موضوع: مقلب دوت كوم آخر شيء كنت أتوقعه منك الأحد يناير 09, 2011 6:12 pm
أحبتى أعضاء منتدى شباب بطاش معلش بقى عملت فيكم مقلب حلو ماحدش يزعل منى
انا بس كنت عايز أشوف الناس اللى غابت عن المنتدى ونسيت ان لهم أهل بيسألو عنهم
فقلت أعمل المقلب الرخم ده وكنت متاكد ان الكل هيدخل وبكده نطمن عليكم
لكن فعلا لى عتاب على كل واحد منكم ان ازاى نكون أهل وعارفين بعض كويس وبتغيبوا عننا الغيبه الطويله دى؟
عموما اوعدونى ما تتكرر ونشوفكم على طول منورين صفحات المنتدى بوجودكم فيه
نيجى بقى لتفاصيل المقلب
أولا المقلب ده فكرة الأخت The pure Heart
إشترك فى التمثيل الفاضل عطية سالم
انا بقى عملت ايه؟ هقولكم
ارسلت رساله جماعية لكافة الاعضاء كالتالى
عنوان الرساله الخاصه المرسلة
آخر شيئ كنت أتوقعه منك
مضمون الرساله
مساء الخير / صباح الخير
بجد انا مصدوم ومش عارف أقولك أيه
بس دا كان أخر شيئ أتوقعه منك
بقى دى نظرتك ليه ورأيك فيا؟؟
طيب حتى لو دى وجهة نظرك فيا لزمتة أيه التجريح ؟
وليه الكلام اللى بيتقال عليه ؟؟
دا انا عمرى ما زعلت حد منى وعمرى ما قلت على حد اى حاجه
عموما الله يسامحك
وشكرا على كل الكلام اللى بيتقال منك
طلب اخير
ياريت ما حدش يعرف اى حاجه عن الرساله دى علشان ما نكبرش الموضوع
وشكرا على كل حال
الردود والتعليقات من أعضاءنا الحلوين
اميرة المغرب الرساله الاولى
السلام عليكم
اقتباس :
الصراحة انا ماستوعبتش رسالة حضرتك وليه وايه السبب ؟
وده فعلا كانت اخر حاجة ممكن اسمعها منك انا اتكلمت عنك
الصراحة انا بارتجف وانا باكتب الرد ده
ممكن توضحلي اكثر وتقلي ايه الكلام اللي انا قلته عليك
وبلاش ربنا يسامحك لاني باحب اعاقب نفسي
ويريت لو في حاجة نتوضح مع بعض اكثر
لان لا ارتاح للاسلوب ده ولا اتقبله اطلاقا
ولاني متاكدة من نفسي ومن كلامي
واني مش ممكن اغلط في حد مهما كان
وكمان وصلت للتجريح
ارجوك انا عاوزة تفاصيل
وانا اللي فعلا مصدومة من كلامك ومش لقية له تفسير
ارجوك انا مستنية تفسير دقيق
والرساله الثانيه بعدها بلحظات
اقتباس :
ارجوك تجاوبني بسرعة
لاني فعلا اتشليت من الصدمة ومش عارفة اشتغل
ولا اعمل اي حاجة
انا لا اقبل الظلم باي وجه من الوجوه
بجد مش عارفة اقول ايه ؟؟؟؟
لاول مرة ماعرفش اتصرف ازاي
ارجوك تجاوبني ,,,,,ارجوك
ردى عليها
اقتباس :
السلام عليكم اهلا بأميرة المغرب بصراحه مافيش حاجه خالص بس كنت عامل فيكى مقلب هه
أهلا بيكى معانا فى الكاميرا الخفيه
ما تزعليش منى كنت بهزر معاك
فكان جوابها
اقتباس :
لا مش ممكن
انا زعلت حرام عليك
ده مش كاميرا خفية ده تحطيم اعصاب
عموما ربنا يسامحك اشمعنى انا يعني ده انا حتى غلبانة جدا وفحالي ملقتش غيري تنشف دمه ولا علشان انا وحدانية ومليش حد ههه طيب يا طه
