موضوع: الموقف العسكرى المصرى وتهديدات تركيا الثلاثاء أغسطس 14, 2018 9:44 am
الموقف العسكرى المصرى وتهديدات تركيا
راجمات الصواريخ العربيه تعتبر أنظمة الإطلاق الصاروخي المتعدد (MLRS) من أهم الأسلحة المساعدة على النصر لأي جيش، فيما يلي ترتيب الدول العربية من حيث الأكثر امتلاكاً لها ووفقاً لموقع "غلوبال فاير باور"
منظومة "المصارع" للدفاع الجوى كشف مساعد الرئيس الروسي للتعاون العسكري-التقني فلاديمير كوجين عن أن روسيا قد وردت في عام 2017 لمصر أنظمة صواريخ مضادة للطائرات من طراز "أنتي-2500"
أقوى الشعوب العربيه عند النفير العام
الطيران التركى يقصف حقل ظهر المصرى بالبحر الأبيض المتوسط بمساعدة القطع البحريه الهجوميه التركيه
■■ ده خبر فيه ناس تتمنى تقرأه وللأسف الشديد عايشين معانا داخل حدود الوطن لكن تعالى نشوف هل الخبر ده ممكن تحقيقه على أرض الواقع من عدمه
■■ طبعا الجيش المصرى بقاله يومين فى بيان تدريبى عملياتى عملى على كامل التراب المصرى بيحقق مقولة سرعة الأنتشار اللى رددها السيسى فى 6 ساعات ومناورات عمليه وإستعراض مهارات وإستعراض أنواع الأسلحه وإستعراض قوه عملياً ■■ قلتلك الدقيقه فى العلوم العسكريه فى أثناء العمليات العسكريه بتفرق كتير جدا والشاطر اللى يحقق التفوق الزمنى بدقائق
■■ من ضمن أنتشار القوات المصريه تحليق طائرات الأواكس وقلتلك مهمتها إستطلاعيه لتحقيق السيطره الجويه ونقل بث مباشر لايف لغرفة عمليات القوات المسلحه
■■ بين بورسعيد وحقل ظهر مسافة 190 كم فقط وضعفها ثلاث مرات بين حقل ظهر وأقرب قاعده جويه تركيه وحيطلع واحد يقولى تركيا ياجنرال لها قوات فى قبرص الشماليه حقولك القوات التركيه المتمركزه فى قبرص الشماليه قوامها 35 ألف جندى قوات بريه لفرض السيطره والأحتلال على قبرص الشماليه المتنازع عليها ولا توجد قواعد جويه لتركيا فى قبرص الشماليه لكن بعض قطع أسطولها البحرى متمركزه قرب سواحل قبرص الشماليه ■■ جغرافيا مصر أقرب لحقل ظهر مما يعطيها تفوق زمنى للفعل ورد الفعل والأنتشار يفوق تركيا بثلاث أضعاف بالنسبه للتفوق الجوى أما البحرى فمصر جغرافيا لها الأفضليه زمنيا بنسبة الضعف وتعالى نفسر الكلام ده ■■ قلتلك أن طائرات الأواكس لها قوه رداريه تتخطى 600 كم مما يعطيها قدره على رصد أى تحرك جوى بما يتخطى حقل ظهر بأكثر من 450 كم أذن أنت تقدر ترصد أى تحرك جوى يستهدف حقل ظهر قبل ظهوره فى سماء مياهنا الأقليميه قبل دخول مجالنا بفتره معقوله وبما أنك مسافتك من بورسعيد لحقل ظهر 190 كم وحترصد من أكتر من 450 كم أذن أنت عندك تفوق جغرافى يتجاوز 260 كم ولو قلنا تركيا حتهاجمك بأسرع طائره فى العالم بسرعة طيران 3600 كم وبحسبه بسيطه جغرافيا وسرعة طيران حتكتشف أنك عندك أكتر من 20 دقيقه تفوق زمنى على الطيران التركى يعنى لما يطلع من مطاراته وده بفرض لم يتم رصده بالأقمار الصناعيه الروسيه أو المصريه ده على إعتبار أن أمريكا تريد خلق صراع فى المنطقه وحوضح دى بالتفصيل بس بعدين سيجد الطيران المصرى فى أنتظاره قبل سماء المعركه المنتظره
