سلسلة مقالات الصقر الذهبى (عُمر سليمان) رقم 27


س . ع
■■ توقفنا معكم فى الحلقه رقم 26 عند عودتنا بالأحداث ليوم 28 يناير وأتصال حبيب العادلى بمبارك شخصيا بعد أن وضحنا عملية أقتحام السجون يوم 29 و 30 يناير ودور حركة حماس وحزب الله والأخوان والبدو فى هذه القصه لكن قبل الخوض فى غمار الأحداث علينا توضيح بعض النقاط أو بعض الأسئله التى تدور بأذهان البعض ويخشون مواجهة أنفسهم بالأجابه المعلومه خوفا من توابع الصدمه لكنا بكل قسوه ومشرط الجراح سنحاول معكم أن تواجهوا أنفسكم وكفانا عواطف

■■ هناك سؤال منطقى والأجابه المعروفه غير منطقيه لكن الأجابه الحقيقيه تصادميه وصداميه مع كل أفكارك بتوع حماس وحزب الله وخلونا فى دول بس هربوا من السجون عقب قرار أنسحاب الداخليه أو بمعنى أدق سحب قوات الداخليه من الشارع بأقصى تقدير ربع ساعه وركز وماتسرحشى لأنى مش حجاوب على السؤال ده فى التعليقات لو مسكت سلوك الكهربا بعد قرار سحب الداخليه بربع ساعه تم أقتحام السجون وهروب كل بتوع حماس وحزب الله وبعد ساعتين و10 دقائق عملوا الهربانين مؤتمر صحفى فى غزه علشان يعلنوا عن أنتصارهم وهروبهم ووقوع مصر عمليا يعنى لما نقول الساعه فيها 60 دقيقه يبقى بعد 140 دقيقه كان بتوع حماس فى غزه ولما نرجع لورا شويه فى المقاله السابقه حنلاقى بتوع حماس طلعوا من سينا بعد هزيمة قواتنا هناك الساعه 9 صباحا وراحوا وتمركزوا زى ماقلتلك حوالين السجون لأنهم طبعا وصلوا مجهدين ومتأخرين والليل قرب يدخل وخصوصا أننا فى فصل الشتاء وطبعا تانى يوم حصلت نفس القصه هجموا على السجن وحرروا الأسرى زى مابيقولوا من سجون المصريين الكفره ولحد هنا أقف بقى ... من هذه اللحظه أستغرقوا للوصول لغزه وعقد المؤتمر الصحفى 140 دقيقه زى ماكلنا عارفين وتعالى نحسب المسافه مع بعض فلو قلنا أنهم ركبوا العربيات الجيب والأسعاف اللى سرقوها من السجن وطلعوا من وادى النطرون بمحافظة البحيره وخدوها صحراوى لطريق القاهره الأسماعيليه محتاجين على الأقل 60 دقيقه من 140 دقيقه يبقى فاضل عندنا 80 دقيقه ولو قلنا المسافه من وسط أو جنوب الدلتا للأسماعيليه أو السويس لو العربيات ماشيه بسرعه جنونيه والطريق فاضى نهائى يبقى محتاجين على أقل تقدير كمان 60 دقيقه ويبقى فاضل عندنا 20 دقيقه طلع منهم 10 دقائق على أقل تقدير لعبور قناة السويس يبقى فاضل معانا 10 دقائق فهل هذه الدقائق العشره ستكفى من القنطره شرق لرفح أو من السويس للأسماعيليه لرفح ... طيب إيه رأيك أن كل اللى قلته لك كان كله أستهبال فى أستعباط وان المسافه من سجن وادى النطرون لغزه محتاجه على الأقل 10 ساعات ده لو أفترضنا أن العربيات ماشيه بدون توقف أو تهدئه أذن الحسبه مستحيله حيطلع واحد يقولى يبقى ركبوا طياره هليوكبتر ووصلوا بها لمنفذ رفح حقولك طيب الطياره دى طارت كده بدون تصريح ولا كانت لابسه طاقية الأخفا والردارات المدنيه والعسكريه ماشفتهاش وهل فيه طياره حتمشى كده تتفسح فى سماء سيناء من غير مثلا ماتعدى على ردارات الدفاع الجوى المنتشره عند قاعدة طلخا ولا قاعدة برما بوسط الدلتا ولا ولا ولا ... كده دماغك حتضرب وقبل نافوخك ماينفجر فيه الدم وتزروط الدنيا وتغرقنا دم من دماغك اللى انفجرت وعلشان أنا قلبى طيب وحونين ومش حسيبك لحد لما تموت حقولك أن الأجابه على هذا السؤال موجوده فى سلسلة مقالات مصر أم الكون خصوصا لما تربطها مع عودة الشخصيه العسكريه رفيعة المستوى من أمريكا قبل أقتحام السجون وعلى فكره لو حد جراله حاجه منكم أنا ماليش صالح محدش قالك تقرا المقالات وتنخور فى ملفات قديمه ومحدش قالك تمشى ورا عالم صايعه ومستبيعه زينا وأنا لو منك أشترى دماغى وألغى الصداقه مع كل أعضاء الفريق ده وأعملهم بلوك وأشترى دماغى وياريتك ماعرفتنا

