´¨`¤ بسم الله الرحمن الرحيم ¤´¨`

... السلام عليكم ورحمة الله
وبركاته ....





´¨` درس في الأنوثه ´¨`



ރϞ دلع انثوي ރϞ

الانوثه ليست
مجرد ملامح جماليه أو شكل أنيق بس ..واللي تبي تصير أنثىودلوعه لازم تكون كذلك
قلبا وقالبا.. واقع وخيال ... إحساس وتطبيق ..ورأيي أن الانوثه والدلع
قاعدتها الذهبية هي الثقة بالنفس عشان تعالي نبدأ >>>>>>>>>



الثقة!

أول شي قولي لي
عندك ثقه
بنفسك؟ ماعندك؟؟؟!!!
طيب ليش ماعندك؟؟!!...إحساسك نابع من شكلك
في شي معقدك بقوه؟

طيب طول عمرك
كان عندك هالإحساس بعدم الثقة ؟ يمكن بسبب شي قديم او شي انبنت شخصيتك
عليه ؟
معاملة اهلك
مثلا
؟ أو
في مراهقتك احد عقدك فشي بشكلك أو بصوتك أوبحركاتك وكبر معك هذا الشيء ؟ أو
دائما تتعرضين للانتقاد من صديقات أو من قريبات أو من اهلك
نفسهم؟ ..

تقبلي نفسك و
تقدرين تخلين الي حولك يتقبلونك
فيك مزايا و
أشياء حلوة أنت تملكينا غير عنهم ممكن!؟
المهم .. تقولين
.. ما عندك ثقة بنفسك!


طيب بما انك تزوجتي
وزوجك هو محور حياتك ليش ماتقتنعين انه مرحله جديدة وانه مايعرف عن ماضيك شي ولا عن معاملة اهلك القديمة شي ولا عن الأشياء اللي تنتقدين فيها فالمراهقة مثلا وتتعقدين منها ...ادري إن البنت دايم ثقتها تجي من امتداح
الشكل ثم الأخلاق ثم الشخصية والأسلوب فالتعامل

... وبنفس
الوقت عارفه انه مو شي صحيح إن كل إنسان يتقيم
حسب شكله لكن هذا الواقع بالنسبة للبنات خصوصا في فترة المراهقة
... وما يخفى على احد إن فترة المراهقة هي من أهم وأصعب
الفترات اللي الواحد يكتسب فيهاثقته بنفسه وشكله ومن تقبل الناس له ..مضايقتك
سمنتك وأنتي صغيره وكبر هالاحساسمعاك... ولا طفشك حب الشباب فوجهك وكرهتي
الاجتماعات مع القرايب والصديقات والناس وانزويتي لحد ماكبرتي ونضج تفكيرك لكن مكبلتك هالمشاعر من أعماقك...
ولا
ماتذكرين أصلا ليش ماعندك ثقة فينفسك..؟؟؟


أقولك متى أظن انه مايكون
عندك ثقة فنفسك؟
*لما تحاولين تدلعين وتستعرضين انوثتك
قدام زوجك أو خطيبك وتحسين نفسك سخيفة وتافهة ومو لايقه عليك هالحركات أو التصرفات

* لما تدلعين عليه وأنتي
بينك وبين نفسك تقولين أكيد شكلي طالع مصطنع ؟ أكيد حركتي هاذي بايخه؟ أكيد ماحبها
ولا أثرت فيه هالحركه

