السلام عليكم ورحمة الله وبركاته
هذه رسالة منى الى كلا من.
رساللة الى. الدكتور محمد مرسى مرشح الحرية والعدالة لرئاسة جمهورية مصر العربية.
ورسالة الى. الفريق أحمد شفيق مرشح رئاسة الجمهورية


سأبدأها برسالتى الى الدكتور محمد مرسى.

قلتم فى مؤتمر أمس الذى عقد فى مقر جماعة الإخوان المسلين أنكم تطالبون جميع القوى الثورية الى اللحمة والتلاحم معكم حتى تحققو اهداف الثورة.
وحتى لا تضيع الثورة لصالح الفلول.

وعين الحال تتسائل
من الذى باع الثورة.؟
هل القوى الثورية هى التى باعت الثورة وتخلت عنها.؟
أين أنتم أصلاً من الثورة وما موقفكم منها.؟
هل حقاً كنتم تعملون لصالح الثورة أم كنتم تسعون لجنى مكتسباتها.؟

عزيزى محمد مرسى
سأخبرك بمن باع الثورة تفصيلا

من تحالفوا مع العسكر. هم من باعو الثورة وتخلو عنها.
من اتهم شباب الثورة بالتعاطى للترامادول. هم من باعو الثورة وتخلو عنها.
من قالو للفتاه التى سحلت أمام أعينكم جميعا "إيه اللى نزلها من بيتها". هم من باعو الثورة وتخلو عنها.
من إتهمو الثوار بالبلطجية. هم من باعو الثورة وتخلو عنها.
من فصلوا قانون " العزل السياسى" لمصالحهم الشخصية. هم من باعو الثورة وتخلو عنها.
من شككو فى الخرطوش وكذبوا على الرأى العام. هم من باعو الثورة وتخلو عنها.
من قالو نعم لوثيقة السلمى مرضاة للمجلس العسكرى. هم من باعو الثورة وتخلو عنها.
من جعلوا أكثر من سبعة ملايين يعطون صوتا للفلول بسبب سوء الفهم فى الشهور السابقه. هم من باعو الثورة وتخلو عنها.
ومن.
ومن.
ومليون من.


إأنتم من بعتم الثورة
هل تعلمون لماذا.؟
لانكم تسعون للحصول على كل شيئ
ومبدأكم الخداع كما هو مبدأ التقية عند الروافض

خدعتمونا فقلتم لن نستحوذ على مجلس الشعب والشورى بأكثر من 30 % ووجدناكم مخادعين
خدعتمونا بقولكم لن نستحوذ على اللجنة التأسيسية للدستور ووجدناكم مخادعين
خدعتمونا بقولكم لن نرشح أحد من الإخوان لمنصب الرئيس ووجدناكم مخادعين

فبالله عليكم لو كنتم مكاننا هل ستصدقون أنفسكم ان قلتم لنا شيئا أخر.؟

تساؤلات كثيره جدا. لا حصر لها
وتخرجون علينا بعبارات رنانه جميله رائعه ولكن انتهت اللعبه أيها الإخوان

لقد جئتم الينا الأمس بمؤتمر صحفى واليوم ستعقدون لقاءا مع القوى السياسية لمصلحتكم أنتم. لا لمصلحة مصر
فأنتم لا تعترفون بمصلحة الوطن

هل أوافق على تأيديكم فى الإنتخابات فى مرحلة الإعادة
ولكن أنتم الأن من تريدوننا لا نحن من نريدكم

لقد تخليتم عنا وقت حاجتنا لكم
بداية عليكم أن تثبتوا لنا حُسن النوايا التى ضيعتموها منذ ان توليتم المسؤوليه

هل تعلمون أنكم أنتم فقط من ضيعتم الثورة
أنتم من أعطيتم للفلول أكثر من سبعة ملايين صوت بغبائكم السياسى


أمامكم فرصة وحيدة لن تتكرر فى تاريخكم مرة أخرى
وهى أن ترفعو من مستوى الثقة بينكم وبين الشعب

ولكم فرصة لتدخلوا التاريخ من أوسع أبوابه
وهى ان تعترفوا بخطأكم وان تعودو الى ما وعدتمونا به وتسحبو مرشحكم ان كنتم حقاً تريدون لمصر الخير
وسيتكب لكم التاريخ هذا بأسطر من ذهب
ولكن أعود وأقول انكم تسعون للصالح الخاص لا للصالح العام
وهذا ما عهدناه عليكم
إخوان منافقون لا إخوان مسلمون

وهذا ما وضحة لنا رسول الله صلى الله عليه وسلم فى حديثة
أيات المنافق ثلاث
إذا حدث كذب
إذا وعد أخلف
وإذا إئتمن خان

والحمد لله تبينت فيكم الثلاث خصال
فهنيئا لكم بنعمة النفاق
وهنيئا لكم بإسمكم الجديد
الإخوان المنافقون

------------------------------------------

رسالتى الى الفريق أحمد شفيق

شكرا لك كل الشكر يا سيادة الفريق
فحقا تبين لنا أن الحكمة حقيقة
فقد صدق من قال
اللى خلف مامتش واللى وكّل مامتش برضه

هنيئاً لمصر بدكتاتور جديد
كان تلميذا فى مدرسة مثلة الأعلى مبارك

سيادة الفريق احمد شفيق
هل تفسر لنا قولك بانك ستعيد الأمن للبلاد فى 24 ساعه.؟
هل يعنى هذا انك من تسبب فى هذا الانهيار الأمنى وتعرف مفتاح غلقة.؟
أم معنى هذا انك تعرف جميع البلطجية وستقوم بالقبض عليهم او تعيينهم فى اماكن محترمه حتى لا يلجأون للبلطجة.؟