■■ نرجع بقى لأتصال حبيب العادلى بمبارك فى قصر الأتحاديه وطنطاوى قاعد فى الفتره دى فى مكتب عبدالفتاح السيسى علشان يتابع أى معلومات توصل دقيقه بدقيقه وعمر سليمان قاعد فى مكتبه علشان يتابع المعلومات دقيقه بدقيقه واللجنه المشكله قاعده فى سنترال رمسيس فى غرفة الطوارئ ومبارك قاعد زى الأسد الجريح والكلاب سابته ومفيش من كلابه حد حواليه غير أسرته الكريمه والخدامين وموظفين القصر اللى ربعهم قدم على أجازات وزكريا باشا عزمى

■■ آلو ياريس ... آلو ياعادلى ... التقارير ياريس بتقول أن أعداد المتظاهرين فى زياده والعمليه كبرت قوى والعدد أصبح أكبر من أمكانيات الداخليه وفيه ناس بدأت تستخدم ضد القوات ذخيره حيه ... يعنى عاوز إيه ياسيادة الوزير ... مطلوب يافندم الجيش ينزل يساعدنا ... رد مبارك وقاله أطلب الطلب ده من المشير طنطاوى وطبعا اللى قاله مبارك ضد البرتوكولات وبيعطى أشاره أن مبارك خلاص بدأ يجيب جاز وخصوصا أن محدش من العقول اللى كانت بتفكر له موجوده جنبه غير زيكو وزيكو كبيره ينقل الأخبار للمدام ويستف ورق ويدل على أن مبارك مش معانا خالص ومايعرفشى أن طنطاوى وسليمان مش طايقين أحمد عز وجمال والعادلى قبلهم ... المهم العادلى الغرقان والمحتاس اللى كان من أقل من أسبوع منفوخ وعامل زى الطاوس فى أحتفالات الشرطه أتصل على المشير طنطاوى ربنا يديله الصحه ودعواتكم لأن الراجل مريض فعلا وقاله على اللى حصل بينه وبين الرئيس مبارك فرد عليه المشير وقاله وهو وخلى بالك بقى أهو من لفظ هو وقاله وهو مأتصلشى عليا ليه وبلغنى بالكلام ده فرد العادلى وقاله معرفشى ولما كلمته قالى كلم المشير طنطاوى وبلغه بضرورة نزول الجيش الشارع
وطبعا أنت فاكر الحوار اللى حصل بين المشير والباشا فى أحتفالات الشرطه فى حضور هويدى وعارف مشاعرهم ناحية العادلى وعلشان مطولشى عليك لأن ريحة الملوخيه طالعه على مناخيرى وبدأت أفقد اعصابى وتوازنى قال للعادلى دلوقتى بس عرفتوا أنكم مستهترين ومعملتوش حساب للشارع وعاوزين تحطوا الجيش فى وش الشعب منكم لله غرقتوا البلد سلام ياحضرة الوزير وقفل السكه يامؤمن ياموحد بالله

■■ فى نفس اليوم عاد سامى عنان من أمريكا بعد زياره لعدة أيام وأجتمع بالمشير طنطاوى فى حضور الباشا فماذا حدث فى هذا الأجتماع وماذا سيحدث فى الساعات القليله القادمه هذا ماسنعرفه فى الحلقه القادمه من هذا السلسله ولما نقول سلسله يامتعلم يابتاع المدارس يالى عامل فيها كاتب مرموق والغرور راكبك يعنى أحداثه مسلسله ومرتبه ومرتبطه مع بعضها ولاتستطيع فصل مقاله عن باقى السلسله عموما خير مافعلت أنك خدت ديلك فى سنانك وجريت من الصفحه لما شفت اول بوست
مقالين أهو فى أقل من نص يوم وبعمل اللى عليا وانتوا أعملوا اللى عليكوا
#فريق_مصر_أم_الكون
#جنرال_بهاء_الشامى
في أبريل 21, 2017