سلسلة مقالات الصقر الذهبى (عُمر سليمان) رقم 24 و 25


■■ توقفنا معكم فى الحلقه رقم 23 عند آذان فجر يوم الخامس والعشرين من يناير عام 2011  وهذه حلقه خاصه مهداه للمتابعين  بمناسبة تاريخ ميلاد كاتب السلسله ومحررها لكن قبل السرد ننوه أننا سنتوقف مره أخرى لكن هذه حلقه أسثنائيه ونود أن ننوه أن مصادر معلوماتنا مكتوبه أمام الجميع فى المقال رقم 17 وطريقة أستخلاص المعلومه لها قواعد وأصول يعنى مثلا لو لقينا كتاب واحد اللى مركز على نقطه معينه ومش موجوده بباقى الكتب يتم أستبعادها زى مثلا حادث رفع جمال مبارك الطبنجه  على الباشا عمر سليمان أمام قصر الأتحاديه فى كتاب العقرب السام  لأننا لم نجد تأكيد لها فى باقى المراجع كما تم إستبعاد رواية الجزيره بشأن موت الباشا لأن بيان الخارجيه الأماراتيه يكدبها ولم نستبعدها عاطفيا وتم أستبعاد مثلا رواية اليوم السابع لأنها تتناقض وبيان رانيا عمر سليمان ومع بيان الخارجيه المصريه بواشنطن هكذا كنا نحاول أستخلاص المعلومه كنا نقارن بين الكتب أن وجدنا تناقض فيما بينها نستبعد الروايه أما حديث الباشا مع زوجته واللى أتهاجمنا بسببه هجوم ضارى فقد ذكرنا فيما بعد أن أحد وزراء الخارجيه وقتها والمقرب من عمر سليمان قال فى مذكراته أنه سأل الباشا مالك خاسس كده فقال له الباشا تصدق ياأحمد بيه  أن الجماعه فى البيت قالولى نفس الكلام وذكر له ماحدث ... أذن بعض الأحداث الخاصه جدا وقتها أستقيناها من حوارات جانبيه مذكوره فى مذكرات بعض السياسيين والحديث اللى دار بين المشير طنطاوى والباشا فى أحتفالات الشرطه الأخيره رواها أمين هويدى بعدها   لكن ليعلم الجميع أن سبب عدم أستكمال السلسله هو الشائعات التى أطلقت من حولنا أننا رجال مخابرات حتى وصلت الشائعات لمجلس الشعب رغم أن الأستاذ أيمن عبداللطيف أقسم لهم أننا أناس عاديين  وحاول البعض أستغلالها فى النصب على عباد الله وندخل بقى فى الموضوع لعل وعسى الكل يتفهم موقفنا


■■ فى اليوم الموعود لتنفيذ المؤامره وفى ظهر يوم 25 يناير بدأت مئات العناصر من الشباب والأخوان وعناصر 6 أبريل وبعض المواطنين العاديين التجمع  أمام دار القضاء العالى وفى أماكن أخرى لكن الصحافه ركزت على دار القضاء وقتها ثم تزايدت أعداد المتظاهرين بفعل الحشد على الفيسبوك وبدأت التحرك ناحية ميدان التحرير وحاولت الشرطه منعهم لكن باءت المحاولات بالفشل للتشديد على ضبط النفس وطبعا زى ماحضراتكم عارفين كانت الشعارات والهتافات تنادى بتغيير وزير الداخليه حبيب العادلى وحل مجلس الشعب ورفض الفساد ووقف ارتفاع الأسعار ولم تزيد أعداد المتظاهرين الذين وصلوا لميدان التحرير يومها عن 20 ألف منهم ألفان من رجال المخابرات المصريه المندسين وسطهم  لكن المظاهرات فى المحافظات رددت الشعار التونسى الشهير (( الشعب يريد تغيير النظام )) ولم تكن وصلت حتى هذه اللحظه بالمناده بإسقاط النظام وركز قوى فى كل حرف بكتبه

