أحبتى
أعضاء منتدى شباب بطاش,

اليوم سأكتب لكم موضوع غاية فى الأهمية,
وغاية فى العتاب, لإناس أشتقت لهم شوق الأخ لأخية
وكم تسائلت, أهكذا كانت العشرة هينة؟
ياترى عملت إيه للناس , دى علشان يزعلوا منى

الناس دى حتى مافكرتش تدخل تتطمن علينا, أو تطمننا عليهم
أو حتى يقولو لنا كل سنة وإنتم طيبين
لكن رغم إنهم نسيونا, فإحنا فاكرينهم وهنفضل فاكرينهم طول العمر
لإنهم حفروا أسمائهم فى قلوبنا ,بكتاباتهم الطيبه, وروحهم النقية الصافية

بجد الناس دى وحشتنى قوى , ووحشتنى ايامهم الجميله , التى لم تخلو ساعه من المرح والهزار

بكل بساطه , انا هكتب لكم أسماء الناس اللى وحشونى
وكل واحد حاسس ان فى شخص وحشه, يكتب لنا إسمه هنا


The pure Heart

رنونة

ملك

صالح عطيه

بسمة أمل

سمسم

محمد الرفاعى

حامد مرعى

mhhm34

أمير الزعماء

ابو العمده

الملاك البرئ

برنس الليالى

Like_No_Other

الطير الشادي

a7med7akeem73

بكار

اميرة المغرب

دموعك نصيبك

the moon

هدى

romantic

عائشة

عاشقة الجنه

الحضرى

الفريده

ضى القمر

وليد

زهرة الربيع


وياما فى القلب من ناس بحبهم

وعندى عتاب خاص , للأستاذ عطية سالم
لانه بيكون موجود ومش بيكتب لنا اى مشاركة يطمنا عليه


وفى النهاية
أقولكم على إسم شخص عزيز جدا على قلبى لكنى بعتب عليه انا ما بيسألش فينا ولا بيشارك معانا خالص
الشخص ده هو



خلص الكلااااااااااااااااااااااااام
فياريت تطمنونا عليكم
وياريت حتى لو حد يعرف عن الناس دى حاجه يعرفنا ويطمنا عليهم

والله ياعم نفسي اشارك بس انا للاسف مش بعرف اعمل مواضيع وكده يعني كل واحد علي قد علامه بقه كويس اقوي اني بعرف ارد عليكم وبعدين انت غلطان علمني ازاي واوعدك اني اشارك يعني بتجيبوها ازاي بجد والله ماعارفه
ثانيا طمني علي احمد حسين عامل ايه بعد الاحداث الاخيره دي يارب يكون بخير

فى القسم ده
بطاش .. كيفية إستخدامـ المنتدى

هتلاقى موضوعات قيمة جدا زى دى
وفيها شرح لكل حاجه فى المنتدى
بلاااااااااااااش كسل ودورى وانتى تلاقى

شرح كيفية كتابة موضوع جديد فى المنتدى بالصور

كيفية إضافة رد فى منتدى شباب بطاش

كيفية إرسال رسالة خاصة لأحد الأعضاء شرح بالصور

كيفية عمل إقتباس فى الردود على منتدى شباب بطاش

كيفية استخدام الشات فى المنتدى شرح بالصور

حل مشكلة عدم تنسيق الموضوع عند نقلة من منتدى لأخر

ولو عايزه اى حاجه تانى
وكسلااااااااااااااااااااااانه
اطلبى وهتلاقينا كلنا فى الخدمه
عيب عليكى لما يكون صديقك طه حسين وفى الاخر تقولى مش عارفه اعمل كذا
دا حتى يبقى عيب فى حقى قوى

كنت مشغولة شوية ومكنش عندى وقت خالص
انو افتح النت مش بعرف اقعد كتيرحتى الفترة دى بردو مش بعرف
افتح كتير يعنى انشاء الله بعد العيد هرجع انزل مواضيع واشارك كمان
ياريت مش تزعلو منى لانو مش بايدى مش تزعل من حد لانو كل واحد
اكيد عندو اللى شغالة اكيد معندوهمش وقت انو يفتحو النت زى حالى يعنى
شكرا لاهتمامك ياريت مش تزعل وانا بعتذر على غيابى