* وإذا تجرأتي وسويتي كم حركه وامتدحها بتقولين
لنفسك يجاملني ؟

...فترة
خطوبتك أو بداية زواجك مرحله جدا رائعةانك تقوين ثقتك بنفسك وتقوين شخصيتك وتطورين
نفسك كأنثى وكزوجه ..
في أشياء كثيرتساعدك..
*أول شي غالبايكون غريب عنك
شخصيا حتى لو كان من قرايبك بحكم عاداتنا وتقاليدها ..فكري فيها زين .. هو مايعرف عنك
شي مايدري إن كان أبوك يضربك من وأنتي صغيره وطبعا مافي داعي تقولين له ؟...
مايدري إن خواتك يعايرونك من وقت للثاني أو يعلقون عليك
بمزح عشان جسمك مليان حبتين ..ولا يدري
انه ماكان لك صاحبات كثير فالكلية لأنك كنتي تستحين تكلمين
احد أو تنفتحين والكلام قدام احد لأنك تخافين ينتقدك أو تخافين تغلطين بشي
..هذه حياه جديدة ...
واسألي أي
وحده متزوجة بتقولك إن شخصية البنت تنقلب 360 درجه مع زوجها
عنها مع أي احد ثاني سبحان الله حتى نبرة الصوت تتغير نظرات العين تتغير
.. مشاعرك تصحى وقلبك وإحساسك ينفتح لها حياه الجديدة
بس انتبهي
تفكرين بشي فات؟..ادري تبين تلفتين نظره لو ماتجرأتي تحاولين تسلبينه بكلامك
وأسلوبك وشخصيك.. بتجرأين مثل كل بنت فالدنيا انك
تكشخين وتلبسين وتتزينين بأقصى درجه ..في هالفتره اليهي الخطوبة أو بداية الزواج
إن ماحصلت اعرفي إن انفتح ملف جديد في شخصيتك ماقدحسيتيه ولاشفتيه من قبل .. لاتكبلين
نفسك بحياة الخوف ....لاتقولين مابيتقبلني .. لاتستحين تحاكينه ولاتستحين تضحكين له ضحكة قلب وضحكة سن ...انسي التجارب
السيئةاللي تزعزع ثقتك في نفسك ... اللي قدامك صفحه بيضاء اكتبي اللي تبينه مع
زوجك... بسمو مكتوب فيه أي شي ينقصك قدام نفسك ولا ينزل من ثقتك ولايشوه صورتك
الجديدة ..
أنتي كاملة
قدامه بثقتك وبشخصيتك... خليه يتقبلك زي مانتي بطبيعتك.. وش الداعي انكتقولين له
من خلال تصرفانك إن فلانه ماتقبلتك وفلانه ماتحب لبسك ولا خواتك قالواعنك دبا ولا
ينادونك السمرا ولا أي شي ليش ..ليش تعطينه صوره سيئة عن نفسك بنفسك حتى
لو ماكان بكلام
...
انفتحت لك
صفحه جديدة عيشيها ... ماكنتي تقدرين تتزينين؟ تستحين ؟ يطنزون عليك كل ماتزينتي؟ طيب الحين تقدرين تتزينين ولك
كامل الحق تسوين اللي تحبين دامه مايخالف دينك... أنتي معه وفي بيتك..انسي
اللي مر قبله .. حتى اللي يمر معه في حياتك بس من الناس
مو منه انسيه ...عند عتبة بابك ارمي الانتقادات وارميالتحطيم وارمي كل شي وادخليله
الانسانه اللي يحب ويبي .. خليك ذكيه وعيشي حياتك زيماتبين .. والحين اذا عرفتي
تلمين بقايا ثقتك ..أنا بقولك إنها ماتكفي لحالها عشان تدلعين
لحبيبك وزوجك والبنت أصلا ايش من دون الانوثه والدلع والمشاعر والحنان والأخلاق .. بس هذه لازم تجسدينها أنتي بيدك عشان تعيشينها ...عشان ترسمين
مايكفيتكون عندك الموهبة ؟
لكن الأهم
يكون عندك الريشة والألوان
... وتطلعين إحساسك وإبداعك على لوحه على ورقه على الجدار مايفرق المهم تطلعينها .. وهاذي
أنوثتك تطلع يوم في ضحكه ويوم بلمسه ويوم بصوت حنون ويوم بضمه
دافئة ..بس لا تسجنين روحك داخل جسمك.. روحك تحرك جسمك روحك
اللي تبقى وجسدك بيمرض يوم..وبيتعب يوم.. وبتزحف عليهالتجاعيد يوم..وفي
يوم بيصير
تحت التراب ويختفي ..روحك الحين بيدك توديها قاع الأرض ولا ترفعينها لأعلى سما ...
بيدك أنتي
تسعدين روحك ونفسك بطاعة ربك ومن بعده زوجك ..
بيدك تنسين وتداوين
جروح الماضي .. ادري انك رقيقه وكل شي يؤثر فيك.. وادري إن كل كلمه قدامك أو من ورآك توصلك أو تحسينها تنهش ثقتك بنفسك...ليش في يوم لما ترجع لك
ثقتك كاملة مكمله ترجعين تشكلينها زي ما كانت قبل تجدد.. ليه
تشوهين الصورة الحلوة.. ليش تستخسرينها بنفسك.. صدقيني
انك تستاهلين .. أنتي قيمي نفسك.. محد له حق يقيمك أنتي ادرى
الناس بنفسك.. ... والحين تعالي نروح للواقع ولأول جلسة بنات بنقعد فيها

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤




بعد ما تغيرين الي
بداخلك و تثقين بنفسك
اولا! ما لنا اعتراض على إشكالنا الحمد لله الي
خلقنا بأحسن صورة
ممكن انتي ما
تشوفين الجمال الي يميزك
و أقولك أن الجمال
نسبي ... يعني مقاييسه تختلف بين الناس ... كل إنسان و ذوقك و
ما يشوفه حلو او لا
... ما
كنتي حلوة بنظر البعض مو معناه الكل

و الأهم مثل ما قلت
قبل هو جمال الروح و الأخلاق و الشخصية ... بنت حلوه بدون
شخصيه أو أخلاق
... شالو
يعني شكلي ... الشخصية و الأخلاق تكسبك جمال.
و شيء مهم الجمال
أيضا جزء كبير منه اهتمام! يعني جمليه ما
تعتني بنفسها تنفرين منها ... بنات تشوفين ملامحهم عاديه بس اهتمامهم أناقتهم
شخصيتهم تخليهم جميلات بنظرك





ރϞ جلساتنا يالبنات ރϞ

أي هين
مايليق الدلع اللي علي انا وهالشوشه

ولا تكفين انا وركبي السود وش الدلع اللي بيليق علي !
واللي تعلق على جسمها واللي على صوتها واللي على لونها

