 طه حسين  تاريخ التسجيل : 27/05/2009
 |  موضوع: بخصوص الاعلان بتاع صهيبه اللى عندها ثقب فى القلب  الثلاثاء يوليو 31, 2012 3:58 pm | |
| وبمناسبه الاعلان بتاع صهيبه « اللى عندها ثقب فى القلب »
فأحب أقولكو :
ان أكتر من 90 % من اللى اتأثروا بالاعلان ده تعاطفوا معاها لإنها (أموره وعسوله) أكتر من تعاطفهم أو تأثرهم بمرضها نفسه !!
تخيلو لو نفس حاله صهيبه دى طفل فقير هدومه متوسخه وعافف عليه الدبان وشكله مش كيوت ,, مكونتوش هتلاقوا التعاطف ده كله من الناس !!
وياما حالات زى كده مرميه فى المستشفيات, مش لاقيين علاج ولا حد بيسأل فيهم !!
وده بيثبت حاجه واحده بس,
ان مجتمعنا اصبح مصاب بعنصرية بغيضه بتصنّف الناس, حسب الشكل واللون !
وكأن الوسامه و حلاوة الشكل تديك افضليه وأحقية الحياة أكتر من غيرك !!
ومخرج الاعلان فاهم الحته دى كويس ولعب عليها كويس أوى, عشان يكسب تعاطف عدد كبير من الناس والا مكانش طلع الطفله دى بالذات !
انا مختلف مع الاعلان شكلاً وموضوعاً , ,
وبرفض تماما استغلال الاطفال فى اعلانات بالشكل ده !
وبالنسبه للعمل الخيرى :
فالعمل الخيرى جهد انسانى رائع له كل التقدير والاحترام
لكن ما ينفعش بأى شكل من الأشكال يبقى هو الأساس !!
وما ينفعش يعوض غياب الدوله اللى مش عارفه توفر للمواطن ابسط حقوقه حق «العلاج» !!
تسهيلاً على زوارنا الكرام يمكنك الرد من خلال تعليقات الفيسبوك
|
|