Like_No_Other
الرساله الأولى
اقتباس :
كلام ايه بس وتجريح ايه يا استاذ طه
فيه ايه بالظبط
اقسم بآيات الله انا معرف انت بتتكلم عن ايه
يا ريت تضيفنى عندك وتكلمنى على الميل
وياريت دلوقتى
الرسالة الثانية بعدها بلحظات
اقتباس :
يا استاذ طه
انا على شات المنتدى ممكن نتكلم لو سمحت
بعذ اذنك
فهمنى بس فى ايه وايه اللى واصلك
ومخليك تقول الكلام ده
وطبعا رديت عليه فى الدردشه وفهمته هو طبعا كان هيضربنى بس ربنا ستر
تعيش وتاخد غيرها يا شعراوى
الليبى
كتب لى موضوع جديد فى المنتدى لعدم قدرتة على ارسال الرسائل الخاصه
اقتباس :
نظرا لعدم توفر حقى فى الرسائل الخاصه ارجو منك التوضيح ماذا قصدت فى رسالتك وما هو زمبى علما بانى لم اشترك ولم اقول عليك شىء نرجو الرد بسرعه
وكان ردى عليه فى رسالة خاصه هكذا
اقتباس :
شكرا لك اخى الفاضل على سؤالك
ولك كل الاحترام والتقدير
فقد كانت مزحة منى اليك فقط والى بعض الاعضاء
تقبل اسفى وتحياتى
اهلا بيك معانا فى الكاميرا الخفيه
سأحذف موضوعك الذى كتبته حتى لا يعرف الاغضاء الباقيين انها مقلب لانى ارسلت تلك الرساله لكافة الاعضاء
تقبل تحياتى
فارسل الى فى رسالة خاصه قائلا
اقتباس :
اشكرك اخى ارجو ان اكون بين هذه الاسره وان تكون قد حلت كل الخلافات التى كانت فمنزو اشترك وجدت خلافات فلم اقم بالمساهمه
فرددت علية بالتالى
اقتباس :
لو نظرنا سويا لاى شيئ يولد لوجدنا انه يولد صغيرا ثم يكبر
ولكن المشاكل وحدها هى التى تولد كبيره ثم تصغر
والحمد لله نحن هنا أسرة واحده
واعرف انك من منتدى كفر نعمان
فاهلا بك وبطل من تدعوه للإشتراك معنا هنا لن أرحب بك فهذا بيتك ولا يليق بالضيف ان يرحب بصاحب الدار
اهلا بك وسهلا
أمل47
اقتباس :
السلام عليكم ورحمة الله وبركاته: أخي ليه الزعل ده كلو هو انا قلت حاجة تزعل ده حتى اني متأكدة اني مابعتش كلام يزعل فليه كده المهم ممكن اسألك ايه حكاية الاسم بطاش بالذات. تحياتي
ردى عليها
اقتباس :
أهلا بكى اختى الكريمة
فقط أحببت ان أمزح معكى فهذا مقلب
أهلا بيكى معانا فى الكاميرا الخفيه
بالنسبه لأسم بطاش
فهذا اسم البلد التى اعيش فيها وغالبية الاعضاء من هذه البلده
مصر-المنصورة-بطاش
تقبلى تحياتى
وان شاء الله نشوفك معانا عضوه نشيطه وزى العسل
تقبلى تحياتى
ردت قائلة
اقتباس :
تعرف اتخظيت قعدت اقول في نفسي انا ما بعتش حاجة ماعرفش الزاي يزعلو مني مع اني ماعرفكمش بس معليش مقبول المقلب ده اخوتي في الله وانشاء الله استفيد وافيد في هذا المنتدى ،تحياتي ويقبلو فائق احترامي وتقديري بس لو قلتلكم انو اسم المنتدى لفت نظري وحبيتو حتى من قبل ما اشارك فيه لسبب تستغربلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا ملوووووووكى يا حبيبة الكل مين دا المجنون اللى يقدر يزعل منك
