أغنية

::  بتوحشني   ::



بتوحشني..
     .. بتوحشني ..
ياحلم جميل بتوحشني ..
ولما  تغيب  بتحرقني  ..
بنار الشوق  وتجرحني  ..
وانا الصابر على جرحي ..
 بحبك  موت  ومستني  ..
 ف يوم تيجي تفرحني  ..

بتوحشني ..
      .. بتوحشني ..
ياحلم جميل بتوحشني  ..
 ويجي الليل ويندهلي ..
أروح اسهر أنا وجرحي ..
مع المجاريح  يطوحني ..
ونسمة صيف بتحدفني ..
على  جناحها تروحني  ..

بتوحشني ..
     .. بتوحشني ..
ياحلم  جميل  بتوحشني ..
ويجري الدمع فوق خدي ..
 وأقول  الآه  بتوجعني  ..
  وتوعدني   تعوضني   ..
ماليك الشوق وترجعلي ..
  وتخلف  باللقا  ظني   ..
 يزيد  بعدك  وتدبحني  ..

بتوحشني ..
      .. بتوحشني ..
ياحلم جميل بتوحشني  ..
وترجعلي  أنا  وقلبي  ..
وتحضني يطيب جرحي ..
واعيش العمر  ياعمري ..
مابين حيرتي وبين ظني..
تغيب  عني  وتجرحني  ..
وترجعلي يطيب جرحي ..
 بتوحشني ..
        .. بتوحشني ..
ياحلم جميل بتوحشني  ..
                               ~~~~~~~~~~~~~
بقلمي  ..
معوض حلمي
منشأة بطاش
تمي الأمديد
دقهلية