السلام عليكم ورحمة الله وبركاته

أحبتى
أعضاء منتدى شباب بطاش


أهلا بكل من يشرف صفحتى الخاصه

رنونة تحت المجهر

وأهلا بأى إستفسار عنى


فهنا سيتم فتح باب النقاش والتوضيح حول شخصيتى وفكري

ولكم الحق فى السؤال عن اى شيئ متعلق بى شخصيا

حتى أكون واضحة الفكر أمامكم جميعا


فى انتظار أسئلتكم

ولكم منى كل الحب والتقدير

انا حابب اشارك اول واحد
اسمك بالكامل

سنك


عنوانك


مؤهلك الدراسي


الحاله الاجتماعيه


لديك 3 تذاكر سفر من من الأعضاء ستأخذ معك ؟؟


هل فكرت يوماً للأنسحاب من المنتدى ؟؟ لماذا؟؟



باقة ورد لمن تهديها ؟؟

لو رجع بك الزمن إلى الوراء من تتمنى أن يرجع لك ؟؟




/ مامعنى كلٍ من :

الحب

الصداقة

الوقت

الكتاب

الإنترنت

الزواج

الدمعه


" تجري الرياح بما لا تشتهي السفن "

كم من المرات التي جرت فيها الرياح عكس آمالك وطموحاتك ..؟


وكفايه كده عشان ابقي ازورك تاني ياقمر

يلا يا R جاوبى علشان نسئل

اقتباس :

انا حابب اشارك اول واحد

ده شرف ليا ربنا يخليك يا سمسم

اقتباس :

اسمك بالكامل
سنك
عنوانك

شكلك كدة يا سمسم عايز تطلع لى بطاقة
هههههههههههههه

اقتباس :

مؤهلك الدراسي

انا لسة ما خلصتش بس انا السنة دى فى الامتياز (الفرقة الخامسة-- كلية تمريض)

اقتباس :

الحاله الاجتماعيه

ليييييييييه؟؟؟
ههههههههههه

اقتباس :

لديك 3 تذاكر سفر من من الأعضاء ستأخذ معك ؟؟

كلهم عشان انا بحبهم كلهم واللى مالوش مكان هاخبيه فى الشنط بس هاتصرف يعنى مش هاسكت يا نسافر كلنا يا نقعد كلنا

اقتباس :

هل فكرت يوماً للأنسحاب من المنتدى ؟؟ لماذا؟؟

لالالالالالالالالالالالا
دا انا لزقت خلاص البيت بيتى ولا ايه
هههههههههه

اقتباس :

باقة ورد لمن تهديها ؟؟

يااااااااه لناس كتير اوى المهم كله هياخد

اقتباس :

لو رجع بك الزمن إلى الوراء من تتمنى أن يرجع لك ؟؟

خالوالاستاذ/ صلاح الدين موافى

اقتباس :

مامعنى كلٍ من

ربنا يستر من اللى جاى

اقتباس :

الحب

احساس جميل بكل انواعه سواء كان حب الام او الاب او الابناء او الاخوات او حب الحبيب
فهو رائع بكل معانيه

اقتباس :

الصداقة

نادرة اوى الايام دى واللى منكو معاه صديق مخلص يحمد ربنا على النعمة دى

اقتباس :

الوقت

بالنسبة لى عامل زى القطر اللى ما بيستناش حد

اقتباس :

الكتاب

خير انيس وجليس

اقتباس :

الإنترنت

ده بقى عالمى التانى

اقتباس :

الزواج

خطوة لسة شويتين عليها

اقتباس :

الدمعة

هى انا

اقتباس :

تجري الرياح بما لا تشتهي السفن

ليس كل ما يتمناه المرء يلقاه

اقتباس :

كم من المرات التي جرت فيها الرياح عكس آمالك وطموحاتك

كتييييير ما تقلبش المواجع ياسمسم بس اللى بيصبرنى ان كل مرة بحس برحمة وحب من ربى

اقتباس :

وكفايه كده عشان ابقي ازورك تاني ياقمر

البيت بيتك يا سمسم انت تشرف فى اى وقت بس نسيت اقولك تشرب ايه

اقتباس :