تساؤل يريد إجابة واضحة ومقنعه فنحن لم نعد خرفان تُساق


التساؤل الثانى
ما معنى قولك بانك قادر على فض اى مظاهرات فى عشرة دقائق باستخدام الجيش.؟
هل يعنى هذا انك ستكون دكتاتورا لا يقبل اى كلمة ضدة.؟
ام يعنى هذا انك ستجعل من الجيش المصرى صورة من الجيش السورى.؟
ام انك حقا قادرا على ردع هذه التظاهرات
وان كان نعم فإين كنت يوم موقعة الجمل.؟
واين واين واين.؟

تساؤولات من مواطن قدّر الله له ان يختار بين الطاعون والسرطان

فى النهاية انا مواطن مصرى
مثلى مثل أى مواطن مصرى
وربما هذه التساؤلات سيطرحها الكثيرون عليكم

فأقول لكما
ان صوتى الأن لمن يشترية فأنا لا أقتنع بأى منكما

وثمن صوتى هو ان تثبتوا لنا صدق نواياكم فى مصلحة البلد
بالأفعال فلم نعد نريد ان نسمع كلاما معسولا


وشكرا لسعة صدوركم
وسلام الله عليكم ورحمتة وبركاته

صدقت والله عندك حق ف كل القلته لكي الله يامصر لكي الله يامصر

_ لا يمكن انتخب شفيق لكن مش حنسى لما الاخوان صقفوا لبكري و هو بيشتم في الثوار و البرادعي

_ مش ممكن انتخب شفيق بس مش حنسى لما هتفوا للمشير في جمعة الشريعة

_ مش ممكن انتخب شفيق بس مش حنسى صفوت و شقة العجوزة و زحف العمائم و انتخاب مرسي جهاد،ومنال ابو الحسن بتقول عليه مدعوم من الله

_ مش ممكن انتخب شفيق بس مش حنسى مسمى جمعة القطيعة و بانديتا و لما باعوا
الالتراس بعد بورسعيد و ميليشياتهم اللي وقفت قدام مجلس الشعب

_ مش ممكن انتخب شفيق بس مش حنسى النائب اللي عيط على ابنه و طلع مع يسري يكرر نفس نظريات المؤامرة بتاعة عكاشة

_ مش ممكن انتخب شفيق بس مش حنسى لما استعملوا الدين لشيطنة اي حد وقف ضدهم وسكتوا كل اللي اتكلم ضد الجيش و الداخلية في البرلمان

_ مش ممكن انتخب شفيق بس مش حنسى لما سابوا الناس تموت في محمد محمود عشان يجروا على الانتخابات

_ مش ممكن حنتخب شفيق بس مش حانسى تعاليهم و غرورهم و استحواذهم على التآسيسية و احتياجهم للقلة المنحلة اللي زيينا لما يتزنقوا بس

_ كام مرة نقول نوصل لبر الامان و بعدين نتحاسب و برضة بيببعونا قبل ما نوصل. مافيش غير رهن مقر المقطم و يمضوا على قايمة العفش

طريقة الاخوان الجديدة للحشد ضد شفيق :
--------------------------------------------
دم الشهداء هيفضل فى رقبتكوا ليوم الدين !!!
تعالوا نراجع التاريخ يا مزورين يابتوع الكرسى !!!
مين اللى أفتى بجواز الدية وقال نتصالح ؟؟
مين اللى ضرب البنات والستات أمام مجلس الشعب ؟؟
مين اللى اتريق على ست البنات وقال إيه اللى خلاها تنزل ؟؟
مين اللى ساب الناس تتسحل وتتعرى وتتدهس فى ماسبيرو ومحمد محمود ومجلس الوزراء عشان كان بيجهز للانتخابات ؟؟
مين اللى قال مش هنترشح واترشح ب3 للرئاسة ؟؟؟
مين اللى قال الاقباط كفرة وأنجاس وحلال فيهم اللى حصل عند ماسبيرو ؟؟ حد فيكوا اعترض ولا فتح بقه ؟؟؟
مين اللى نزل يحتفل بذكر الثورة يوم 25 يناير اللى فات وناس تانية كانت نازلة بتهتف ضد العسكر ؟؟؟
مين اللى افتكر إنه ينزل الميدان بعد ماأعلن عمر سليمان ترشحه لأنهم كانوا خايفين منه ؟؟؟
مين اللى قال على المتظاهرين إنهم خونة وعملاء وبيضربوا ترامادول ؟؟
مين اللى صقف لمصطفى بقرى لما قال ع البرادعى عميل فى مجلس الشعب ؟؟
مين اللى كفر المسلمين اللى لم يصوتوا للمرسى وأبو الفتوح وكأن حمدين يهودى مثلا ؟؟؟
مين اللى فتح السجون أيام الثورة ومين اللى عمل موقعة الجمل بعد الخطاب العاطفى الثانى لمبارك ؟؟؟
مين اللى اعتبر مبارك والد لكل المصريين , مش المرشد محمد بديع ؟؟
مين اللى قال طظ فى مصر وفى اللى مصر , مش المرشد السابق مهدى عاكف ؟؟
مين اللى شوه حمدين امبارح مش حملة مرسى وأبو الفتوح بأنه كافر وشيوعى فى مكبرات الصوت ؟؟؟
أنا ضد الاخوان فى الإعادة مع هتلر نفسه مش شفيق ولأن الموضوع مش موضوع شفيق أو غيره .
ولو حكم العسكر سئ فحكم تجار الدين أسوأ وألعن ... مش هنسيب البلد تتحول للنموذج الإيرانى أو السودانى قدام عينينا !
للأسف وصلنا للمرحلة اللى بقينا فيها بنقول : نص العمى ولا العمى كله !

................
تعليقى :
---------

لا اخوان ولا فلول