دا انتى أخت لنا كلنا
ربنا ما يجيب زعل أبدا
بسمة أمل
اقتباس :
السلام عليكم
ممكن بس اعرف في ايه
كلام ايه وتجريح ايه
لو سمحت ولو ممكن توضح انت بتتكلم عن ايه
انا مش فاهمة حاجة
وعمري ما قلت عليك كلمة غلط
بالعكس انت عارف انا بعزكم قد ايه
وعمري ما اقدر ازعل حد مني
ممكن يكونو قالو لك كلام بس لو حقيقي قلي ايه الي اتقال واواجهم لو كنت قلته
وخصوصا عليك
انا عمري ما اقدر اقول في حقك كلمة وحشة
ولازم تعرف كمان انني مبقيتش بدخل المنتدى كثير بسبب المشاكل دي
وانا مش ناقصة
الي عندي مكفيني
وكمان مش عايزة حد يزعل مني
ولو كان وجودي في المنتدى بقى يسبب المشاكل
انا حخرج واريحكم
وحتفضلو اهلي واخواتي وعمري ما حنساكم
واخيرا
اتمنى انني ما كنت ثقيلة عليكم في هذه الفترة
وربنا يسامح اللي بيعمل المشاكل دي ويكذب عليا
اتمنى تتحقق من الكلام عشان انا ما قلت شيء عنك
واسفة كثير
على كل ما صدر مني من مشاكل انا مليش ذنب فيها
اسفة كثير
وقول الي وصلك الكلام الله يسامحه
ومرة ثانية يبقى يفهم الكلام جيد قبل ما يوصله
وانا حريحكم من المشاكل دي
ردى عليها
اقتباس :
انا هقول لك بس م تزعليش منى الفجر الباسم قالت لى ايه رأيك نعمل مقلب فى كل الأعضاء وعلشان انا غلبان وافقتها وبعت الرساله دى لكل الأعضاء اللى فى المنتدى يعنى كان مقلب فيكم ه
وان شاء الله مافى مشاكل ولا شئ دى كانت ذوبعه فى فنجان ومرت مرور الكرام
المهم اهلا بيكى معانا فى الكاميرا الخفيه
تعيشى وتاخدى غيرها
محمد الدمرداش
اقتباس :
سبحان الله والحمد لله
ولا اله الا الله محمد رسول الله
ولا حول ولا قوة الا بالله
ردى علية
اقتباس :
طبعا انت احسن واحد رديت عليه أصل بينى وبينك دا مقلب انا عاملو فى الاعضاء كلهم بعت الرساله دى لكل الناس ههه
أهلا بيك معانا فى الكاميرا الخفيه
حيلهم بيلهم
ه
فرد قائلا
اقتباس :
هه
تسلم ايديك
شكرا على البرنامج
بس متزعش هه
وانا بقى هرد عليه هنا وأقوله لاااااااااا
هنزيع وهنزيع وهنزيع
جردينيا
اقتباس :
ااخي الاستاذ طه انت متعرفش انت بنسبة لي ايه انت اخ ومثل اعلى انا يوم ما افكر اجرح فيك هكون الاحسن لو جرحت بنفسي وشخصي اكيد في شيء غلط في الموضوع وعلى العموم انا اعتذر عن اي غلط في الموضوع لك مني احترام ومحبة اخت لاخوها وقدوتها
ردى عليها
اقتباس :
الأخت الفاضله دوما المتميزه بصدق كتاباتها
اولا وبدون اى زعل انا كنت عامل فيكم مقلب بعت الرساله دى لكل الأعضاء
اهلا بيكى معانا فى الكاميرا الخفيه
ه
تعيشى وتاخدى غيرها
الباشا
اقتباس :
أخي الفاضل
بعد التحية ....!!!
