ههههههههههههههههههه
هقوله يخرب بيت امك
هتقوم امه سمعانى
هتتنرفز عليا
هتنرفز عليها
هتقوم سايبه البيت وتروح عن امها
هقوم مطلقها
واروح الشغل
الاقى السكرتيره قاعده منوره فى المكتب
هتجوز السكرتيره
مراتى هتطب علينا كالعاده
وتزعق للسكرتيره "يلا يا بت انتى روحى شوفى شغلك وبلاش مرقعه فاضيه
السكرتيره
مرقعه ؟!!! صحيح اللى اختشو ماتو
المدام
اما انتى فعلا ما عندكيش دم وعايزه اللى يربيكى
السكرتيره
انا برضه اللى عايزه اللى يربينى؟ اومال انتى عايزه ايه بقى ان شاء الله؟
يخرب بيتك
طبعا المدام واقفه تسمع وهى ساكته
انا بقى هقولها يعنى دلوقتى سمعتى كلمة يخرب بيتك وسكتى
اشمعنى لما انا قولتها للواد زعلتى قوى وعملتى فيها بتاعه
انا اللى غلطان انى ما عرفتش المك من الأول
المدام
خلاص بقى يا حبيبى
ولا كأن حاجه حصلت
صافى يا لبن؟
انا
حليب يا قشطه
واخدها فى حضنى تحت ذراعى
وامشى
وهى بقى بتطلع لسانها للسكرتيره
وبتقولها
ابقى اتكلمى على قدك يا شاطره
ونروح البيت نلاقى حماتى عامله لنا حلة محشى معتبره
ناكلها ونقعد نتفرج على التليفزيون
وييجى الفيلم اللى بنحبه
وفى اهم لقطه فى الفيلم
ويجى الواد تانى ويشيل الفيشه وطلع يجرى
وهكذا تتكرر المأساه
شوفتو بقى انه موقف صعب
بس الحمد لله عدا على خير