■■ حاولت بعض عناصر 6 أبريل المندس وسطهم رجال مخابرات التحرش بقوات الشرطه لكن محاولاتهم باءت بالفشل ومكانتشى الدنيا لسه سخنت لكن بالليل ومع حلول الظلام بدأت المظاهرات تسخن وسقط أول جندى أمن مركزى ميتا وأصيب حوالى 75 عسكرى وظلت الأتصالات مع غرفة الطوارئ فى سنترال رمسيس تطالب قادة  القوات فى ميدان التحرير  بضبط النفس وحانت صلاة العشاء وتوقفت حركة المرور تماما بميدان التحرير وبعد صلاة العشاء أعلن المتظاهرون عن نيتهم بالمبيت بالميدان ودعوا لنصب الخيام  للنوم بالميدان (( كانت فين بقى الخيام دى وأزاى دخلت الميدان ومين اللى تكفل بتمنها كلها )) هنا صدرت التعليمات من غرفة الطوارئ بضرورة فض هذه التظاهرات لأنها خرجت عن النظام والشرعيه وتجاوزت حدود الحريات

■■ بدأت ميكرفونات الضباط تطالب المتظاهرين بالأنصراف وتحذرهم من عواقب الخروج عن القانون لكن المتظاهرين رفضوا الأنصياع لتعليمات الداخليه فكانت أوامر غرفة الطوارئ بفض المظاهرات بالقوه وحسب التعليمات وخلى بالك للمره التانيه من كل حرف بيتكتب وبدأت خراطيم الميه تشتغل وقنابل الغاز والرصاصات المطاطيه فى القدم ولم تظهر أى طلقة رصاص سوى فى السويس وسقط اول واحد من المتظاهرين وبأمانه كل المراجع قالت أن الطلقه خرجت من ناحية القسم وأن اللى أطلقها شرطى بقسم الأربعين

■■ طبعا السوشيال ميديا طول الليل أشتغلت على حادثة السويس وكانت لاتزال المحله الكبرى هادئه نوعا ما ولم تحدث أى أصابات أو ضحايا وطلع فجر تانى يوم 26 يناير وخلى بالك رغم كل اللى حصل برضوا تقدر تقول أن الدنيا هاديه لأن الأخوان لسه ماتحركوش لحد دلوقتى وفى نفس الوقت رجعت شخصيه عسكريه مصريه  رفيعه جدا  كانت فى زياره لأمريكا وقطعت زيارتها ورجعت الفجر  وبدأت مظاهرات يوم 26 يناير ومع تزايد الشحن على الفيسبوك بدأت الأمور تاخد منحنى خطير بالسويس وبدأت أعمال العنف بعد مقتل الراجل بتاع أمبارح وبدأت أولى دعوات لجان الأخوان الألكترونيه تظهر وأعلنوا عن حشود ضخمه ليوم الجمعه تحت أسم (( جمعة الغضب ))

■■ الدنيا سخنت فى السويس وبدأ المتظاهرون فى قذف المبانى الشرطيه بالطوب وأشعلوا النيران فى بعض السيارات المدنيه اللى واقفه قدام مبنى محافظة السويس وألقوا زجاجات حارقه على مبنى قسم المثلث بالسويس وأشتعلت النيران بالقسم وبدأت عناصر 6 ابريل فى تحطيم واجاهات المحلات والبنوك فى السويس

■■ سيب بقى أحداث الشارع وتعالى نشوف اللى حصل فى التليفونات التى تم رصدها يوم 26 يناير اللى هو يوم الأربعاء وبلاش تسرح منى الله يرضى عليك ففى تمام الساعه 9.12 دقائق رصدت الأجهزه الأمنيه أول أتصال بين محمد مرسى العياط وأحمد عبدالعاطى فى تركيا وكانت المكالمه عباره عن الآتى (( أهل العروسه موافقين على  الفرح وبيأكدوا على الحضور يوم الفرح وسيتم دعوة المعازيم )) ده الكلام اللى قاله أحمد عبالعاطى لمحمد مرسى العياط وفسرت الأجهزه الأمنيه المكالمه  أن الجانب الأمريكى موافق على النزول للميادين وبياكدوا على وجود عناصر مخابراتيه أمريكيه ستتواجد فى الميادين لتوجيه النصح والأرشاد أما دعوة المعازيم فهى دعوة حماس للتواجد فى الميدان والمكالمه متسجله وموجوده فى أحراز قضية التخابر