طيب يعني أنتي مخسوفه خسف مافيك شي
يفتح النفس ؟ ولووو وش دعوه
شعرك؟
طيب عيونك؟
طيب بشرتك وش اخبارها ؟
طيب جسمك؟
طيب صوتك؟
طيب شفايفك؟
طيب اللولو اللي بفمك ماتحسين انه حلو
طيب لو قلنا كل ذولي مو فيك



شعرك تعالي قولي لي عن شعرك؟



مش ناعم مو طويل ؟ تحسين انه مايليق بوحده دلوعه؟
طيب الحين كل المستحضرات اللي فمحلات التجميل وعند المشاغل ماتحل مشكلة شعرك المستعصيه؟؟
لاحظي هنا اني ماتكلم عن علاج؟ انا اتكلم عن تجميل واخفاء ماياخذ وقت اسابيع وشهور زي العلاج


طيب شعرك خشن
مثلا؟؟


ماتسشورينه؟ ياكثر اللي شعرهم خشن
وكله جمال مثل مين؟
انا واثقه انه ماتمر مناسبه الا وتقولين شوفي فلانه
شعرها الليفه صاير يجنن وشوفي علانه
الصبغه مخليه شعرها يهبل وشوفي ذيك يجنن الكيرلي عليها واللي قاعده هناك التجعيد وهاذي اللي جنبنا شعرها على طبيعته مجرد مسشوره كم خصله منثوره على جبينها وطالعه ولا بنات الفيديو كليب
طيب وين هالشي فيك أنتي ؟؟

كل البشر في شي يحلي شعرهم الا أنتي ؟؟

معقول عاد؟؟ من كل هالقنوات اللي شفتيها وكل هالفديوكليبات اللي
مرت عليك وكل المجلات اللي عندك ماشفتي لون أو قصه
أو تسريحه شعر مجعد حسيتيها تليق عليك؟؟ عيني بعينك؟؟ ليش
عطيتي نفسك فرصه تجربينها ؟؟
فكري تقصين صوره وتاخذينها معك المشغل وقلتي ابي هالقصه وهذا اللون وهالتسريحه؟؟...
ولا عايشه بتحطيمك لنفسك وقلة ثقتك بنفسك طول ايامك لين يجي عرس ولا مناسبه وتطيرين للمشغل تقصين
وتصبغين وتسشورين ؟؟ وتشوفين روحك
ذيك الليله ولا كل الجميلات ؟؟ وبنفس الوقت كل ماشفتي وحده حلوه ومرتبه اتجننتي عليها كنها من تصبح الصبح لين تنام وهي كذا ماكنها من اسابيع تجهز
الفستان والاكسسوار والميك اب المناسب والتسريحه وغيره
وغيره ؟؟ ليش دايم تفكرين كذا ؟؟ ليش ماتقولين إن الكل شايفك حلوه
وطالعه غير هالمره؟

طيب بالله لما كشختي آخر مره ورحتي زواج أو مناسبه بالله مو من أول ماتدخلين تحسين رقبتك طايله
شوي هههههههه والثقة فوق وودك تسولفين وتحسينك مبسوطة
من جوا وودك الكل يشوفك وتشوفين نظرات الإعجاب بعيونهم حتى لو
ماقالوا البنت تعرف من نفسها اذا كانت أثارت الإعجاب أو حتى
الدهشه لتغير شكلها لو شي بسيط
طيييب تمام؟

طيب الحين كل المستحضرات
اللي فمحلات التجميل وعند المشاغل ماتحل مشكلة شعرك المستعصية؟؟


لاحظي هنا إني ماتكلم عن علاج؟ أنا أتكلم عن تجميل وإخفاء ماياخذ
وقت أسابيع وشهور زي العلاج