ربنا يبارك فيكى ويبارك لك يا امنيه
احنا مش طمعانين غير فى انك تدخلى من وقت لاخر تطمنينا عليكى
يعنى مش من حق الاخوات انهم يطمنو على اخواتهم ولا ايه؟
خلينا فى بالك دايما زى ما إنتى فى بالنا طول الوقت

السلام عليكم والله تفاجات عندما قرات الموضوع لانى كنت ادخل ساعات فقط وكان عند الكمبوتر مقطوعة فيه النت يعنى قبل رمضان صلحناه بيوم وعند دخول رمضان الواحد مش للحاق نهار لاحركة وبعد الفطار تروايح يعنى الوقت ضيق كثير اخذ ساعة واحدة فى اليوم اقعد على النت كل من سال عنى اشكره من اعماق قلبى صح صيامكم وربى يتقبل من الجميع راح يهدى بالى واشارك بمواضيع الله يفرج هم كل مهموم اميييين

أهلا بيكم ياجماعة ورمضان كريم
أولا أحب أشكر كل اللى بيسأل عنى والحمد لله انا بخير
ثانياً

اقتباس :

وفى النهاية
أقولكم على إسم شخص عزيز جدا على قلبى لكنى بعتب عليه انا ما بيسألش فينا ولا بيشارك معانا خالص
الشخص ده هو
أحمد حسين

والله يــا طه إنت عارف انا يدوب بنزل من الجيش مابصدق أفصل دماغى شوية من الدنيا وأرتاح
زاى مانتا عارف دلوقتى ان الوضع فى الجيش صعب والواحد حتى بينزل كل فين وفين
عموما متزعلش منى وإنت عارف هى ظروفى كدة
وأسف على غيابى عنكم وشكرا لإهتمامكم بيا وبسؤالكم عنى
وأوعدكم أكون موجود معاكم على قد ماأقدر

*اناهيد كتب:

السلام عليكم والله تفاجات عندما قرات الموضوع لانى كنت ادخل ساعات فقط وكان عند الكمبوتر مقطوعة فيه النت يعنى قبل رمضان صلحناه بيوم وعند دخول رمضان الواحد مش للحاق نهار لاحركة وبعد الفطار تروايح يعنى الوقت ضيق كثير اخذ ساعة واحدة فى اليوم اقعد على النت كل من سال عنى اشكره من اعماق قلبى صح صيامكم وربى يتقبل من الجميع راح يهدى بالى واشارك بمواضيع الله يفرج هم كل مهموم اميييين

بارك الله فيكى اختى
اناهيد
لا نريد سوى الإطمئنان عليكم فقط
فلا تحرمونا شرف سؤالكم عنا وسؤالنا عنك
ونسأل الله أن يفرج همومنا جميعا وأن ييسر كروبنا

فى انتظار رجوعك لنا اخى الليبى
سالما غانما ان شاء الله تعالى
المنتدى منتداك
وانت عارف كده كويس
واحنا اخوانك وأخواتك
وربنا ما يحرمنا من تواجدك معانا طول العمر

السلام عليكم ورحمة الله وبركاته
اخي الغالي طه
انا اشكرك جدا على انك ذكرتني
ولكن انا متواجدة دائما يا طه
ولو غبت اغيب مش اكثر من ايام قليلة
وانت تعرف ظروف والدتي الصحية
وانا متواجدة دوم
وتعرف والله يا طه النت عندي متوقف
وبرضوا بدخل من المودم
وذلك متعب جدااااا في التحميل
بس المهم منقطعش عن المنتدى ومفتحش لا فيس ولا غيره اول شيء افتحه هو المنتدى
وعمري ما أنقطع عن بيتي وحبايبي
والف شكرا ليك يا غالي

ودا عشمنا في اختنا وحبيبتنا الغالية جردينيا
ان شاء الله ربنا يقوم ماما بالسلامه
ويبارك لك فيها ويبارك لها فيكى
ويرزقها صحه بالغه
اللهم يا حنان يا منان إشفى والدتها

