السلام عليكم ورحمة الله وبركاته

صباحكم ، مساكم ورد

في الاول احب اقول
كل سنة وانتم طيبين

ويارب نحاول نستفيد من بركة وحسنات شهر رمضان على قد ما نقدر

بس فيه حاجة لفتت انتباهي وحابب اخذ رأيكم فيها

السنة دي وصل عدد المسلسلات التي ستعرض في شهر رمضان

الى 108 مسلسل!!!!!!

ناس كتير قاعدة بالورقة والقلم وبتسجل مواعيد المسلسلات

والقنوات التي ستعرض عليها!!!!!!!

ده طبعا غير الحفلات والسهرات الرمضانية اللي هيحييها افضل المغنيين

وخلافه!!!

يا ترى شهر رمضان انزل فيه القرآن ولا المسلسلات!!!!

يا ترى هو ده بقى حالنا؟؟!!

بدل ما نقضي شهر رمضان صوم وصلاة وقراءة القرآن

نقضيه مشاهدة مسلسلات وحفلات؟؟؟

هو ده اللي ربنا امرنا بيه؟؟


ياريت يا جماعة كل واحد واولهم انا

يقرر انه يقاطع التليفزيون وهجوم المسلسلات الرهيب

في شهر رمضان

حتى يكون شهر رمضان شهر الصيام

شهر الخير

شهر العمل الصالح

(شهر تهذيب النفس)

نفسى اعرف

ليه بتتعمل كميات مهولة من المسلسلات والافلام والتوك شو والحاجات دى كلها ؟

لأ والمفروض كمان ان كل ده هيتعرض فى رمضان

والغريب ان فى حاجات كتير منها بتبقى فى مستوى اخلاقى منحدر لا يليق بقيمة وعظمة شهر رمضان

غير كده
الناس بتضيع وقت طوييييييييييييييييل فى الفرجة ع الحاجات دى
ولا بيختموا القرآن ولا بيعملوا حاجة

ومقضينها ضحك ع التوك شو الرزل اللى مبيضحكش
وفرجة على مسلسلات رخمة جدا بتتعاد بعد رمضان 345352 مرة

وحاجة تانية كمان ....

عندك الناس اللى مقضينها طول النهار تقوى و ورع
وبعد الفطار يبدأ برنامج انحراف شامل متكامل

مع ان على فكرة فضل ليل رمضان اكبر من نهاره
لان كل حاجة بتبقى متاحة قدامك انك تعملها

اكل بتاكل شرب بتشرب فرجة ع التليفزيون بتتفرج وكل ما هو آت

والتحدى بقى انك مع وجود كل المغريات دى تقاوم نفسك الامّارة
وتصلى وتقوم الليل

وحاجة كمان .....

عندك الناس اللى طول النهار يشتموا فى خلق ربنا
وتيجى تكلمهم يقولوا اصلنا مخنوقين من الصيام واعصابنا بايظة وروحنا فى طرطوفة مناخيرنا

ايه رأيكم فى ده كله ؟؟

فعلا راااائع جدا

وده كان احد اهداااافى فى الرمضان ده

ربنا يكرمك يا رب

مشكوررررررر جد ا

ياريت ربنا يهدى كل المسلمين ويخلصهم من وباء المسلسلات المقرفة دى اللهم ارحمنا نحن وجميع المسلمين واهدى غير المسلمين الى نعمة الاسلام آمين

شكرا
لمرور أقلامكم العطره
على اروقه هذه الصفحه