طيييب تمام؟ صدقيني ..ولو فعلا فهمتي اللي قصدته وطبقتي الفكرة
وتعمقتي بالإحساس بيجيك هالحلى كله وينصب فوجهك وابتسامتك وعيونك...
والحين مالك عذر .. مافي أكثر من القصات والتسريحات
مليون قصه تناسب كل
رسمه وجه لكن روحي للشخص المناسب
ولما تروحين لهذا الشخص لاحظي انه مايعرفك يعني لاتخلين الكوافيره تقرر عنك لازم تتفقين معها حتى لو خذيتي
وقت طويل تتناقشين فيه معها أو حتى لو كلمتيها ورجعتي بيتك
وفكرتي زين وتوصلتي للقصه اللي تريحك ورحتيلها يوم ثاني
عشان ماتطيحين فمطب الموضه والخربطه حتى لو شفناها تجنن عليك مابتجيب نتيجه لان الشخص اللي المفروض
يشوفها حلوه عشان تجيب مفعول هو أنتي مو غيرك
بمعنى اذا كنتي انسانه عمليه وماعندك وقت لاتختارين قصه
مثلا تدريجها لازم يستشور لامحاله
ولا مايطلع مرتب؟؟ أو مثلا من القصات اللي اطراف الشعر تنقص
باشكال مثلثات صغيره أو الاطراف تقصها بالشفرها وغالبا هالشي ماتلاحظينه تسويه وهي تقص بدقايق وأنتي ماحسيتي اسألي عنه لأنه يعدم أطراف الشعر رغم انه
يطلع حلو لكن المشكلة انك لازم تجددين اطراف الشعر كل كم
اسبوع وخصوصا اذا بتسشورين كل يوم وبكذا بتخسرين من طوله في
حالة كنتي حابه يطول..وبكذا مابترتاحين ونكون ماستفدنا شي
اوممكن تقص لك قصه ستايلش زياده عن اللزوم وعلى الموضه
وأنتي بطبعك ولبسك تميلين
للنعومه مو للحوسه الكثيره والخصل الملونه ومية طبقه ويوم مرفوع يوم منزل يوم على جنب ..فاذا سوت لك شي مايناسب شخصيتك حتى لو ناسب شكلك مابترتاحين
لانك بتحسين انه مو أنتي أو تلقائيا بترجعين للتمشيطه
الهاديه والتسريحه الناعمه وتضيعين القصه ومابتطلعين حلوه لافنظر
نفسك ولا فنظر الناس
يعني لازم تقتنعين غصب عنك إن مو كل شي ناسب شكلك بيناسب شخصيتك وطبعك ولا كل شي يناسب شخصيتك وطبعك
زي اذا كنتي مجنونه شوي بيناسب تصميم
وجهك .. اتمنى تكونين اقتنعتي
شوفي على سبيل المثال نجوى كرم ...رغم انها مشهوره وتقدر تسوي اطلق قصه ولون عند اطلق
مزين شعر تلقاينها دايم شعرها اسود والقصه مدرجه مع غره
باختلاف بسيط وهذا قمة الذكاء منها عشان هي ترتاح اولا وإذا
ارتاحت بتطلع اجمل واحلى ولو تلاحظينها فمقابله مثلا بتلاقينها
هاديه وجديه ومتزنه نوعا ما ولون شعرها وقصتها حلوين على وجهها وبنفس الوقت مو شاذين عن شخصيتها ... وانا ضربتها كمثال لاحبنا فيهم ولا بفنهم
الله يهديهم لكن حابه اوصل المعلومه .. و ترا شعرها ليفه
مو مجرد خشن وشوفوا كيف طالع يجنن مجرد انها تسشور سشوار
مضبوط وتقص قصه تناسبها !


تعالوا طيب لمرح جبر اذا تعرفونها .. برضو شعرها أجعد مرره .. ونادرا حتى انها تسشور بس
دايم شعرها يجنن ليش ؟؟ مجرد تلفلفه لف عادي أو تسويه كيرلي مع
غره مسشوره وابتسامه حلوه ياسلام
واللف الحين مافي أسهل منه في لفافات كهربا ماتاخذ معاك
خمس دقايق وفي اللفافه اللي تجي زي السشوار
تشبكينها فالكهرب وتلفين فيها وفي برضو الفير اللي تشبكينه
فالكهرب يلفلف الشعر ويطلع يجنن


وبرضو الخصل تحلي كثير والحين مافي وحده تقدر تقول ماتناسبني لان صارت بكل الألوان بداية بالثلجي ودرجات
البيج والذهبي مرورا بدرجات الاحمر والعنابي والفوشي
ونهاية مع الألوان المجنونه الأخضر والأزرق والموف وغيرها ..ودرجات
الشوكولا الحين طايحين فيها للسمر تطلع تجنن مع الشعر
الأسود أو البني الغامق


وبرضو اذا شعرك خفيف في مليون حل .. منها تلفيف الشعر وتلوين بعض الخصل يعطي كثافه .. التجعيد
برضو يزيد من حجم الشعر .. برضو قص اطرافه
الشعر ثلاث درجات وكل درجه بينها وبين اللي قبلها نص سم هاذي أوعدكم أنها تعطي حجم إضافي للشعر عن تجربه...
بعد اكسسوارات الشعر تبعد التركيز عن الشعر


فرضا فرضا انك مافي امل تقتنعين إن شعرك ممكن يصير فيوم
حلو الا اذا غيرتي
فروة راسك.. خلاص كذا انا اكون فقدت الامل منك وبنتقل للفقره اللي بعدها



يتبع
...








ރϞ العيونރϞ





عيونك..حلوه؟؟ اذا حلوه الحمد لله..

بس لاحظي إن حلاوة
العيون مو بالضرورة يعني إنها كبيره وواسعة ...
ممكن تلقين عيون
كبيره وشينه إما بسبب بروزها مثلا أو جمود نظراتها أو تكون الرموش خفيفة
ومفقده العين
جاذبيتها أو يكون فيه عيب جمالي فالوجه وخلق الله حسن
بس يكون في شي
فالوجه من بشاعته يخليك تفقد التركيز فالعيون .. صح؟





تمام يعني اذا اقتنعتي انه مو شرط
العيون الكبيرة هي اللي حلوه
طيب اذا ما
اقتنعتي ... بقولك ليش ماتكبرينها ؟؟





وهاذي عاد مايبيلها شرح ..
كحل داخلي
خارجي ظل ماسكرا كحل اسود بني اخضر ازرق تركواز ابيض لتوسيع العين ...
ظل غامق تحت
العين يخفف التورم كونسيلر يخفي السواد تحت العين ألوان فاتحه توسع العين
وألوان غامقة
تعني للعين توازن وماسكرا تكثف وماسكرا تطول ...
بس جيبيلك أي
مجله أو ادخلي و ابحثي بالنت و المنتديات عشان تتعلمين
مو عشان
تتفرجين وبتلقين اللي يناسب عيونك ويعطيها جمال ولو اني ماظن الحين في وحده ماتعرف
تتكحل وتضبط عيونها ...