وانتى مش محتاجه انى اعرفك غلاوتك عندنا
انتى عارفه ان انتى غالية علينا قوى جدا خالص مالص
صح ولا مش عارفه؟

لالالالالالالالالالالالالالالالالالالالا
مش عارفة بس لما بلاقي كلامك العسل بعرف
وانتم يا طه اغلى ناس عندي والله وهذه حقيقة
وانا معنديش اصحاب غيركم
وهذا المكان غالي عندي جدااااااااااااااا
وهو مكاني الوحيد الذي ابرح وامرح فيه انه مكاني الذي لا يعرفه من حولي احد
عندما اكون في عالمي لا احد يقدر ان يأخذني منه
ومش هتخلص مني خالص مالص يا طهوتي

رجعنا لطهوتى تانى
لامؤاخذه يا أم ميادة
ههههههههههههههههههههه

يا جردينيا حرام عليكى دا انا ما صدقت جسمى طاب من الجروح اللى كانت فيه من أخر علقه اتضربتها بسبب طهوتك دى
ههههههههههههههه

كل سنه وانتى أطيب قلب يا قلب يا طيب

معلش يا ام ميادة
طه غالي علينا كلنا
وبندلعه
كده يا طه مش عايز دلع انت اللي خسران والله
مش هتلاقي حد يقلك طهوتي غيري
وعلقة تفوت ولا حد يموت
هههههههههههههههههههههههههههههه
تحياتي يا طهوتي
وكل سنة وانت طيب
وعيد سعيد عليك وعلى الاسرة الكريمة

السلام عليكم
اخي طه

المعذرة انا اول مرة انتبه للموضوع ده

انت كذلك اخ غالي عليا كثير وربنا يعلم بغلاوتك عندي وبعتبرك كأخ ليا هذا لو تقصدني انا بكلامك

ولو في وحدة ثانية الله اعلم
انا موجودة معاكم دائما حتى لو مش موجودة في المنتدى لظروف

فانتم معايا في قلبي دائما
وأعتذر عن تقصيري معاكم
وان شاء الله يرجع الكل مثل الاول

مساء الخيرات على عيونك يا
بسمة أمل
انتى أخت فاضلة
وعزيزة جدا على قلوبنا كلنا
والحمد لله انك رجعتى لنا سالمة غانمة
وان شاء الله ما تنقطع أخبارك عنا أبدا

ربنا يخليك ويحفظك ويسلمك
اخي طه
انت كذلك ونعم الأخ والصديق
انا موجودة دائما معكم واتمنى اكون ضيفة خفيفة عليكم.
ربنا يهنيك ويسعدك بالاسرة الكريمة
ويبارك لك فيها

انتى صاحبة بيت ولستى ضيفه
وربنا ما يبعدك عنا أبدا

هذا من طيبة قلبك وسعة صدرك

شكرا لك

وربنا يديم المحبة بين الجميع

اقتباس :

وفى النهاية
أقولكم على إسم شخص عزيز جدا على قلبى لكنى بعتب عليه انا ما بيسألش فينا ولا بيشارك معانا خالص
الشخص ده هو
Like_No_Other

انا بصراحه داخله مكسوفه جدا استاز طه احرجتنا بالكلام جدا جدا حضرتك فعلا انا قصرت بس عزرا اسباب كتير جت ورا بعضها بعدتنى شويه عالنت بس الفيس لا عشان مكونش كزابه بس ورنا العالم اد ايه بعتبر المنتدى ده بيتى التانى وكلكم اخواتى ودى حاجه لها تاريخ معايا يعتبر ثانى منتدى دخلته وكنت بحبه جدا وكان من اساسياتى اليوميه مينفعش انام من غير مشوف الدنيا مشيه ازاى فيه بس عزرا اوعدكم هتلاقونى باستمرار وعاشقة بتاعة زمان هترجع واحسن كمان من الاول ان شاء الله وبكرر شكرى لاستاز طه انه لسه بيفتكر صحبته الطيبه  وكلكم بجد وحشتونى جدا جدا وبلاش اخص بالزكر حد لان بجد كلكم وحشتونى جدا جدا