انا اللى حذفت الموضوع يا محمد

وأفهمك ليه

لان المنتدى مش مكان للتشهير ببنات الناس يابن الحلال

وأين كان نوع الموضوع اللى كنت ناوى تكتبه

حتى وان كان موضوع بريئ وعادى أو حتى فكاهى

فمجرد عنوان الموضوع وخاصة لفظ (( واحدى عضوات المنتدى )) فى حد ذاته مثير للشبهات

والكلام فيه جريمه وإساءه لكل عضو فى المنتدى

ده مش مكان للخوض فى سيرة الناس والحديث عنهم وعن علاقتاهم

وأوعى تنسى يا محمد ان كل كلمه بتقولها وبتكتبها ربنا رقيب عليها وهيحاسبك عليها

( ما يلفظ من قول إلا لديه رقيب عتيد )

وكمان ما تنساش ان كل عضوه فى المنتدى تعتبر أخت ليك ولينا كلنا

وبيتهيألى ما يرضيش ربنا وما يرضيش أى حد ولا يرضيك انت كمان

ان أخت ليك حد يتكلم عنها بأى كلام .. صح يا محمد ؟؟؟؟


انت انسان محترم وفاضل وبنتوسم فيك الخير

فبلاش كده بالله عليك

ما تزعلش منى .. لان ده واجبى تجاه أى أخ أو أخت فى المنتدى

( كلكم راع وكلكم مسؤل عن رعيته )

تقبل كلامى بصدر رحب ... وربنا يصلح الأحوال

تحياتى