يلا يا R جاوبى علشان نسئل

انا جاوبت اهو يا احمد اسأل بقى براحتك بس بالراحة عليا

الحكيم مشغول اجي انا
ممكن ولا لا

رنون ازيك اخبارك ايه
انا بطمنك قبل ما نبدء الجلسة
صح ولا لا مش بطمنوا المريض قبل القض عليه
ههههههههههههههههههههههههههه

1-ما هو الشيء الصعب بنسبة لكي
2-يدك لمن مددتيها لتأخذي او لتعطي
3-اصعبة كلمة سمعتيها
4-اخر مرة بكيتي ولماذ؟
5-اقرب الناس ليكي
6-كيف دخلتي المنتدى
7-هل وجدتي شيء صعب في دراستك وما هو
8- متى تبتسم رنون
9-نقطة ضعفك؟
10-كلمة شكرا لم تقدميها

واسفة للاطاله
بس حبيت اشارك معاكي واكون قريبة لفكرك وحياتك
وشكرا لكي استقبالي في صفحتك

اقتباس :

الحكيم مشغول اجي انا
ممكن ولا لا

ياسلام انتى بستأذنى يا جردينيا انتى تنورى وتشرفى يا حبيبة قلبى
بس الخوف من الحكيم ليغيب غيبته ويجى لى بشوية اسئلة اتعصر فيهم

اقتباس :

رنون ازيك اخبارك ايه

الحمد لله تمام لغاية دلوقتى بس الله اعلم بعد الاسئلة دى هاكون ايه

اقتباس :

انا بطمنك قبل ما نبدء الجلسة

يا ساتر يا رب ربنا يستر

اقتباس :

صح ولا لا مش بطمنوا المريض قبل القض عليه
ههههههههههههههههههههههههههه

يا نهار الوان انتى هتسألينى ولا هتعملى فيا ايه بالظبط

اقتباس :

ما هو الشيء الصعب بنسبة لكي

ان احس ان انا زعلت حد منى وانا ما اقصدش

اقتباس :

-يدك لمن مددتيها لتأخذي او لتعطي

لكى اخد بابا وماما عشان المصروف والذى منه وما ادراك ما الذى منه
ههههههههههههههههههههههههههههه

اما لكى اعطى فلكل من يحتاج الى يدى اللهم دم على هذة النعمة ولا تحرمنى منها

اقتباس :

اصعبة كلمة سمعتيها

اى كلمة ممكن تجرحنى بتكون بالنسبة لى صعبة

اقتباس :

4-اخر مرة بكيتي ولماذ؟

قريب بس مش فاكرة بالظبط انما لماذا دى عشان افتكرت حاجة زعلتنى اوى اصل الدموع دى بالنسبة ليا توأمى بس ما بحبش حد يشوفها مهما يكون مين

اقتباس :

5-اقرب الناس ليكي

انا

اقتباس :

6-كيف دخلتي المنتدى

بطاش دى بلد ماماتى يعنى بلدى التانية
وفى يوم كدة من زمان اوى بقلب فى النت فخطر فى بالى ان اكتب منتدى بطاش
فلقيت نتايج البحث جايبة منتدى شباب بطاش ويوم من بعد يوم كنت بتابع المنتدى واخيرا اشتركت فيه

اقتباس :

7-هل وجدتي شيء صعب في دراستك وما هو

ايوة مادة الفارماكولوجى لانها مادة رخمة كلها ادوية وبمفعولاتها وتركيباتها واثارها الجانبية
لما كنت اجى اذاكرها كنت بحس ان انا عاملة زى علبة الدوا اللى قاعدة فى صيدلية

اقتباس :

- متى تبتسم رنون

ابسط شئ بيسعدنى ويخلينى ابتسم

اقتباس :

9-نقطة ضعفك؟

ليه كدة ما احنا كنا ماشين حلوين مع بعض

اقتباس :

10-كلمة شكرا لم تقدميها

من برة المنتدى ولا من جوة المنتدى
عالعموم لو من جوة المنتدى فستكون لكل اعضاءه بلا استثناء
اما بقى لو من برة فانتى كدة هتحيرينى اشكر مين ولا مين ولا مين

اقتباس :

واسفة للاطاله

يا ستى ولا يهمك انتى تيجى فى اى وقت البيت بيتك

اقتباس :