■■   الساعه 5 و 55 دقيقه تم رصد مكالمه أخرى والساعه 6 مساءا تم رصد مكالمه ثالثه ومكالمه رابعه فى الساعه 6 و 39 دقيقه وكلها تدور حول ضرورة مشاركة الأخوان وعلى أن الدعم المخابراتى الأمريكى سيكون موجود والتأكيد على الدعم العسكرى لأعضاء حماس والمكالمات كلها موجوده فى أحراز قضية التخابر

■■ يوم 27 يناير عقدت هيئة مكتب الحزب الوطنى أجتماع فى أمانة الحزب وحضر الأجتماع كل من صفوت الشريف وزكريا عزمى ومفيد شهاب وأحمد عز وعلى هلال وكان واضح على كل الحاضرين التوتر وخصوصا جمال مبارك وكان مفيد شهاب كل شويه يقلع النظاره ويلبسها مما يعنى أنه كان متوتر جدا وكل شويه يبص حواليه  وأستعرض صفوت الشريف  اللى حصل فى اليومين اللى فاتوا وبعض توصيات الأجهزه الأمنيه بأصدار قرارات تهدئ الشارع منها حل مجلس الشعب وتغير وزارى موسع يشمل وزارة الداخليه ومقترحات أخرى ذكرناها فى تقرير حسن عبدالرحمن   وبعد أن أنتهى الشريف  بدأ أحمد عز الكلام بغطرسه وقال أنا بقترح وهنا وقف مفيد شهاب على حيله وقاله أنت لسه حتقترح بعد ماخربتها وزورت الأنتخابات وانت اللى عملت كده فى البلد وهنا رد أحمد عز وقاله أنت راجل جبان  وكبرت وخرفت وأتجنيت فى عقلك راح مفيد شهاب ماسك فى زمارة رقبته راح أحمد عز ضارب مفيد شهاب بالقلم على وشه راح كل الحاضرين ماسكين فى أحمد عز وعاوزين يضربوه راح جمال مبارك ساحب طبنجة أحد أفراد الحراسه وضرب طلقه فى الهوا وقال اللى مش حيقعد مكانه حضربه بالنار أنتوا حتتخانقوا وممكن دلوقتى نلاقى العيال بتوع الثوره داخلين علينا

■■ قعد أحمد عز مكانه لكن مفيد شهاب لبس نظارته وراح ناحية الباب وقال لجمال بلغ الريس أنى مستقيل وحقعد فى بيتنا (( كان مصطلح حقعد فى بيتنا أو أقعد فى بيتكم أيام مبارك يعنى تقعد فى البيت ومتفتحشى حنكك ولا تتكلم فى السياسه ))  وعلى طول أتصل صفوت الشريف بمبارك وبلغه اللى حصل وقاله وهو باصص ناحية أحمد عز وزير أنضرب فى عهدك ياريس  ومبارك قاله هى حصلت تمسكوا فى بعض أنتظروا منى قرار

■■ فعلا أصدر مبارك بإقالة احمد عز فورا وبعدها بفتره أصدر قرار بأقاله باقى هيئة المكتب وعين حسام بدراوى أمين عام للحزب الوطنى لكن بدراوى أستقال قبل تنحى مبارك بفتره قليله وحنرجع لبدراوى تانى

■■ نرجع تانى للشارع ومع آذان العصر تم القبض على 5 عناصر أرهابيه تونسيه أثناء تواجدهم بشارع مجلس الشعب أثناء تحريضهم على الشغب وقذف رجال الشرطه بالحجاره وبرضوا فى نفس الوقت وأعذرنى لو بنط بيك من حدث لحدث لأن الفتره كانت مزدحمه بالأحداث ومش عاوز أنسى حاجه فى نفس التوقيت أصدرت مجموعه من الشباب أطلقوا على نفسهم (( شباب جمعة الغضب )) بيان عن سقوط نظام الحكم يوم الخميس 27 يناير وتولى هذه المجوعه إدارة شئون البلاد (( شفت مسخره زى كده )) وأعلنوا عن تولى المجموعه إدارة شئون مصر وأعلنوا حل الحزب الوطنى وحل مجلسى الشعب والشورى وطالبوا النائب العام بحكم أنهم اللى حيحكموا مصر بعد مبارك بمنع سفر الهيئات المنحله لخارج البلاد ومنعهم من السفر ومنعهم من التصرف فى أموالهم