■■ نفس المنطق ينطبق على أى تحرك بحرى بالمنطقه رداريا وجغرافيا وتفوق زمنى محسوب للجانب المصرى ■■ أذن لن يقدم على هذه الخطوه المحفوفه بالمخاطر والفشل أى ساذج عسكرى مش خبير عسكرى محنك بيقود معركه حربيه وبيدرس أرض المعركه وبيحسب المكسب والخساره وقدرته على تحقيق إنتصار من عدمه
■■ عسكريا شئ صعب ومجازفه خاسره تعطى الأفضليه زمنيا وجغرافيا للجيش المصرى بصرف النظر عن القدره العسكريه للجانبين وأنتشار القطع البحريه المصريه فى المنطقه وأنا عملتلك السيناريو على أساس أنك نايم فى البيت ومالكشى قطع بحريه وأسطول بحرى بكافة مستلزماته من إستطلاع وسيطره بحريه وجويه ومعتمد على التفوق الجغرافى والزمنى ■■ نيجى بقى للشق الأقتصادى وهو الأهم والأخطر والخريطه بتوضح قدامك أن حقل ظهر وهو مسرح العمليات المنتظر يبعد عن بورسعيد وأهم خط ملاحى عالمى فى الكره الأرضيه وهو خط قناة السويس وعندنا كمان أسرائيل قريبه من مسرح العمليات فهل دول جنوب أوروبا حتسمح لراس الكرنبه أنه يعطل أمداداتها البتروليه ويهدد مصالحها التجاريه والأقتصاديه فى المنطقه ومع جنوب أوروبا وسط أوروبا أيضا ومعانا روسيا وسفنها اللى بتعبر من البحر الأسود فى أتجاه شمال أفريقيا ومعانا فى الليله أمريكا الشماليه بما فيها كندا وخد فوق البيعه دول شمال أفريقيا ده على أعتبار أن أسرائيل حتقول له والنبى هدد ملاحتى ياراس الكرنبه ووقف حالى علشان أنقل ملاحتى لخليج العقبه وألف الكره الأرضيه علشان أشوف مصالحى ■■ طيب هل الأسطول الأمريكى السادس المتمركز فى المتوسط حيقف يتفرج على مصالح أمريكا وهى بتتهدد ولا على الأقل حيقولك ألحق فيه عيل جاى يعمل عندك فرقعتين شفناهم على أقمارنا الصناعيه لو الروس محدش فيهم قالك وأقمارك الكهربا فصلت عنها
■■ ياساده ده الموقف على بلاطه والكل عارف اللى بقوله يعنى فراقيع مع مصر مش حيقدر ولا حيعرف وكل الحكايه زى ماقلتلك مليار مره جعجعة كلام وظرااااااااااااااااااط من راس الكرنبه وهو عارف أنه ظراااااط والقاده بتوعه العسكريين عارفين أنه ظرااااااااط وأنا وأنت عارفين أنه ظراااااااااط وكل الخبراء العسكريين عارفين أنه ظرااااااط واللى مصدقينه أوعاوزين يصدقوه هم مجموعه من الجهلاء لايعلمون شئ عن الشئون العسكريه وأتحداهم يعرفوا يعملوا سلاااااااااام سلاح بلاش شنجى وبرنجى
تسهيلاً على زوارنا الكرام يمكنك الرد من خلال تعليقات الفيسبوك
الأحداث
موضوع: الموقف العسكرى المصرى وتهديدات تركيا 
الثلاثاء أغسطس 14, 2018 9:44 am
