أحبتى.
أعضاء منتدى شباب بطاش
تحية طيبه وبعد...
خدمة جديده حبيت أعرضها عليكم.
علشان إحنا ما ينفعش نكتم علم، أو نتباهى به قدام الناس.
ندخل فى الموضوع، وبدون مقدمات
طبعا البعض يعرف موقع، تويتر، ولكن الجميع يسمع عنه ،
وأنا متأكد أن الجميع يتمنى ان يكون له حساب على تويتر، كما له حساب على الفيسبوك،
فقلت، ليه يا واد يا أستاذ طه، ما تساعدش الناس دى، إن يكون لهم حساب على تويتر، فها أنا ذا، أتقدم اليكم بخدمة جديدة، حصرية على منتدى شباب بطاش
ومش هنقول لفتره محدوده ولا حاجه
الفتره مفتوحة،
والخدمة هى،
سجلى شكرا فى تويتر
إطلب حساب على تويتر يكون عندك فى الحال .. مع كيفية زيادة عدد متابعينك للألاف.
طبعا دى حاجه جديده
لكن معانا كل يوم فى جديد، وكل يوم فى مفيد
إطلب بس وعلينا التنفيذ
دلوقتى عرفتم الخدمه
اى حد عايز، حساب على تويتر، او حسابين، او تلاته انا تحت أمركم
طبعا فى ناس بتحب يكون عندها حساب شخصى، وحساب هدية لبنت الحلال، فأنا موافق وماعنديش أى مشكله لو حد عايز عشر حسابات
المهم اننا نتواصل مع العالم بالتقنيات الجديده والطرق الحديثه
وما نفضلش كده محلك سر
نرجع لموضوعنا تانى
قلنا، أى حد عايز حساب على تويتر، انا تحت أمره
والمطلوب منه، فى رساله خاصه يبعت لى.
الاسم المراد عمل الحساب به.
الرقم السرى المراد عمله، ( ويمكن تغييره بعد ذلك من لوحة التحكم فى تويتر )، وهى سهله للغاية.
اخيرا عايز منه ايميل يكون شغال، لان تويتر هتبعت له عليه كود التفعيل، (ومش عايز الباسوورد بتاع الإيميل ما تخافش).
ياترى كده خلاص ولا لسه في كمان
لسه فيه كمان، وكمان، وكمان
المفاجأة الأولى، كما علمتم هى عمل حساب على تويتر، وبدون أى مقابل.
المفاجأه الثانية، هزود لك عدد متابعينك كمان على تويتر، وبدون مقابل.
المفاجأة الثالثة، هعلمك إزاى يكون عندك ألاف المتابعين لك على تويتر، وبرضه بدون مقابل.
المهم أبوس إيديكم نتعلم إزاى نوصل لفكر الناس دى.
ولازم نفهم كويس إنهم مش أقل مننا بالعكس إحنا أصل الحضاره .
فعيب علينا لما نلاقى نفسنا مش عارفين تكنولوجيا.
كلنا هنا بنتعلم من بعض.
مش عيب انى اتعلم منك او انت تتعلم منى.
لكن العيب انى أفضل بدون تعلم.
صفحة المنتدى.
https://twitter.com/tahabattash
صفحتي الشخصية.
https://twitter.com/TahaHussein2012
ما أطولش عليكم بقى.
إيه رأيكم فى الخدمة دى.؟
فى إنتظار الطلبات بقى بفارغ الصبر.
يلاااااااااااااااااااااااااااااا ، عايز الطلبات تنزل مطره عليا
الأحداث
موضوع: إطلب حساب على تويتر يكون عندك فى الحال .. مع كيفية زيادة عدد متابعينك للألاف. 
الجمعة أغسطس 10, 2012 5:57 pm