بس حبيت اشارك معاكي واكون قريبة لفكرك وحياتك

يا حبيبة قلبى انتى نورتى موضوعى وزودتيه شرف

اقتباس :

وشكرا لكي استقبالي في صفحتك

دا انتى حتى ما شربتيش حاجة

امنية لازلت تنتظرها ؟

ما هو رأيك في الرجل؟

ولك مني كل الود والاحترام يـــا

اقتباس :

الاخت الكريمة
R

نعم

اقتباس :

لكى منى كل التحية

شكررررررررررا

اقتباس :

وأولا: وقبل كل شئ

أنا عايز شاى

ماشى انت تؤمر بس كدة



وكمان جاتوه من عندى

اقتباس :

عشان مش تردى وفى الاخر تقوليلى
نسيت اقولك تشرب ايه
]ولا
دا انت حتى ما شربتيش حاجة

ماااااااااااااااااااااااااااااااشى
ه

اقتباس :

ثانيــــــــا: ندخل فى الجد

اقتباس :

اسئله فى السريع اهووو اى خدمه

ربنا يستر

اقتباس :

مبادئ لا يمكنك الاستغناء عنها في الحياة ؟

(الصدق) عمرى ما اقدر اكذب على حد اواغشه او حتى حد يكذب عليا

اتقان العمل على القدر المستطاع

اقتباس :

امنية لازلت تنتظرها ؟

مش هتصدقنى لو قولت لك ان انا نفسى اطلع الفضاء والله بجد مش بهزر

اقتباس :

ما هو رأيك في الرجل

بحر بدون قاع
ما تقوليش ازاى بدون قاع
هه

اقتباس :

ولك مني كل الود والاحترام

ربنا يخليك انت نورت صفحتى ويارب يكون الشاى والجاتوه عجبوك

رنونة الجميلة
معلش على التاخير
اصلى كنت مضايق شويه

معندكيش حاجه اكلها اصلى واقع
وبعدين انا اعارف ان انتى الكرم كله

جايبلك النهارد شويه اسئله سهله خالص
ويارب ما اضايقك بيها

بسم الله

1. من هو مثلك الاعلى فى الحياه ؟
2. تكلمى عن رنونه بكلمتين بس ؟
3. مستحيل انساك لمن تقوليها ؟
4. ماذا تفعلى اذا ربحتى مليون جنيه ؟
5. هل تكرهين شخص بشده فى حياتك ؟
6. هل هزمك حزنك فى يوم من الايام ؟
7.ما هو تقيمك لهذا المنتدى بصراحة ؟

ارجوا الا اكون طولت عليكى
تقبلى تحياتى
اخوكى
احمد حكيم

اقتباس :

رنونة الجميلة
معلش على التاخير

ولا يهمك يا حكيم
انت تشرف فى اى وقت

اقتباس :

اصلى كنت مضايق شويه

الف بعد الشر عليك

اقتباس :

معندكيش حاجه اكلها اصلى واقع
وبعدين انا اعارف ان انتى الكرم كله

من عينيا الاتنين
احلى طبق كبسة لاحلى حكيم

اقتباس :

جايبلك النهارد شويه اسئله سهله خالص

ميرسى يا حكيم

اقتباس :

ويارب ما اضايقك بيها

انت تسأل براحتك

اقتباس :

بسم الله

بدايتك حلوة اوى

اقتباس :

1. من هو مثلك الاعلى فى الحياه ؟

السيدة عائشة

اقتباس :

2. تكلمى عن رنونه بكلمتين بس ؟

الضحكة الدامعة

اقتباس :

3. مستحيل انساك لمن تقوليها ؟

خالو صلاح

اقتباس :

4. ماذا تفعلى اذا ربحتى مليون جنيه ؟

ياااااااااااااه حاجات كتيرة اوى

بس اغلبها هيكون للمرضى الفقراء واطفال الشوارع والايتام

وطبعا هاشوف نفسى برضة يعنى هاشترى عربية

اقتباس :

5. هل تكرهين شخص بشده فى حياتك ؟

لا والله ممكن ازعل من حد لكن على طول بنسى الزعل ومش بشيل من حد

اقتباس :