وبرضو اذا كنتي تلبسين نظاره
طبيه جا الوقت انك تشيلينها ..
عندك ليزر
وليزك وإذا ماتبين أو ظروفك ماتساعد سويلك عدسه طبيه وقضينا





ولو ماتبين برضو تقدرين تظلين
على نظاراتك بس تختارين موديل يناسب تقاطيع وجهك
وإطار حلو
يناسب كل شي ممكن تلبسينه يعني مايكون مره شكله عملي
مثل البرواز
البني أو الأسود العريض ولا يكون فيه فصوص أو كريستال أو تدرجات ألوان زي اللي طالعه الحين وتطلع عيونك كنها كرنفال لحالها ...
ولو أخذتي
الاثنين بتسوين معروف ... أما اذا
وحده بس .. فانا لاحظت إن النظاره اللي بتدرجات الزيتي وتدرجات الكحلي وتدرجات العسلي وتكون بدون برواز ملون تجنن
على الكل وتحلي أي وجه ..











طيب ..الحين رغم اللي ممكن
تجملين عيونك فيه برضو مو واثقة من نظراتها معقول ؟





بتقولين اووووه بقعد 24 ساعه حاطه هالمكياج؟؟ وراي تدريس ووراي زوج وعيال
واعجز قبل كل صلاه امسح واغسل وماله داعي كل يوم
وأخاف تنعدم عيوني من الماكياج كل يوم والهوليلللااا اللي تقولونها كل ابو داايم...





إذا على المسح؟؟ فيه ألف نوع مزيل ماكياج سريع
وسهل ومريح... وإذا ماتبين كريم في مناديل أزاله ماكياج واغلب الماركات منزلتها وإذا تبين شي أسرع وأسرع جيبي زيت جونسون بيبي اويل وامسحي فيه ثواني ويختفي الماكياج..





وإذا على البشره مافي أكثر من
الكريمات المغذية لتحت العين منها جل ومنها كريم ومنها بخاخات فيتامين وكلها اسعارها
مناسبه ..وإذا برضو ماتبين وعجازه لدرجه لاتحتمل .. تكحلي باثمد عربي مفيد ومنظف للعيون ومنزلينه اكثر الماركات
باكثر من لون وانا عن نفسي استخدم الكحل
العربي اللي من ماركة قيرلان منه اسود وبني واخضر
وفيروزي هو بودره زي كحل العجايز بس علبته انيقه جدا ولونه مرره يجنن فالعين ...
وإذا على
الرموشتقدرين تستخدمين ماسكارا زيت الخروع من بودي شوب تغذي لك رموشك
زود على تجميلهم وفي كثير انواع ماسكارا مرطبه ومغذيه للرموش ماتكسرها ..





واعتقد الحين مالك عذر تقولين مافي
وقت ولا تضرني ولا أمل واطفش .. محد يمل من
الحلى والجمال .. وماظنك بتحسين بالملل لما يتغزل زوجتك بعيونك ولا يطلعها وهو
فاتح فمه وأنتي تسولفين ... وإذا خافيه هو يمل ( لانكم ماتغلبون بالاعذار عشان ماتتزينون ) بقولك لاتحطين كل يوم نفس اللون ولا نفس
الرسمه .. يوم خفيف يوم ثقيل يوم داخل العين يوم من برا ... وأنا اضمن لك إن مل من المكياج كله
مابيمل من الكحل وهو قمة الجمال والانوثه
ورغم كذا أكيد مابتقعدين عمرك كله بماكياج بيمر فترات بتقعدين فيها بدونه ... ولما تحطين مكياجك لازم يكون فعلمك انك تحطينه مو للإخفاء لكن
للتجميل ودربي نفسك على هالشعور





صح ونسيت اقول ... نزل من فتره
عدسات جديدة شفافه بدون لون للكن ميزتها انها فيها لمعه جناااااااااان لو حطيتيها مابيتغير لون
عينك لكن بتصيرين زي البسيسه اللي عيونها تلمع ورموشها طويله ( اللي نشوفهم فالكرتون )





ماتلاحظون انه فالكرتون لما
بسيسه ولا فاره ولا سمكه تدلع ماتدلع الا بالكحل والرموش هههههههه شفتوا كيف
العيون قتاله

خصوصا اذا كانت مع
بودرة خدود ورديه ومرطب شفاف يلمع شفايفك وماياخذ لونها بتطلعين شي





طيب لنفرض إن عيونك ولا شي ولا
في أمل تحلى فعينك ولا فعين غيرك؟؟





¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤





تعالي للشيء اللي بعد الشعر
والعيون











يتبع ...



