 عاشقة الجنه  تاريخ التسجيل : 28/06/2009
 |  موضوع: رخاااااااااااااااامة ¤¤ طفو النووووووور  الإثنين يوليو 05, 2010 11:16 am | |
| الرخامة دلوقتي انتشرت بشكل رخم حتي كوميديا الافلام بقت رخامه واستظراف والنكت ! بقت النكته ما بتضحكش إلا إذا كانت محشية بالرخامة
دول بقه شوية رخامه من الآخر اضربهم و سلح نفسك بيهم :
*قول نكته طويله و لما تيجى عند آخر سطر و هو السطر المهم اللى فيه الإفيه و اعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها.
* هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها... تروح راششها بالمطهر على طول.
* و أنت بتتكلم فى موضوع أقطع كلامك و ادى انطباع انك هتكمل... و ماتكملش..."بس خلاص كده ".
* لما حد يشكى لك من حاجه قوله: ياعم روح أنا عندى مشاكل أكتر منك.
* فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟.
* كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!"..... و هكذا.
* و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه... خلاص راحت.
* بعد عشر دقايق ، اعمل نفس الحركه تانى.
* و انت بتتكلم مع شخص ما ، اعمل نفسك مش مهتم بيه وماتبصش فى وشه أبدا.
* و انت بتتكلم مع شخص ما ، افضل مركز فى وشه اوى.
المرة دي بحلق أوي
* طول ما أنت قاعد مع زمايلك ، صفر موسيقى نشيد بلادى بلادى ودندها كدا ولو حد قالك حاجه قوله: ياعم أنا مصري صميم وبحب مصر أوي أوي أوي مش لو سافرت هعمل إيه من غيرها "طبعا في سرك لوسافرت هتكون مية مية"
* علق فانوس كبير فى الشارع و حبال زينه ، بشرط ميكونش فى رمضان !!!.
بس كدا هترخم علي نفسك .
* أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!!. * و أنت فى المول ، ماتمشيش عادى ، لأ.. افضل نط لحد ماتوصل للمكان اللى رايحه.
*في الترام أو القطر خلي اللي جنبك يقرا في الجرنال وبحلق أوي في الصفحة اللي بيقرا فيها واقرأ المانشيتات بصوت عالي ولو خلص الصفحة وحاول يقلبها قوله انا لسه ما خلصتهاش استني.!!
*لو أنت في القطر ومعاك واحد صاحبك وجه الكمسري عشان يقطعلكو التذاكر أو يشوفها اقعد اعزم علي صاحبك وصاحبك يعزم عليك بس اعزم بقلب جامد وبصوت عالي وفي الآخر انتو الاتنين طلعو اشتراكات.!!!
* اعزم ناس فى حفلات ناس تانيه "عيد ميلاد او خطوبه او فرح...".
* أول ماتشوف كيس كاتشب او شيبسي واقع علي الأرض دوس عليه برجلك جامد و قول للى معاك "أنا كنت بشوفه فاضى و لا مليان" !!!.
* فى حفله عيد ميلادك شغل أغنيه بعينها 18 مره ورا بعض.. "أنا بحب الأغنيه دى اوى يا جماعة" !!.
* لو واقف جنب حد بيعد فلوس و فى وسط ما هوا بيعد قول اى رقم عشوائى "862".
* العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت.. و لو حد اعترض ، قوله "أنا شايف ان ده لون الحياه الحقيقى" !!!.
* و أنت ماشى فى حته اى حاجه تقابلك طبل عليها.
* البس جراب زى الجراب اللى بيتحط فيه المسدس.. بس حط فيه الريموت بتاع التليفزيون .
* غير القناه قبل نهايه الفيلم او الماتش او المسلسل بخمس دقايق.
*أضحك لواحده ماتعرفهاش فى الشارع وقولها بصوت عالى " ازيك يا سعاد .. عامله ايه؟!!
سامحوني يا جماعه
تسهيلاً على زوارنا الكرام يمكنك الرد من خلال تعليقات الفيسبوك
|
|
