ازاى
ترخم على واحد نايم
الرخامه على النايمين
عزيزى الصاحى اذا كنت تعانى من الارق لأى سبب
وحاقد على واحد نايم واذا طق فيوز النداله فجأه عندك او
عرق الرزاله بيوجعك
وقدامك واحد نايم زى اى البطيخه تحترم نفسها
ما عليك الا ان تتبع الخطوات التاليه
1) اذا كان فى عز نومه وانت مانمتشا او مش جايلك نوم
ادحل الاوضه وشغل النوووووور
واطلع بمنتهى البرود وكأنك معملتش حاجه
اذا كان نوم خفيف هيصحى ويقولك (اطفى النور يا حيوان)
طبعا احنا اتفقنا انك بارد
لذلك لا تعره اى اهتمام وتذكر القانون الاول لنيوتن فى
التنفيض
"لكل فعل تنفيضه مساويه له فى المقدار ومضادة له فى
الإتجاه "
أما لو كان نومه تقيل يبقى تستعمل الطريقه رقم (2)
إكتشف ان فى بيتكم سرير وعايز تتأكد ان كل حاجه تمام
واإن السرير رجليه مظبوطه
وطبعا دا السرير اللى اخينا نايم عليه
ويمكنك ساعتها القيام بالكثير من التخبيط والدق وتحريك
السرير
ولكن إنتبه فقد يصحو من النوم فقد يجدك تحت
السرير او رأسك فى متناول يده فلا احد يعلم
ساعتها ماذا يمكن ان يحدث
لو كان من هواة النوم وبجواره مفتاح انجليزى مثلا لذلك
انصحك ان تهز السرير هزات
عنيفه حتى يستيقظ وقبل ان يفيق تمام اركض بأقصى سرعه
3)اذا كنت مقهور من واحد نايم العصر او الظهر أدخل
الغرفه وغطيه كويس واقفل الغرفه
واقفل التكييف واطلع برهومتنساش تقفل الباب والشبابيك
وإذا كانت فى دفايه فى الاوضه يا عينى شغلها بقى على اسخن حاجه
وسيبه واطلع بره كانك متعرفش اى حاجه فى اى حاجه
لسه ما قامش ؟؟؟؟ اوعى تيأس
4) لو كان لسه ما قامش !!!! ما تعملش حاجه من اللى احنا قولناها قبل كدا أنما بهدؤ
حط ايدك على التلفزيون وشغل محطة أغانى
ويا حبذا لو كانت بتاعت أغانى هابطه من نوعية ( أنا غانا أنا غنن وحط النقط على الحروف ) وعلى الصوت
على الاخر وامشى أنت وأسمع أغانى على ال Mb4 بتاعك
ولو معندكش Mb4 اكتشف فجأه ان عندك موهبة الغنا واقعد غنى مع الاغنيه وانسجم .
5) اذا كان لسه نايم وانت شبعان نوم بس عايز تتونس :
جيب ميه بارده وقرب من النايم وقطر على وشه قطره قطره هيترعش
ويمسح جبهته فاكرها نمله ولا حاجه .
واقعد كدا لحد ما يصحى أو يقوم يرزعق قلم محترم على وشك ويكمل نوم .
6) خد ورقة منديل ولفها لحد ما تبقى على شكل عود ... الغرض ان تكون
نهاية طرفها حاده... وبس يا معلم ... أخينا راسه اصبحت ملعب وانت الهدف
ممكن تحطها فى ودنه (الحركه دى مستفزه جداااا)
ممكن تحطها فى بؤؤ كمان ممكن تحطها فى مناخيره بس مش لجوه اوى يعنى
لو صحى يبقى ممكن يفرجك على عنبر الكسور فى أى مستشفى قريب من بيتكم
واذا منجحتش كل الطرق اللى فوق دى ..... اتأكد انه مش بنى أدم أصلا .... خليه نايم
واطلع بدل ما يجيلك شلل نصفى