ރϞ بشرتك ރϞ



هاذي عاد يطول
شرحها لاني أحس الواحد ممكن يقنع نفسه بأي شي مو حلو انه حلو إلا البشره ماقد شفت
احد بشرته شينه ومقتنع فيها
بس على الأقل
الواحد يحاول يعالج وبعدين يخفي وبعدين يتعايش نجي للبشره واللي بتخليك
تدلعين وتحبين تدلعين وتصيرين دلوعه بدون ماتصيرين
متصنعه

أول واكبر
مشكله فالبشره هي الحبوب .. وهاذي بجد مشكله
عويصه ومافي حل الا دكتورة الجلديه ..
وتمتنعين عن الاكل
اللي يطلع لك الحبوب وتحاولين تخفينها بدون ماتخلينها تلتهب ..والحبوب كل ماكثرتي فوقها طبقات مكياج كل مازودت المأساه سواء من
ناحيه صعوبه العلاج بعدين لانك تخلينها تتلوث ومنظرها يصير شين ..



اذن هاذي المشكله
اللي من جد مافي حل لاخفائها تماما لازم لازم تتعالج...

بالنسبه للماكياج معروف انه يزيد الطين بله اذا كثرتيه وهذا اللي غالبا
يصير
لكن الصح ايش .. اولا
تخفين الحبوب نفسها بشكل فردي بعد كذا تحطين كريم أساس حسب اللي أول شي لازم
تكونين مغسله وجهك بصابونه طبية مناسبة لك تشيل الدهون من وجهك عشان ماكياجك
يصير مرتب .. بعد كذا
حطي كريم ترطيب مناسب..وبعدها الكونسيلر أو مخفي العيوب وهنا أحب الفت نظركم إن مخفي العيوب فالعاده يكون الأبيض أو
البيج القوي سواء قلم أو سائل تحطينه بعدين تحطين
كريم الأساس فوقه.. هذا غلط
فغلط لان المخفي هذا هو للبقع الغامقة أو للي بشرتها مالها لون موحد.. لكن الحبوب اللي فالوجه المخفي حقها
لونه اخضر .. تلاقينه فماركات كثير تحطينه باصبعك أو بفرشه ..غالبا يكون بعلبه تلاقينها ثلاث
ألوان بيج أو ابيض واخضر وبني البيج والبيض للتفتيح
وتوحيد اللون والأخضر للحبوب والبني عشان تصغرين أماكن أو تكبرين أماكن زي اللي تحطه حليمه بولند لتصغير حجم الانف ينحط من الجوانب بني بعدين تحطين فوقه كريم الأساس بدون ماتضغطين بقوه وينحف الأنف ويطوله واغلب الفنانات يسوونه ...

طلعنا عن
الموضوع
نرجع للحبوب .. الكونسيلر الاخضر تحطينه على كل حبه وتوزعينه عليها وبعدها
تحطين كريم الأساس اللي يناسبك..


واحب افيدك اذا ودك
تعرفين عن كريم أساس يجنن.... من عشقي للماكياج
جربت كثيررررر ماركات بس قبل ثلاث
أسابيع طحت على كريم أساس إبداع يخلي وجهك ناعم
ومخملي وزي االلمبه وبنفس الوقت مو ثقيل بصراحه رعه جدا .. هو من ماركة فور ايفر ..تلاقينه فمحلات
وجوه (فيسزز)وعلى فكره حاليا
هالماركه
ماكله الجو بقوه عندها ألوان كحل تجنن خصوصا الأزرق التركواز سائل
مائي تحطينه كحل أو ظل يجنن وفي برضو كحل موف يجنن وناعم مره .. وألوان الظل له مومميزه .. وكريم الاساس ذا بصراحه بطيح فيه
طيحه لانه يجنن وبعد أخذت لصديقتي نفس الاساس بس
من درجات الألوان حقت السمر وطلع حلو ان شالله يعجب اللي تجربه ....

نرجع للحبوب ...خلاص حطينا كريم
الأساس واللي اتفقنا مايكون دهني ولا مايل للوردي عشان مايزيد المشكله ..وفي برضو كريم
أساس من ماكس فاكتور يمدحونه الل يياخذ درجة لون البشره بكل جزء من الوجه للاماته ماجربته بس أتوقع يطلع حلو للوجه اللي فيه حبوب
..

اما بالنسبه للسمار ..ياقلبي عليه ..مافي احلى من السمرا وخصوصا لما
تكون كلها ثقه بنفسها ...
عمرك لاتحطين كريم
اساس أو بودره فاتحه عشان مايصير لونك رمادي وعمر ماكياجك مايضبط...
اذا تبغين تفتحين
لونك اختاري درجه لون افتح منك بدرجه وحده بس مو اكثر عشان ماتطلع رقبتك أو
يدك لما تقربينها لوجهك لون ثاااني وبعيد...
كل ماكان
الشكل طبيعي طلعتي احلى ...والسمرا كثير الوان
تناسبها درجات الترابي والعنابي والذهبي والمشمشي والموف ودرجات معينه من الأحمر تطلع
حلوه عليها


لكن بالذات الاحمر والوردي لما
تختارينهم اختاريهم بحرص لان لون ممكن يخليك ملكة جمال ولون ممكن يخلي
لونك قاتم أو بشرتك صفرا

