سلسلة مقالات الموقف الأسباجتى رقم 1


الموقف الأسباجتى ومؤتمر جنيف الثالث والرابع والخامس والتمنتاشر
■■ قلنا من قبل أن مصطلح الموقف الأسباجتى هو تشابك المصالح وتفرعها وتشتتها فى أثر من أتجاه وقلنا أن المواقف المعقده يطبق عليها الموقف الأسباجتى مثل طبق المكرونه تجدها متداخله ومعقده وصعب إستخلاصها من بعضها

■■ واضح أن أردوغان وحسب تحليلنا لشخصيته المغروره لازال حتى الآن يتمسك بالخطابات الشعبيه والشعارات الجوفاء التى ترضى الداخل عنده فقط وهو يعلم أنها لن تجدى مع الخارج وخصوصا مانقصده هنا وهو الجانب الروسى تحديدا وعندما يقول بوتين وخلى بالك من الكلام (( بيخاطب شعبه وليس الخارج كما يعتقد الكثيرون )) أنه على استعداد لترك منصبه لو ثبت أنه يتعامل مع داعش وهنا طبيعى من عدة أسئله تطرح نفسها :
ماالذى يدفع فرنسا لمطالبة أردوغان بضبط حدوده مع سوريا والعراق وليه ماقلتشى حدوده مع روسيا ؟؟؟

أين ذهبت المصانع السوريه فى الأراضى الواقعه تحت سيطرة تنظيم داعش ؟؟؟

إيه اللى مزعل تركيا من حربها مع داعش كما تدعى ؟؟؟

أن لم يكن أردوغان هو المجرم الحقيقى فمن هو المجرم الذى يتعامل مع داعش ؟؟؟

ماقول أردوغان فى قصف الطائرات الروسيه لمجموعه من السيارات المخصصه لنقل البترول التابعه لتركيا ؟؟؟ (( علشان منظلمشى الجدع ممكن تكون الفناطيس دى بتعمل رحلات سياحيه فى الأماكن البتروليه أو بيحملوا فيها سمك من البحر الأحمر عند جنوب اليمن أو يمكن كانت رايحه تجيب فوانيس رمضان القادم من الصين وتاهت فى الصحراء السيبريه عند شمال الجزائر من ناحية السنغال ))

■■ أردوغان فاكر أنه لما يقول لبوتين تعالى ونقعد ونتفاهم فاكر نفسه فى أحد شوارع القاهره وحصلت مشكله ونقعد على القهوه عند الوله بليه فى حضور المعلم بعضشى وحنحلها بكلمتين حلوين وأن بوتين لما يرفض يبقى أردوغان عمل اللى عليه وكبر لأهل الحته وبوتين هو اللى راكب دماغه وشكله بقى وحش قدام أهل الحته (( يابا دى مصالح دول وأنت حدفت طوبه على شباك القيصر الروسى )) يعنى كده بلغة محمود أبنى دخلت فى شجره ولازم يتعلم عليك علشان ماحدش فى الحته كلها يفكر يعمل زيك

■■ عادل الجبير وزير الخارجيه السعودى نازل تصعيد وتسخين فى أم الملف السورى ونسى أو تناسى الملف اليمنى ومش واخد باله أن الروس ممكن يلعبوا فى الملف ده عنداً فى السعوديه ويمدوا الحوثيين وصالح باسلحه نوعيه تقلب الترابيزه فى اليمن من تانى ونرجع من الأول ويبقى خسرنا كل اللى عملناه فى الـ 8 شهور اللى فاتوا وخسرنا الجلد والسقط والممبار (( رأى الشخصى السعوديه تسحب من الملف السورى على خفيف وتكتفى كما قلت سابقاً بدعم المعارضه السوريه من بعيد لبعيد على الأقل لما تشوف لها صرفه فى ملف اليمن اللى طول قوى

