موضوع: أرفض التجديد للسيسي لولاية أخرى الأربعاء أكتوبر 18, 2017 9:43 am
دي وجها نظري في الرد علي استماره الاخوان ومش هاقبل با اي راد ولفظ خارج علي كلامي وعلي رئيس الدوله الحالي
دي استماره لموطن رافض التجديد للسيسي برحتك ياحبيبي بلاش تجدد بس اكتب ورقه تاني لان دي بتدعم السيسي وكل الوارد فيها غير صحيح ولو مش عارف تعال نقرها ونرد عليها مع بعض هم ٩ أسئله
1- بتقول من اجل مصر قويه وحفاظا علي جيشها ؟؟ جيش ايه يا بني الي عاوز السيسي يمشي عشان تحافظ عليه اممممم قصدك الجيش الي بيتسلح با افضل الأسلحة في العالم ولا الجيش الي بيحميك من الارهارب الي في سيناء ولا يكونش تقصد الجيش الي لم بتبقا في مشكله في الدوله واجهزات الدوله مش قادره عليه بيتدخل. ويحلها في لمح البصر
2- بتقول من اجل الحريات واسترداد الكرامه ؟؟ اكيد تقصد انك عاوز تعيش الفتره الي كان الاخوان ماسكين فيها البلد وطلعو كل الي في السجوان عشان يحربو الجيش في سيناء صح ولا تكونش تقصد الكرامه العالميه الي مكنتش موجوده والسيسي جبهالك في الامم المتحدة ومجلس الامن صح اكيد انت تقصد كده
3- بتقول مش هاجدد لسيسي عشان تسترجع حقوق الفقراء ؟؟ اكيد انت تقصد الفقراء الي كانو عايشين في العشوائيات والنهارده السيسي نقلهم لحي الاسمرات عشان يحسن من شكل الدوله صح
4- سياتك بتقول مش هتجدد للسيسي عشان الاقتصاد الي دُمر ومازال يدمر ؟؟ بص ياحبيبي أولا: انت يا بتاع دبلوم يا ثانويه يا كبيرك كليه حقوق فا أكيد مش هاتفهم الإجراءات الاقتصاديه دي صح ولا غلط لا نك لو كنت جبت في الثانويه العامه 99% كنت دخلت اقتصاد وعلوم سياسيه واكيد ساعتها كنت فهمت ان الاجرات دي كانت لازم تتاخد من ايام السادات ولاكن خوف الدوله من تكرار حريق القاهرة لكان للدوله شأن اخر ثانيا: انت مش بتتفرج علي تليفزيون ولا ايه انصحك من اليوم تتفرج علي قنوات تانيه غير قنوات الاخوان او تسمع لصحابك الي بيشتغلو في جميع أنحاء الجمهوريه في مشاريع عملاقه زي محطات الكهرباء وصوامع الغلال والمدن الجديده الصناعيه والسكنيه اتفرج يا حبيبي
5- بتقول من اجل حقوق الشباب في مستقبل يليق بهم ؟؟ طب اقولك ايه انا .. اقولك ان احنا بنستحمل عشان خاطر مستقبل اولادنا والسيسي الي سياتك مش عاوز تجدد له بيبني اكبر واحدث مداس يابانيه عشان خاطر أولادنا يتعلمو صح .. صح ولا مش صح
6- من اجل نزيف الديون ووقف سرقة مقدرات الدوله ؟؟ احب اكرر لسياتك انك مش اقتصادي عشان تقرر ان الدوله بتنزف من الديون واحب اقولك ان اعظم دوله في العالم امريكا مديونة با الكثير من الترليونات وخش ابحث واعرف مش عيب يا حبيبي واما لو سياتك قررات ان الحكومه الموجوه حاليا حرميه وسرقت مقدرات الدوله فا احب اقولك ان بلدك بقلها سبع الف سنه بتتسرق ولسه فيها خير متشغلش بالك انت با الموضوع ده شوف شغلك انت وملكش دعوه بشغل غيرك
7- بتقول مش هتجدد للسيسي من اجل استرجاع وحده الوطن بجميع اطيافه ؟؟ ه انت الي بتقول كده انت مش واخد بالك ان السيسي وحكومته رجعوا وحده فلسطين وصالحوا حماس الاخونيه وفتح علي بعض ولا مش واخد بالك ان مرسي العياط كان كل ما يخاطب الشعب يقول اهلي وعشرتي ه ولا مش واخد بالك ان السيسي ده الي مانمش ولا عزى الاقباط غير لم راح اخد حقهم في ليبيا ورجع عزاهم في قلب الكنيسه ولا مش واخد بالك ان السيسي هو الرائيس الوحيد الي بيروح يعيد علي الاقباط في اعيادهم ولولا مواقفه دي كانت البلد خربت من الي بيحصل في الاقباط من حرق كنائس ومنازل .. مش واخد بالك انت صح
8- من اجل رجوع مكانة مصر علي الصعيد العربي والعالمي ؟؟ مش فاهم هو ده سبب عشان تجدد ولا متجددش يابني ياحبيبي لو علي الصعيد العربي مصر بتحرك الدول العربيه بصباع الرجل الصغير ولا انت مش اخد بالك انها صحابه مقاطعه قطر بنت الـ *** مع دول الخليج على الرغم ان مصر مش من الخليج ولا تكونش مش واخد بالك ان مصر فاتحه باب روسيا للعرب بدليل ان الملك سلمان لسه جاي من هناك اهو. افهم يابن الناس مصر والعرب الاول كانوا تحت عبايه أمريكا النهارده السيسي المحترم اخد العرب كلهم تحت جناحه ومعه في اي دوله اما بنسبه للموقف مصر العالمي فا قبل ماتقول كده هاتلي اي رئيس راح في تلات سنين كل الدول الي السيسي راحها وتعالي افكرك بموقف مصر وعلاقتها مع اكبر ملوك ورؤساء العالم لما السيسي افتتح ترعه قناه السويس الي تحتها النهارده 3 انفاق بيربطو سيناء با الدوله مش صح ولا ايه
9- بتقول سياتك من اجل الموطن الذي فقد حريته وتعبيره عن رأيه في شكوى بلاده ؟؟ مش صح كده ولا انا غلطان ؟ لا هو ده السؤال الاجابه في كلمتين اتنين التعليم اولا ثم الحريات ثانيا ياعني لم تتعلم تاخد حقك وتعبر عن رايك تبقى الدوله تديك الحريات لذلك انتهيت من الرد الخاص بي واحب اقول ان الكلام ده ليس موجه لشخص بعينه بل الى فكر فاشل
تسهيلاً على زوارنا الكرام يمكنك الرد من خلال تعليقات الفيسبوك
الأحداث
موضوع: أرفض التجديد للسيسي لولاية أخرى 
الأربعاء أكتوبر 18, 2017 9:43 am