أو بالنسبة لتغير
اللون فبعض الأماكن للي لون بشرتها حنطي أو بيضا ..
فانا اعتقد صراحه
انه مو مشكله كبيره زي منطقة الإبط مثلا ..
يعني اظن مجرد انك
تهتمين بازالة الشعر من هالمنطقه باستمرار واستخدام الليمون والجلسرين
فالفتره اللي تشتغلين فيها وانك لما تتحممين تهتمين انك تحطين مزيلات عرق مناسبه لك بروايح حلوه ومافي مشكله لو حطيتي كريم اساس خفيف فهالمنطقه ...وخلاص
..
ماهي نهاية الكون
لاصار الابط غامق ولا يمنعك تلبسين بلوزه أنتي حابتها اهم شي الريحه الحلوه ونعومة
البشره تغطي على كل الالوان ..؟
تتوقعين زوجك بيفضل
أيش اكثر؟ تكونين
نظيفه وناعمه وريحتك حلوه ولابسه بلوزه ولا احلى بدون كم
ومره شكلك انثوي مع اسمرار فالابط.. ولا بيفضل بلوزه نص كم أو كم طويل كل يوم كل يوم مع عطر على
هالبلوزه ރϞ البشرة
و النعومة ރϞ




بالنسبه للنعومه... أكيد أول شي ازالة الشعر من الجسم كله ..
بالله كيف بتدلعين
وأنتي مخبيه الشعر اللي طلع فساقك وخايفه يلمس بالغلط كوعك الخشن ...
ولاخايفه يلمس
كف يدك ويلقاه متقطع وخشن سواء بسبب الغسيل والشغل أو الاهمال !

أكيد مابيكون عندك ثقة
انك تقعدين جنبه براحتك بس مو بعد انك تدلعين وهذا مو لان عندك مشاكلمستعصيه ولا
قبيحه لأ.. لازم تعترفين انك عجازه وبس...
ومع
الايام مع الميانه والتعود على الزوج واول مايروح الحيا .. بتصيرين
ماتهتمين إن شاف ساقك بشعر ولا شاف شعرك منفوش
ولا لمس جسمك وهو خشن ...
ولاتقولين
بطل يحبني زي أول أو خلاص مل مني أوالكلمة اللي دايم نقولها لانفسنا انك مهمها
تزينتي بيمل منك خلاص وتبهتين بعينه...


غريبه؟؟
أشوف الفنانات مايبهتون ولا حتى نفسنا يالحريم نمل منشوفتهم؟؟
دام نترقب
الجديد ياتري الفديو كليب الجاي كيف بتسوي شعرها ؟
ياترى المقابله
الجايه وش بتلبس فستان ؟؟
ياترى وش
لون المكياج اللي بتحطه بالحفلهالفلانيه وكيف ستايل الفستان الي بتنزل صورها فيه ؟؟؟


ليش
ماعمرنا ملينا ابد لا حنا ولا رجالنا من النظر والتأمل والتمعن
بجمال هالفنانات اللي اغلبهم عدوا الثلاثينات
وأنا
هنا اقصد القديمات من جيل نوال الزغبي ونجوى كرم وديانا حدادوغيرهم .... مليتوا منهم؟؟
مو
كل فتره ودكم تشوفون وش صاروا وش لبسوا وش تغيرفيهم؟؟ يعني مامليتوا...
لان
ببساطه الزين محد يمل منه... لكن أنتي تقنعين نفسكبهالشي بالقوه لحد ماتصدقينه...
لكن
اتحدى اذا كان زوجك يشوفك احلى بنظره بعد شهراذا كنتي تتنزينين ثلاث مرات بالاسبوع ...
ويشوف
حلاك اقل اذا تزينتي سبع مراتفالاسبوع ؟؟
هذا التفكير
بقمة الغباء
... ماراح يمل دام زينك كليوم بلون وشكل وشعرك كل شهرين ثلاث بقصه ولون....


اسعدي نفسك
واسعديه وخلي ثقتك بنفسك كبيره
...
انوثتك مصدرها ثقتك بنفسك
والمرأة بهالزمن ثقتها أولا تجي منجمالها أو بمعنى اصح اهتمامها بنفسها ...


ރϞ نرجع لنعومة البشرة ރϞ
..
* أول شي تهتمين تزيلين شعر جسمك شهريا
بعد كل دوره وإذا كان نموه سريع مرتين فالشهر ولا تتعيجزين مره لانك بتعيجزين
دايم .. ومابيمر سنه إلا
والشعراللي فجسمك خفيف بنسبة 50 فالميه لان البصيلات تضعف مع
الاستمرار انك تشيلينها أول ماتطلع

* كريم مرطب للجسم ويكون عطري
وحلو على ذوق زوجك؟

عجزانهتدهنين
جسمك كله؟ بسيطه ياستي

من فتره ماهي
قصيره جونسون نزلت سبراي بخاخ زيت
- وريحته حلو كالأاطفال- ترشينه رشششش بس على جسمك
بعد ماتتحممين ولا انعم يالعجازهولا حتى البخ عجزانه عنه؟



بعدها دهني
يدينك ورجولك وركبك واكواعك ماياخذ منك ثلاث دقايق بكريم معطر لو نفس ريحة
عطرك يكون احسن وبخي فوق الكريم بخة عطر قبل يشربه الجسم
عشان يثبت ومرطب حلو لوجهك وبتصيرين ولا انعم


* اذا بشرة جسمكخشونتها مستعصيه بس قبل
ماتتحممين افركي سيقانك وركبك ويدينك واكواعك بزيت زيتون معسكر افركي بشكل دائري
لحد ما يحمر الجلد شوي وبعدها بنفس اللحظه بتصيرين حريركرريها كل اسبوع مره تجدد
بشرتك وتنعمها وبتصيرين والحرير ينزلق على ساقك زي الدعايات ...


