سلسلة مقالات الصقر الذهبى (عُمر سليمان) رقم 5


■■ توقفنا وأياكم على علم الصقر الذهبى وشهرته عمر سليمان بمؤامرة عزله وأول صدام مباشر بينه وبين سوزان مبارك بعدما نما إلى علمه تجهيز أنس الفقى ليكون رئيس لجهاز المخابرات المصرى ونستكمل معكم فى هذا الجزء بعد ماتوقفنا عنده

■■ ذهب الصقر لمبارك فى القصر وقال له (( أنا جندى مصرى فى الدوله المصريه وأعمل فى أى مكان وأريد أن أستقيل )) على غير العاده ومن وقع الصدمه وقف مبارك من جلوسه وطلب من زكريا عزمى تركه والصقر بمفردهم وأتجه نحو ستارة الشباك وأستدار وقال للصقر (( أنت تعرف قيمتك عندى وأنا أعرف أن البعض لايريدك فى موقعك أنا لاأستطيع الأستغناء عنك ولا يوجد فى مصر من هو أكفاء منك للجهاز لكن عليك تهدئة الأمور مع الأخرين ))

■■ ثم جلس مبارك وقال للصقر أقعد ياعمر وجلس الصقر فقال له مبارك أنا أقدر صراحتك ووضوحك وذكائك وأذا كانت كل دول العالم تقدرك وتعمل لك حساب فمن باب أولى أن أعرف أنا قيمتك ولن أنسى لك موقفك فى أديس أبابا وحمايتى وحماية البلد من الجماعات المتطرفه

■■ كان الصقر قد أصر على إرسال سيارة مبارك المصفحه لأديس أبابا بعدما أصر مبارك على الحضور وطلب من الحرس الرئاسى الأحتفاظ بسلاحهم كاملا وعلى أهبة الأستعداد وعدم الأرتكان لوجودهم فى دوله أخرى تقوم بحماية الموكب الرئاسى للضيوف وأمر الطاقم الرئاسى بأن يكونوا على أهبة الأستعداد فى الطائره وأمر طاقم الطائره بعدم مغادرتها وأن تكون الطائره جاهزه للأقلاع فى أى لحظه وأن يبقوا على أتصال مباشر معه

■■ كانت فيه معلومات وصلت للمخابرات أن هناك جماعات دينيه متطرفه ستحاول أغتيال مبارك فى أديس أبابا ولمح لمبارك بهذه التقارير لكن مبارك أصر على الحضور فما كان من الباشا إلا وضع الجميع على أهبة الأستعداد ووضع خطة الأنسحاب من أديس أبابا لو تعرض الموكب لهجوم وهو ماحدث بالفعل وكانت هذه الحادثه دين فى رقبة مبارك للصقر الذهبى

■■ نرجع لموضوع الأستقاله وكانت الجلسه دى فرصه للدردشه بين مبارك والصقر وسأل الباشا وقاله (( إيه اللى مضايقك ياعمر أنا عارفك )) فكانت فرصه للباشا يطلع اللى جواه فقال لمبارك (( الشله اللى حوالين جمال ياريس عليها ملاحيظ كتيره ووجودهم حواليه مخلى فيه كلام كتير فى البلد وريحتهم طالعه )) فقال له مبارك (( طيب إيه رأيك ياعمر تقول له الكلام ده بنفسك أنا حبعت أجيبه وخده فى الصالون اللى جنبنا وأعتبره زى أبنك )) فرد الباشا معنديش مانع

■■ دخل الصقر الصالون اللى جنب مكتب الرئيس وجلس على الكرسى الرئيسى وقال مبارك يازكريا نادى لجمال وفعلا ندهوا لجمال ودخل الصالون على الصقر وقاله تحت أمرك خير فقال له الصقر أنت عارف أنك أبن رئيس دوله وطبيعى فيه ناس لابد تحاول تقرب منك لأسباب تهمهم وطبعا لهم مصالحهم .... قاطعه جمال وقال له وماعلاقتى بالكلام ده فرد الباشا أتمنى أنك تاخد حذرك منهم لأنهم خطر عليك وعلى والدك وعلى نظام الحكم فرد جمال تقصد مين ؟؟؟