■■ فى مبنى أمن الدوله كانت كل التحركات فى الشارع تتابع أول بأول بعيدا عن تقاير غرفة الطوارئ برمسيس وصدر قرار بالقبض على محمد مرسى ومعاه 34 قياده أخوانيه بتهمة التخابرمع دوله أجنبيه وتم ترحيلهم لسجن وادى النطرون وقبلها  ويوم الخميس تقدم جهاز أمن الدوله للنائب العام  وتم أستصدار أذن نيابه بالقبض على هؤلاء وقدمت مباحث أمن الدوله التسجيلات الصوتيه للنائب العام وتم صدور القرار وطلب النائب العام بعض التحريات وبعض المعلومات من أمن الدوله والمخابرات العامه قبل بدأت التحقيق مع أفراد عصابه الـ 35 بما فيهم الجاسوس الخائن محمد مرسى يوم السبت 29 يناير

■■ ونرجع فلاش بالك ورا قوى وقلتلك على تجهيز خطط للحفاظ على وثائق الدوله كان أعد هذه الخطط المكتب الفنى للباشا بقيادة نائبه وكانت فيه مشكله أين يخبأون الوثائق الحساسه والخطيره التى تحمل شعار سرى للغايه وسرى جدا للغايه وبالترتيب مع المشير طنطاوى والمخابرات الحربيه والأداره الهندسيه وأدارة المفرقعات والكشف عن الألغام بدات قوات سريه تابعه للجيش ببناء غرف وسراديب وانفاق سريه (( مبانى سابقة التجهيز من مصانع القوات المسلحه )) فى مكان لايخطر للشيطان على بال ولا يخطر على بال أذكى أذكياء العالم وتم الأتفاق على أن تكون هذه المخابأ فى منطقة ألغام العالمين وتم تطهير ممرات وسطها وفتح طريق وأزالة الألغام  ثم تطهير أماكن المخازن لوضع الوثائق بها وتم تصوير كل هذا فى خرائط ووضعت فى أحدى  خزائن  المخابرات الحربيه السريه تحت الأرض ووضعت خرائط المنطقه المطهره وكيفية الوصول لها فى ملفات ووضعت بخزائن خاصه مشفره فى الأماكن اللى قلتلك عليها وكانت الشفره مع ثلاثه فقط هم المشير طنطاوى وعمر سليمان وعبدالفتاح السيسى

■■  طبعا اللى حصل يوم الجمعه مقدرتشى مباحث أمن الدوله تقدم التحريات المطلوبه منها وخرج أبو الأمراس من السجن وأغلقت القضيه على كده قدام الجميع لكن كانت المخابرات العامه بتجمع وكملت اللى الداخليه مقدرتشى تكمله لكن بعد أزاحة الكابوس الأخوانى عادت القضيه للظهور مره أخرى وملفاتها تحتوى على بلاوى تودى مورسى وشركائه لحبل المشنقه مليون مره

■■ كان واضح أن الداخليه حتقع يعنى حتقع وكان لابد من وجود بديل لها وخصوصا جهاز أمن الدوله فبدأت المخابرات العامه تتولى هذه المهمه منذ أشتعال المظاهرات حسب الخطه التى وضعت وأتفق عليها الباشا والمشير فى الأجتماع السرى اللى قلتلك عليه وبعدها لم يكن سريا  وفعلا رصدت المخابرات العامه مكالمه مشفره من قياده فى حماس وأحد عناصرها فى مصر محتواها كلمتين فقد (( الفرصه متاحه )) ومكالمه أخرى من لبنان من أحد أعضاء حزب الله مع أحد عناصرهم فى مصر وكانت تحتوى على ثلاث كلمات (( آلو خدوهم السودان )) وطبعا كان يقصد أعضاء حزب الله المسجونين فى السجون المصريه اللى قلتلك عليهم فى مقال آخر وفى مقدمتهم سامى شهاب

■■ برضوا فى نفس التوقيت تم رصد مكالمه من قطر بين يوسف القرضاوى وأسماعيل هنيه بضرورة تحرك عناصر حماس ومسانتدهم للجماعه فى مصر  وتجهيزهم فى الأنفاق السريه أنتظارا لساعة الصفر اللى حيحددها يوسف القرضاوى وحيبلغ بيها هنيه

