 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: تعالى إحضني قلبي لـ: شاعر العامية .. معوض حلمي  السبت أبريل 22, 2017 2:16 pm | |
| :: تعالي احضني قلبي :: ~~~~~~~~~~~~~ يابهيه ياللي ترابك حنة مدى إيديكي لوني خدي .. كان نفسي اكون بحار واركب مراكب شوقي إليكي واعدي .. تعالى إحضني قلبي .. وازرعي زرعك يوفي .. إطرحي خيرك يكفي .. فكري قلبك برسمي .. عوديه يتهجى إسمي .. أصل أنا طماع ونفسي .. يبقى قلبك ليا وحدي .. ويبقى حبك ليا وحدي .. ولما تبقي ليا وحدي .. أملك الجنة ونعيمها .. يانعمة غالية بادعي رب  الكون يديمها .. وابقى ف حبك أناني .. ومارتضيش يشاركني قلبك حد تاني .. أصل أنا ف حبك أناني .. واسألي النسمة اللي مالت يوم على قالتلي قلبك ليه ناسيها .. قلت قلبي وروحي ليها .. روحي حالا واسأليها .. هتلاقيها ساكنة فيا .. وتلاقيني قلب فيها .. هتلاقيها .. ساكنة فيا .. وتلاقيني .. قلب فيها .. ~~~~~~~~~~~~~ بقلمي .. معوض حلمي منشأة بطاش تمي الأمديد دقهلية
تسهيلاً على زوارنا الكرام يمكنك الرد من خلال تعليقات الفيسبوك
|
|