■■ كان رد الصقر لجمال أنت عارف أن فيه ناس بتستغل أسمك وبتعمل مصالح بأسمك وبتقدم نفسها للناس على أنها قريبه من القصر فلا بد أن تضع حداً لهؤلاء فرد جمال بتعالى وغرور أنا بسمع النصائح من والدى فقط فرد الصقر والدك هو اللى طلب منى أقولك فقال جمال بعد أن أعطى ظهره للصقر وهم بالأنصراف حبقى أشوف وأسمع منه اللى هو عاوز يقوله ولفع الصقر وأنصرف من الصالون فقام الصقر من مقعده وأنصرف من الصالون على الباب الرئيسى للقصر مباشرةً لكن ظلت هذه الواقعه عالقه بذهن صقر مصر الذهبى

■■ فى عام 2009 وبعد صعود نجم جمال إعلاميا طلب من أبوه أن يطلع على دور وطبيعة جهاز المخابرات وطريقة عمله ودوره الخفى ودوره المعلن ورحب مبارك بالفكره وأتصل على الصقر وقاله جمال حيجيلك وعاوز يعرف طبيعة شغل الجهاز عرفه ياعمر

■■ وصل جمال لمبنى المخابرات ووجد ظابط برتبة عقيد فى أنتظاره ولم ينزل الباشا ليكون فى أستقباله زى ماهو متعود فى كل دواوين الدوله وركبه العقيد الأسانسير والمفروض فى الحالات دى ينتهى دور العقيد عند باب الأسانسير ويركب الضيف الأسانسير مع العامل فقط على أن يكون فى أستقباله الصقر على باب الأسانسير كبرتوكول أحتياطى لعدم أستقبال الضيف على باب المبنى لكن العقيد ركب الأسانسير مع جمال ودى فى عرف البرتوكول أهانه للضيف ده لو أعتبرنا أن زيارة جمال للمخابرات بصفه رسميه ومن حقه

■■ وصل الأسانسير ولم يجد جمال الصقر فى أنتظاره على باب الأسانسير وأصطحبه العقيد لمكتب الصقر فوجد الصقر جالسا على مكتبه وأمامه عدد من الظباط اللى شغالين فى جهاز المخابرات فقام الباشا وأستقبل جمال وصافحه وقال للظباط فهموا جمال بيه كل اللى هو عاوزه وساب لهم للمكتب وأنصرف ليجلس فى مكتب آخر وعندما أنتهى جمال من مهمته مع الظباط وهم بالأنصراف ودعه الصقر لباب الأسانسير فقط

■■ عاد جمال للقصر وهو كله غيظ ودخل على الرئيس وهو غاضب وأشتكى له مما تعرض له من أهانه فى المخابرات وقال له أنهم عاملوه فى مبنى المخابرات بأسلوب سئ وعاوز حقه من عمر سليمان ولم يفيدوه بأى معلومات وكل ماقالوه له كان يقدر يقراه عن النت وانه ندمان على زيارته للمخابرات ونادم أنه لم يسمع كلام ماما سوزان

■■ أتصل مبارك بالصقر أمام جمال لكى يراضيه ويهدئ من غضبه وقال مبارك للصقر (( ليه مزعل جمال ياعمر )) فرد الصقر خير يافندم فقال له مبارك جمال جاى زعلان وبيقول أنه مستفدشى حاجه وكل المعلومات اللى عرفها كان يقدر يعرفها من على الأنترنت فرد الصقر على مبارك قائلا سعادتك تعرف أن عمل الجهاز يتم فى سرية تامه وكامله وهذا ماأقسمنا عليه فى الجهاز وحضرتك سيد العارفين يافندم

