا نهرب ثروات مصر للخارج ومش هنرجعها !
وقررنا بعد الثورة .. اننا نعاقب شعب مصر باكمله على الثورة اللي قام بيها ..
ايوه .... احنا اللي سيبنا البلطجية تقتل وتسرق وتذبح المصريين سنة كاملة .. علشان يخضعوا لينا في الاخر .
ايوه .. احنا اللي غلينا الاسعار للضعف بعد الثورة ... علشان تقولوا ولا يوم من ايامك يا مبارك .
ولما شوية العيال (البلطجية اللصوص الممولين الاجندات الجواسيس ) فضلوا مكملين .... وبسببهم بدانا نتنازل كتير .... كان لازم نوقفهم عند حدهم
وكان الضرب بيد من حديد .. بعتنا لهم مدرعات تدوسهم , وبعتنا الجنود الاشاوس يعروا البنات ... ماتخافوش .. كله في سبيل مصر وحمايتها من العيال دي !
ونهيب بالسادة المواطنين الشرفاء ... ان يستمروا في سبابهم لنا فنحن - كما اعترفنا - السبب في كل ما كانوا يعانوا منه .. وان يستمروا في الدفاع عن نظام مبارك الشريف العفيف ... مبارك ضحيتنا نحن العملاء المخربين .. مب[url=https://www.battash.com/t6423-topic]ارك [/url] الذي طالب بحريتكم .. مب[url=https://www.battash.com/t6423-topic]ارك [/url] الذي جعل لكم صوت انتخابي وكلمة مسموعة .. مب[url=https://www.battash.com/t6423-topic]ارك [/url] الذي يناضل يوميا من اجل حقوقكم .
تسهيلاً على زوارنا الكرام يمكنك الرد من خلال تعليقات الفيسبوك
|
|