* هنا ابي أقولكم عن
جل جديد نوعا ما اللي متأكده منك إنالاغلبيه مايعرفونه هذا الجل يخلي البشره بدون
مبالغه حرير حرير حرير .. تدهنينهعلى يدك أو صدرك أو رقبتك أو
وجهك أو أي مكان تبغينه أول شي هو ماينمسح يعني اقصد مايبلل الملابس أو لو تمسحينه بكلينكس مايبلل .. مو قادره اوصفه زين لان قوام الجلغريب
وماتتشربه البشره بس يعطي نعومه ولمعه طبيعيه تجنن وكله كوم ولما تحطين فوقهشوي
بودره لماعه لؤلؤيه أو ذهبيه يطلع خياااااااااااااااااااالي اضمن لك تدمنينعليه
ادمان وله استخدامات كثير

منها تثبيت كريم
الأساس وينخلط مع الظل يخلياللون يطلع مركز زي ماهو فالعلبه وبرضو يثبت حبوب
الجليتر أو اللمعه اللي تنحط فالصدر أو الوجه أو الكتوف ..
أنتي بس لما
تشترينه بتلقين له استخدامات ايوه نسيت اقول بعد انه مخفي للتجاعيد
واعتقد انه
بيصير روعه اذا البشره فيها اثار لحب الشباب لأنه يغلف البشره يخليها
متساويه
ولما تحطي أساس
فوقه يطلع مره حلو المهم طولتهاعليكم الجل هذا تلقينه برضو فمحلات وجوه اللي
ذكرتها قبل كذا
وهو من ماركة
سماش بوكس موجوده اعتقد فقط في محلات وجوه أو فيسزواسمه فوتوفينيش ... ان شالله يعجبكم..
سعره غالي نوعا
ما بس كميه
صغيره مره منه
تمدينها على مساحات كبيره يعني اقتصادي إلا اذاكنتي بتتحممين فيه فيبغالك كل شهر
واحد



طيب فرضا
ماقتنعتي هههههه ولاماقدرتي تجيبين لا الجل ولا البخاخ ولا الزيت ولا عندك استعداد
تسوين


وش اخبار فمك
بكل ما احتواه من شفايف ولسان واسنان وصووت وهذا الفقره الاخيره لان
اذا ماقتنعتي بشي منها لاتكملين قراءة موضوعي هههههه مابيك


اول شي
يقابلك وأنتي رايحه للفم الشفايف


روعه الوان
الوردي والمشمشي والاحمر وغيره وغيره فيه بقلتر وبدون يجيزي العصار يعني ماتحطينه
بفرشه زي القلوسات العاديه هو زي ماقلت عصار وفيه فتحهصغيره من فوق تضغطينه
وتاخذين بفرشه من عندك ماله فرشه بس يجنن يجنن وسعره خمسينوحاجه .. وعندهم برضو قلوسات بروائح
الفواكه جدا رووعه بالوان روعه ولماعه بسريحتها شي رهيب ؟ وبرضو في فمحلات
مكياجي المعروفه قلوسات حلوهأول مشكله يانها تكون صغيره يانها تكون كبيره صح؟

طيب لو كانت
صغيره
..؟؟
ممكن ترسمين
بمحدد الشفايف خط شفايف وهمي خارج الحدود الاصليه بس لازم يكون لون المحدد نفس
درجة الروج تماما عشان يضبط وبيطلع حلو بعد ماتتمرنين على
وضعه

* القلوس أو
الملمع من أكثر الأشياءاللي تكبر الشفايف وتحليها وحسب ما اسمع انه جذاب جدا ا
وأكيد فهمكم كفاية..
فيهمنه
أنواع وألوان وإشكال وأنا عن نفسي جربت ماركات كثير ... لكن والله والله مالقيت القلوس اللي زي اللي أشوفه فالصور والتلفزيون اللي يخلي شفايفك زي القزاز
مليانه ومنفوخه وتلمع ومافيها خطوط الشفايف الا فماركة فور
ايفر عندهم ألوان تجنن بدرجات


* بالنسبه لتشققات الشفايف في فنكتار
وبرضو عند بودي شوب مرطبات قويه وحلوه بالفواكه وزبدة الكاكاو
وبعد كويسه تدهنين فيها الشفايف

* اما بالنسبه للتصغير .. فاولشي ماتستخدمين
الوان غامقه
.. الالوان الترابيه واللحميه تناسبك كثير والافضلماتستخدمين قلوسات لانها
تزيد حجم الشفايف .. و

صحيح, الجمال جزء كبير منه اهتمام و ثقة بالنفس,
يعطيك العافيه على الموضوع, فيه كثير من النصائح و طريق العناية و كيف تثقين بنفسك و جمالك,

وتنسيقك رائع,

تسلم حضري
على هذا الابداع
دمت لنا ودام عطائك
تقبل مروري اخي العزيز

جزاك الله خيراا

جزاك الله خيرا