6. هل هزمك حزنك فى يوم من الايام ؟

للاسف ايوة
بس مش كتير

اقتباس :

7.ما هو تقيمك لهذا المنتدى بصراحة ؟

ممتااااااااااااااااااااااااااااااز
ممتاااااااااااااااااااااز
ممتاااااااااااز
ممتاااااز

اقتباس :

ارجوا الا اكون طولت عليكى
تقبلى تحياتى
اخوكى

احمد حكيم

انا عايز انا كمان اسمك بالكامل مش ناقص حرف واحد هههههههههههه وسنك بالشهر والسنه واليوم بس شوفتي ساهلين ازاي وشوفتي انا طيب ازاي هههههههههههههههه

.

اقتباس :

انا عايز انا كمان اسمك بالكامل مش ناقص حرف واحد هههههههههههه

ههههههههههههههههههههههههههههههه

دا انتو مش هتطلعوا بطاقة دا انتو شكلكو هتطلعوا لى جواز سفر ههههههه

انا اسمى

ر-- م---- ا----- ع------ هو ده اسمى رباعى

هههههههههههههههه

اى خدمة

اقتباس :

وسنك بالشهر والسنه واليوم بس

ناقص تقولى هاتى صورة من شهادة الميلاد

هههههههههههههه

عالعموم انا مولودة من زماااااااااااااااان بقالى 21 سنة

اقتباس :

شوفتي ساهلين ازاي وشوفتي انا طيب ازاي هههههههههههههههه.

انت هتقولى دا انت جايب الخلاصة يا امير

عالعموم نورت صفحتى

اهلا رنونه بجد انتى شخصيتك حلوة اوى وكلك زوء وادب ورقه واحترام ولو من الممكن انى اسألك شويه اسال ولو مش عايزة تجاوبي براحتك يا عسل

1/هل جاء رجل لكى يوما من الايام وقال لكى احبك ؟

2/متى تمنيتى من شخص ان يقول لكى احبك؟

3/ماهى هواياتك المفضله

4/كلنا واحنا صغيرين السؤال نفسكو تتطلعو ايه لما تكبرو الاجابه بكل سهوله دكتوره هل كنتى مميزة ولكن لازم تعرفي اننا كلنا وخاصه لما دخلت ثانويه عامه عرفت انى كدابه اوى وانا صغيره

اقتباس :

اهلا رنونه بجد انتى شخصيتك حلوة اوى وكلك زوء وادب ورقه واحترام ولو من الممكن انى اسألك شويه اسال ولو مش عايزة تجاوبي براحتك يا عسل

اولا اهلا بيكى يا هدى منورة المنتدى وبطاش وكل الدنيا

ومعلش عالتاخيرانتى تسالى زى ما انتى عاوزة

اقتباس :

1/هل جاء رجل لكى يوما من الايام وقال لكى احبك ؟

ههههههههههههه ليه الاحراج ده بقى عالعموم انا خطوبتى كانت 15 /10/2011

اقتباس :

2/متى تمنيتى من شخص ان يقول لكى احبك؟

بصى انابفضل انى مااقولش الكلام ده فى فترة الخطوبة لانى بحس ان ده مش بيرضى ربنا وكمان بحس ان ده من تجاوزات فترة الخطوبة وربنا يسترها بقى

اقتباس :

3/ماهى هواياتك المفضله

وانا صغيرة كان الرسم لكن لما كبرت بقى النت هوايتى كمان

اقتباس :

4/كلنا واحنا صغيرين السؤال نفسكو تتطلعو ايه لما تكبرو الاجابه بكل سهوله دكتوره هل كنتى مميزة ولكن لازم تعرفي اننا كلنا وخاصه لما دخلت ثانويه عامه عرفت انى كدابه اوى وانا صغيره

بصى مجتمعنا هو اللى عمل كدة لانه بيحسس الاطفال ان اعلى وافضل منصب هو الدكتور وده غلط لاننا لو كلنا دكاترة الحياة مش هتمشى لازم نعرف ان فى احلام تانية ولعلمك من افضل المراحل اللى مريت بيها فى حياتى هى الثانوية كنت بحبهااوى اوى

مرسيي اوى يا قمر على الردود الرائعه دى وربنا يوفقك يارب