■■ جهزت حماس 800 عنصر من غزه مدربين بشكل أحترافى عالى مع وجود خلايا نائمه لهم فى مصر قدرت بحاولى 100 عنصر رصدتهم المخابرات العامه وتم تجهيز 90 عنصر من حزب الله فى الأنفاق  أيضا  بعلم جهاز الموساد اللى عمل نفسه من بنها وكان تم رصد مقابلات من قيادات من حماس وبعض زعماء قبائل البدو لمساعدتهم فى التنقل والهروب والمسانده داخل سيناء وأشغال الأمن بحوادث متفرقه ومتزامنه فى سيناء للتغطيه على تسلل عناصر حماس وحزب الله فى مقابل تخليص أبناء بدو سيناء من داخل السجون وأعطوهم مبلغ 4 مليون دولار لتجهيز كل شئ (( واخد بالك حماس بتصرف فلوس المساعدات فين اللى مفروض تصرفها على شعب غزه ))

■■ وكلت مهمة التنسيق بين عناصر حماس والبدو والأخوان وحزب الله بتاع أيران الشيعيه واخدلى بالك ولا بتسرح فى الأحداث لكل من حازم فاروق وعبدالخالق منصور وسعد الحسينى ومصطفى الغنيمى  على أن يقوموا بالتنسيق بين كل هذه  العناصر وتسهيل مهامها داخل مصر وكلفت جماعة الأخوان فى مصر قبل القبض على قياداتها كل من محمود أحمد زناتى وأحمد على عباس وماجد الزمر فى الأنفاق المالى على تلك العناصر وتوفير كل مايلزم وأهم من كل هذا توفير بطاقات هويه مزوره لكل المساجين اللى حتهرب من السجون والعناصر القادمه من غزه

■■ كلفت الجماعه كل من أحمد رامى عبد المنعم وعبدالغفار صالحين ومحمد أحمد عبدالوهاب ومحمد حسن الشيخ أعضاء الجماعه البارزين بتولى مهمة الحشد على السوشيال ميديا وتجهيز فيديوهات مزوره  ستمدهم بها عناصر من قناة الجزيره موجوده بمصر بهدف الأثاره والشحن على السوشيال ميديا وتقديم فيديوهات لضرب المتظاهرين لزيادة جرعات غضب الجماهير ودفعها للتعامل بالقوه مع قوات ومنشآت الداخليه وكان المستهدف حرق 160 قسم شرطه تم تحديدها فى كل المحافظات والسجون التى بها عناصر من حماس وحزب الله وسجن ترحيلات دمنهور فى توقيتات متزامنه يوم 28 يناير

■■ تم تكليف كل من حسن شهاب الدين أبو زيد ومحسن راضى وناصر الحافى وصبحى صالح وحمدى حسن أعضاء الجماعه بتولى مهمة توفير الأسلحه التى سيجرى أستخدامها فى الأعتداء على الشرطه وتكليف تلك العناصر بالتواصل مع بعض العناصر الأجراميه التى ستسخدمها الجماعه معهم

■■ تكليف يوسف القرضاوى ومحمد البول تاجى وصلاح عبدالمقصود وأبراهيم عوف وأسامه جادو بمهمة التنسيق الخارجى بين الجماعه وحماس وحزب الله وأحمد مطاوع  فى تركيا  للتجهيز لساعة الصفر والتحرك على الحدود المصريه الشرقيه

■■ تم تكليف كل من السيد النزيلى عويضه وحسن أبو شعيشع ورجب محمد البنا وعلى عز الدين ثابت واحمد أبو مشهور بتوفير 200 بندقية قناصه من بدو سيناء والصعيد وتجهيزها فى أحدى الشقق المجاوره لميدان التحرير وخلى بالك أنا كل ده بحكى ولسه يوم الجمعه مجاش وشكلك سرحت منى وعلشان كده لازم أقفل المقاله النهارده

■■ أسمحوا لى بأسمى وأسم فريقى أن نهدى هذه الحلقه للمصريه الرائعه إيمان حامد مسعد

كان معكم من #فريق_مصر_أم_الكون

#جنرال_بهاء_الشامى
في أبريل 19, 2017