أسهل طريقة لعمل الزبادى الرائع

تاريخ التسجيل : 02/08/2009

الطريقة السهلة لعمل الزبادي
الرائع

احبتى في الله

السلام عليكم ورحمة الله وبركاته

كلنا يعلم أن كل ما يقدم الآن في
وفى العالم العربي من أطعمة وخاصة منتجات الألبان

مليء بالمواد الحافظة وخالي من
الدسم ولربما خالي من الألبان

وأفضل الطرق للحفاظ على صحتك
وصحة أبنائك

هو عمل المنتج في منزلك وبيديك
أنت

واليوم أقدم لكم طريقة عمل الزبادي
كامل الدسم الرائع الطبيعي الخالي من المواد الحافظة

وبأيسر الإمكانات المنزلية

أولا / المقادير

واحد كيلو جرام لبن جمسى +
واحد كيلو جرام لبن بقرى

عدد أتنين زبداية ويفضل أن
تكون في اليوم الثالث من إنتاجها وان تكون بدون إضافات

مثل الفراولة أو الموز يعنى زبادي
عادى.

ثانيا / طريقة التحضير

قومي بتصفية اللبن من الشوائب
بواسطة شاشة نظيفة أو إشارب جورجت

إرفعى اللبن على النار

في بداية الغليان قومي
بالتقليب لمدة خمس دقائق حتى يفقد اللبن جزيء من وزنة عن طريق البخار

الناتج من الغليان

ونصيحة مهمة........ اجعلي
التقليب في اتجاه الطواف حول الكعبة

دى طريقة مجربة فعلا وتجعل الزبادي
أفضل.

بعد الغليان لمدة خمس دقائق ارفعي
اللبن عن النار واتركيه يبرد حتى يكون في درجة 30 درجة مئوية

يعنى يكون دافئ

خذي كوب من اللبن وذوبي فيه الزبادي
القديم

وياريت تقومي بإذابته جيدا حتى
لا يحدث حبيبات في الزبادي

ضيفي الزبادي المذاب على اللبن
الدافئ.

انقلي اللبن الدافئ في
عبوات مثل أكواب بلاستيك أو طواجن فخار أو
فيما تحبي

انقلي العبوات في صينية فرن ثم
أغلى لتر ماء وضعية فى الصينية تحت العبوات.

اشعلى فرن البوتاجاز لمدة ثلاث
دقائق حتى يكون الفرن دافئ ثم اطفئى النار وضعي الصينية

في فرن البوتاجاز واغلقى باب
الفرن

وروحي اتفرجى على التلفزيون
شوية أو ادخلي المنتدى لمدة ساعة ونصف

وأوعى تنسى الزبادي اللي في
فرن البوتاجاز

بعد ساعة ونصف هيكون الفرن برد
قومي بإشعاله دقيقتان والزبادي داخلة
.....عادى لا تخافي

واتركيه لمدة ساعتان كمان

سوف يتجين الزبادي ويتم نضجه

أخرجيه من الفرن وضعية في
الثلاجة

وبالهنا والشفا

وأي خدمة

ولو حبيتي تعملي زبادي مرة
أخرى خذي خميرة من الزبادي اللي عملتيه

مع تحيات

( رغدة لمنتجات الألبان )

تاريخ التسجيل : 24/03/2010

ايه ياعم الجمال والروعه دى

شكرا على النصائح الغاليه دى

عايزين كمان طريقة عمل الجبنه علشان اعملها

وماعنتش اشتريها من عند جيرانا

ههههههههههههههههههههه

تسلم ابو اسماء

بارك الله فيك

تاريخ التسجيل : 20/05/2010

طريقه سهله وجميله جدااااااا

بس يا ترى اللى معندهوش ايشارب جورجت دا يجيب ايه ؟؟؟؟؟

ينفع مصفاه صغيره ؟؟؟؟؟

شكرا جزيلا يا استاذ عطيه نورت القسم بموضوعك الجميل

تاريخ التسجيل : 27/05/2009

تسلم ايدك ياباشا والله
فعلا دا موضوع قيم جدا
هبقى اقول للمدام عليه
بس انا حاسس ان هتنفذ كل الخطوات صح
بس هتقعد على المنتدى خمس ساعات
وترجع ترمى الزبادى اللى أكيد اتحرق فى الفرن
وتشترى زبادى جاهز
هههههههههه

The pure Heart كتب:: [center]

بس يا ترى اللى معندهوش ايشارب جورجت دا يجيب ايه ؟؟؟؟؟

يشترى يا ختى
ولا شراء الزبادى أسهل؟
هههههههههههههههههههههه

عموما علشان ما تدوخيش كتير
انا عندى الايشارب ده للبيع بـ 99 جنيه غير مصاريف الشحن
والمفاجأه ان ممكن تشترى وتدفع من البيت بالفيزا كارد
ههههههههههههههههههههه

تاريخ التسجيل : 02/08/2009

اخوتى الأعزاء

ملك وبيور وطه

أسعدنى مروركم اللذيذ اللى بطعم الزبادى

وان شاء الله

هعملكم طريقة صناعة الجبن الابيض

وبلاش نشتغل احنا

هههههههههههه

تاريخ التسجيل : 16/11/2010

سلمت اخي عطية
انا اعمله بس في البن الجاهز يعني جهينة او غيره مش الي انت ذكرته
بخاف من الشوائب الي انت اشرت اليها
بس اكيد طريقتك احسن عشان اللبن طبيعي
سلمت ودمت لنا اخي عزيز وغالي
رعاك الله وحفظك

» صوانى و قوالب على اشكال لعمل الكيك تحفة
» شرح طريقة عمل تبويب لعمل فيه التعليقات على الفيسبوك
» شاهد عيش السرايا - مكرونة بالخضار والبشاميل - كفتة بصوص الزبادى والمايونيز - دجاج تندورى
» خفايا واختصارات جديدة ومفيدة في ويندوز ستجعل حياتك أسهل وأسرع!
» اسهل طريقه لعمل البسكويت طعمه جنان

أسهل طريقة لعمل الزبادى الرائع

أسهل طريقة لعمل الزبادى الرائع

أسهل طريقة لعمل الزبادى الرائع

أسهل طريقة لعمل الزبادى الرائع

أسهل طريقة لعمل الزبادى الرائع

أسهل طريقة لعمل الزبادى الرائع

مواضيع مماثلة

مواضيع مماثلة