■■ قال مبارك للصقر أيوه ياعمر بس ده أبنى فرد الصقر قائلا يبقى حضرتك تقدر تبعت خطاب رسمى من الرئاسه وانال سأقوم بنفسى بذلك فرد مبارك لالالا خطاب إيه ياعمر أنا مش ممكن أخترق سرية الجهاز ده أمن البلد عموما أنا حتكلم مع جمال وأفهمه فشكر الصقر الرئيس على تفهمه للموقف وأنتهت المكالمه عند هذا الحد وطأطأ جمال راسه لكنه لم ينسى هذا الموقف وحاول بث الدسيسه بين مبارك والصقر الذهبى وهذا ماسنعرفه من خلال الأحداث القادمه

■■ زكريا عزمى كان زى ماتقول كل شئ فى القصر والحاكم الأمر الناهى فى القصر وكان بيشخط فى بعض الوزراء لكن عند جمال ومامته بطه بلدى ومن هذا المنطلق أستطاع جمال السيطره على زكريا عزمى وكان يناديه يازيكو

■■ أستطاع جمال عن طريق زيكو تهميش دور مدير مكتب الرئيس ونجح فى ركن اللواء جمال عبدالعزيز لو تفتكروه على الرف وتولى هو إدارة مكتب الرئيس بعد خبرة اللواء جمال الطويله مع مبارك وأستطاع جمال معرفة كثير من أسرار الدوله من هذه النافذه

■■ فى سبتمبر 2010 تقريبا كان مبارك فى زياره لأمريكا وطبعا معاه صقرنا الذهبى وكان الموقف فى أمريكا وقتها ضاغطا على مبارك لأجراء أصلاحات ديمقراطيه والبلد كانت مولعه من جوه والعمليه مشعلله خصوصا بعد تجرأ الناس فى المحله الكبرى فى أحداث 2008

■■ ركز معايا قوى وبلاش تزهق منى خلاص قربنا نخلص المقاله النهارده بس صحصح معايا فأثناء زيارة مبارك لأمريكا ومعه الصقر الذهبى أنتشرلات فى شوارع القاهره صور ويفط مكتوب عليها (( البديل الحقيقى عمر سليمان رئيسا للجمهوريه ))

■■ أتصل موافى بالصقر وهو فى أمريكا وقال له الوضع فى مصر خطير يافندم حصل النهارده كيت وكيت وكيت والكلام ده ممكن يعمل وقيعه بينك وبين الريس فقال له الصقر عاوز تقرير ياموافى يكون وافى عن عدد اليفط والصور والمكان الملصقه فيها ومتنمشى إلا لما تعرف لى الصور دى أتعملت فين مش ناقص غير العيال اللى تحاربنا ياموافى وأغلق الخط وحتى هذه اللحظه لم يعلم مبارك بأى شئ

■■ ماذا حدث عندما عاد صقرنا الذهبى لمصر ومين اللى عمل الأسفين ده ومين اللى ورا الموضوع خصوصا أن الشبهات وقعت على ثلاثه هم : ....... هم مين وطلع مين هذا ماسنعرفه فى الجزء رقم 6 على وعد بالأستكمال لو فى العمر بقيه

■■ ملحوظه : وصلتنى بعض الشكاوى من طول المقالات وأحدهم أبنى محمود وقال حاول تقصر يابا علشان نعرف نقرا الكلام أحنا على تليفون مش كمبيوتر زيك وبعض الناس طلبت الأطاله اكثر لسرعة الأنتهاء من السلسله والبعض طالبلا بالخوض فى التفاصيل أكثر واكثر زى الحاج يحيى همام وأريد معرفة رأيكم لأن لسه قدامنا كتير جدا ولو قصرنا سنصل لكثر من 100 مقال ولو أطلنا سننتهى عند حوالى 50 أو 60 مقال

■■ بأسمى وأسم فريقى وأسمكم جميعا نريد أن نحيى الأبنه الرائعه بنت بور سعيد بلد الأبطال (( إيمان حامد مسعد )) فبرغم إعاقتها إلا أنها حريصه على المعرفه والقراءه والدفاع عن بلدها ولها مجهود رائع على الفيسبوك رغم قلة خبرتها أرجو منكم تشجيعها وتحفيزها والوقوف خلفها

شكرا لـ #فريق_مصر_أم_الكون