سلسلة مقالات الصقر الذهبى (عُمر سليمان) رقم 2



■■ ليست هذه السلسله لذكر تاريخ رجل شهد له الأعداء قبل الأصدقاء رجل كان عندما يتحرك يصحى النيام ليراقبوا تحركاته وكيف سيتحرك ولما يتحرك وماذا سينتج عن تحركاته بقدر ماهى سلسلة لمحاولة كشف كثير من غموض رجل أطلقوا عليه الصندوق الأسود لمصر

■■ فى مارس 2011 وعقب أحداث خيبة ينايم كان الباشا فى قعده خاصه مع الداهيه أحمد أبو الغيط واللواء طوسون ونبيل دعبس ومدير مستشفى وادى النيل ومعنديش معلومه مؤكده بباقى الحاضرين لاحظ الحاضرين الغضب الشديد على الباشا والعصبيه وسأله نبيل دعبس مالك ياباشا فقال له الأخوان ياسيدى فقال له مالهم فقال له (( إذا الأخوان متعدلوش أنا عمر أنا الصندوق الأسود وحطلع اللى عندى )) فجأه وقف اللواء طوسون وقال له يافندم الجمله دى ماتتقالشى تانى فيها خطر على حياتك (( هنا لازم ترجع لسلسلة مقالات مصر أم الكون علشان تراجع اللى قلناه وقتها عن الجمله دى )) فقال له الباشا أنت تعرف ياطوسون أنى مابخافشى ولو بنخاف كنا خفنا من زمان فقال له طوسون لكن أنت عندك أسرار البلد بحالها وأسرار الأخوان والجمله دى حتفتح عليك نار جهنم هما عارفين نفسهم وأحنا عارفينهم وهما عارفين أننا عارفينهم يبقى مالوش داعى نهددهم دلوقتى خصوصا أنهم قاعدين على حجر الأمريكان دلوقتى وتانى يوم أتسربت الجمله للإعلام والأعلام ركز عليها قوى وبالبلدى كده الأخوان جالهم إسهال وحنرجع للواقعه دى تانى علشان حنحتاجها ويمكن فى سلسلة مقالات مصر أم الكون ذكرناها بالتفصيل لكن حنعيدها هنا تانى خصوصا مكالمة الشاطر لأدروخان علشان الجمله دى حتوضح لنا ليه أمريكا كانت عاوزه تتخلص من الباشا

■■ بعد إنقلاب قطر عام 1995 أتصل حمد بن خليفه على مبارك وطلب منه يتدخل عند أبوه ويخليه يرجع فلوس قطر اللى فى سويسرا أحسن حتحصل أزمه ماليه طاحنه فى قطر لكن مبارك كان مشغول وقتها بقراءة تقرير عن الأسلام السياسى كان كاتبه اللواء أحمد الشرقاوى والد بيكنام الشرقاوى وقاله حبعتلك اللواء سليمان يفهم منك المطلوب ويقوم باللازم وسافر الباشا تانى يوم قطر وسمع من حمد الموضوع وقال له حمد حضرتك شخصيه عالميه ولها ثقلها والوالد بيحبك وبيقدرك وممكن يسمع كلامك وياريت تكلمه أحسن الوضع المالى لقطر سئ جدا ومش حنقدر نوفى بإلتزامتنا (( علشان بس تبقوا عارفين أن فلوس الشعب القطرى فى أيد أسرة موزه وهما اللى بيتصرفوا فى البلد واللى يفضل منهم يبقوا يصرفوه على القطريين ))

■■ فعلا سافر الباشا لسويسرا وقابل خليفه آل تانى وشرح له القصه والوضع المالى لقطر فقال له خليفه أنه حزين أن أبنه حمد يسمع كلام الأمريكان ويطيح به وينقلب عليه وفى الأول رفض خليفه تنفيذ رغبة الباشا فقال له الباشا طيب نحول لهم 3 مليار دولار يمشوا بيهم البلد مؤقتا وحدث حوار طويل وجدال شاق فى نهايته قال خليفه للباشا أنا ححول لهم 2 مليار دولار فقط علشان مجيتك لحد هنا وتقديرا لدورك وتقديرا للرئيس مبارك الذى أحترمه جدا وفعلا تانى يوم تم تحويل المبلغ على بنوك قطر وخرج بيان من أمير قطر يشكر فيه جهود مبارك والباشا فى الوقوف بجوار قطر فى محنتها (( تعمدت أذكر لك القصه دى رغم أنها ممكن ماتكونشى مهمه لكن علشان تبقى فاهم ليه قطر قلبت علينا دلوقتى وبتناصبنا العداء وعامله راسها من راسنا )) وعلشان تبقى فاهم ليه العيل اللى بيحمهم دلوقتى بيحقد على مصر وتبقى فاهم تصرافاته اللى حيعملها كمان كام يوم فى الأردن لما يشوف عمه عبدالفتاح السيسى

■■ بعد خيبة ينايم أكيد كلكم فاكرين أن فيه وفد شعبى زار أثيوبيا علشان موضوع السد الأثيوبى وقتها خرج الزيناوى بتاع أثيوبيا وقال أن الباشا هو السبب فى تردى العلاقات المصريه الأثيوبيه بعجرفته وغروره ووقتها كان الباشا خلاص خرج من الخدمه وصحافة الأخوان عملت التصريح ده بنوبونايه ولبانه فى بقهم وحزن جدا الباشا وقال صعبان عليا أهلى وناسى يصدقوا الغريب ويكدبونى ويشكوا فيا والملف ده أنا كنت حريص عليه جدا رغم أن مبارك أعطانى فيه صلاحيات مفتوحه وكان كل هدفى أحافظ على حصتنا من المياه لكن الزيناوى كان معتقد أننا بنساند أرتريا علشان نسقط نظامه وأنه دايما بيردد أن مصر بتحاول السيطره على أفريقيا بأنها بتخلق فيها صراعات وتساند طرف على حساب طرف ولو كنا فعلا كده كنا ساندنا جنوب السودان ضد البشير وأنا عارف أن أثيوبيا فاهمه أنى سبب رفض مبارك لمشروع السد من أساسه وأن أنا سبب عرقلة بناء السد وحترك لعقلك هنا الحكم فى كلام الزيناوى عن محاولة مبارك السيطرره على أفريقيا

■■ كان فيه لقاء جمع بين مبارك وزيناوى حضره الباشا فى القاهره وقال مبارك بالحرف لزيناوى أن مصر لن تسمح وحط تحت لن تسمح 100 خط (( لاحظ مصداقيتنا كفريق وحيادنا فى ذكر حسنات مبارك )) بالمساس بحصتها فى مياه النيل وطالب زيناوى بالألتزام بالأتفاقيات المبرمه فى هذا الشان وقتها نظر زيناوى للباشا ونظر فى عينيه وهز راسه وقال مفهوم مفهوم ففهم مبارك نظرة زيباوى للباشا فقال له ماذا ستفعل لو أصرت أثيوبيا على بناء السد ياعمر فكشر الباشا من ملامحه ثم قال :

■■ ماذا قال الباشا فى هذا اللقاء هذا ماسنعرفه عند إستكمال الجزء الثالث من هذه السلسله لو كان فى العمر بقيه على وعد بلقاء فى أقرب وقت وكل مانطلبه منكم دعوات مخلصه لوجه الله لأننى فى أشد الأحتياج لها الآن

#فريق_مصر_أم_الكون