أزعجتني جداااا رسالتك .. وللاسف الشديد لم أفهم شيئــًا فلم يبدر مني أي كلام عنك أبدًا.. ولا لأي شخص بمنتدايا أو منداااك أخي الفاضل رجاء رجاء سرعة التوضيح لذلك ... مع خالص تحياتي الباشا
ردى عليه
اقتباس :
اولا وبدون اى زعل انا كنت عامل فيكم مقلب بعت الرساله دى لكل الأعضاء
اهلا بيك معانا فى الكاميرا الخفيه
ه
تعيش وتاخد غيرها
دا طبعا غير المكالمات التليفونيه اللى نزلت ترف عليا
من المحامى أحمد عبد الناصر الشربينى
والأخت الكريمة روجينا
يا ترى مين اللى جاى عليه الدور؟
ترقبوا الباقى
تسهيلاً على زوارنا الكرام يمكنك الرد من خلال تعليقات الفيسبوك
موضوع: رد: مقلب دوت كوم آخر شيء كنت أتوقعه منك الأحد يناير 09, 2011 6:39 pm
اقتباس :
انا هقول لك بس م تزعليش منى الفجر الباسم قالت لى ايه رأيك نعمل مقلب فى كل الأعضاء وعلشان انا غلبان وافقتها وبعت الرساله دى لكل الأعضاء اللى فى المنتدى يعنى كان مقلب فيكم ههههههههههههههههههههه
موضوع: رد: مقلب دوت كوم آخر شيء كنت أتوقعه منك الأحد يناير 09, 2011 10:21 pm
مرحبا شوفو وصلنى بالرسائل خاصة .
مساء الخير / صباح الخير
بجد انا مصدوم ومش عارف أقولك أيه
بس دا كان أخر شيئ أتوقعه منك
بقى دى نظرتك ليه ورأيك فيا؟؟
طيب حتى لو دى وجهة نظرك فيا لزمتة أيه التجريح ؟
وليه الكلام اللى بيتقال عليه ؟؟
دا انا عمرى ما زعلت حد منى وعمرى ما قلت على حد اى حاجه
عموما الله يسامحك
وشكرا على كل الكلام اللى بيتقال منك
طلب اخير
ياريت ما حدش يعرف اى حاجه عن الرساله دى علشان ما نكبرش الموضوع
وشكرا على كل حال
بصراحة شككنى بروحى شو عملت وضربت اخماس في اسداس وقلت ياربي انا دخلت مرة يوم تسجيل ومرة تانيا لدقايق منو طه حسين وبنهاية قلت انو اكيد غلط بالارسال رديتلو رسالة وقلتلو انت غلطان اخى تاكد ومارد علي فاليوم فتحت المنتدى وحاولت اسالو لكنى ترددت قلت انتظر احمد لحدمايدخل ويارب متكون مشكلة وانا مش عارفا
والبنهاية تطلعوه مقلب بسيطة ههههههههههههههههههههههههههههه مفبولة عرفتو كيف تلفتو انتباهى برافو عليكم للكاتب ولصاحبة الفكرة
تحياتى لكم
.
تسهيلاً على زوارنا الكرام يمكنك الرد من خلال تعليقات الفيسبوك
موضوع: رد: مقلب دوت كوم آخر شيء كنت أتوقعه منك الجمعة يناير 21, 2011 1:53 am
جزاك الله خير اخي طه بجد كان مقلب لذيذ بس الاول والله كان صعب انا عن نفسي منمتش يومها من الزعل سلمت ودمت لنا وربنا ما يحرمنا من اسرتنا الجميلة وانت قائدها وقدوتها
تسهيلاً على زوارنا الكرام يمكنك الرد من خلال تعليقات الفيسبوك