■■ كلنا فاكرين الرئيس السوفيتى (( ميخائيل ياما بكره نشوف )) تقريبا أوباما ماشى على منهجه وحنشوف تراجع للجشع الأمريكى فى المنطقه لحد كده وكفايه عليهم قوى والراجل أكتفى بـ 3 ولايات أمريكيه فى المنطقه وهى قطر والعراق ولاداعى لذكر الثالثه الآن علشان مش عاوزين نزعل أخواتنا السود اللى تحت اللى تحتينا اللى ساكنين جديد فى البدروم العربى والراجل قالك كفايه كده لحد مانخلص على ليبيا ونخنق ميتين أم المصريين ونعمل عليهم كماشه من كل مصيبه ولما نوقع مصر كله بعد كده حيجى زى الفريره

■■ لو السعوديه عاوزه تكمل فى الملف السورى يبقى قدامها حلين بعد روسيا مانزلت الملعب بتقلها أما اللعب من بعيد لبعيد وتزق ‫#‏كطر_بنت_الوسخه‬ لأن بوتين مش حيقدر يكلمها لأنها الولايه رقم 53 للولايات المتحده الأمريكيه (( مستغرب من كلامى حقولك محافظ ولاية ‫#‏كطر‬ بيتم تعينه من قبل الحاكم فى البيت الأبيض بخلاف باقى الولايات التى يأتى حاكمها بالأنتتخابات لأن الولايه دى لها وضع خاص عند العم سام ))

أما الحل التانى هو الموافقه على الرؤيه المصريه وهى رحيل بشار بعد عامان وبعد أجراء أنتخابات تحت أشراف دولى بشرط بقاء الجيش السورى على مكوناته (( هو ده اللى يهم مصر والمصريين تحديدا تفضل سوريا زى ماهى ومين بقى اللى يحكمها مش موضوعنا دى موضوع السوريين نفسهم ))يعنى على السعوديه التفاوض على آلية تنفيذ الحل السياسى التى طرحته مصر ويعنى كده زى ماتقول الروس شبه موافقين عليه واللى معترض فقط أيران غير كده أنسى الملف ده يتحل وربنا يستر لو منحلش حتبقى عيشة العرب كلها سودا لأن سوريا وضع خاص


■■ على الأتراك التفكير جيدا فى الرؤيه المصريه (( هات ودنك ياأردوغان أوعى تكون فاكر أن الروس مش واخدين بالهم من حزب المجتمع التركى ممكن قوى يدعموه سياسيا وعسكريا تحت أسم مساعدة أى فصيل بيساعد فى الحرب على داعش وهنا حتبقى عيشة أمك سودا )) أعقل ياأردوغان وبطل تهليل على القهاوى علشان اللى بيته من أزاز مايحدفشى الناس بالطوب (( هما المحامين عاملين عندك إيه دلوقتى ياقرد مش بقولك سنتك سودا ))


■■ كاميرون لايريد أن تفوته الفرصه وأنه حيضحك على شعبه ويرسل قوات لسوريا زى تونى بلير ماضحك عليهم وقالهم صدام يقدر يضرب بريطانيا فى خلال 45 دقيقه نمره واحد علشان مايطلعشى من المولد بلا حمص وعلشان يثبت الولاء للبيت الأبيض

■■ وجهة نظرى الشخصيه /
فكك من تمثيل المعارضه بلاش نضحك على بعض وخلينا كده وش لوش وكل الدول المعنيه تقعد مع بعضها سوريا وروسيا والسعوديه وإيران وفرنسا وبريطانيا وأمريكا وتركيا ومصر ونحط حل لسوريا أن مكانشى علشان خاطر السوريين اللى أتبهدلوا خمس سنين ومات منهم اللى مات يبقى علشان باقى الدول العربيه اللى حتروح واحده ورا التانيه زى العراق واليمن وليبيا والسودان وفلسطين

#جنرال_بهاء_الشامى
في نوفمبر 29, 2015