أحبتى،
أعضاء منتدى شباب بطاش،

مفاجأه لأعضائنا الكسلانين .. دلوقتى وحصرياً تقدر تكتب رد على أى موضوع بضغطة زر

موضوعنا اليوم ، هو خاص بالأعضاء الكسلانين ، اللى تعبونى من كُتر كسلهم
وعلشان أنا بحب أساعد حتى الكسلانين الوحشين
فقلت ليه ما أوفرش عليهم،
وكفاية إنهم بيتعبو ويدخلو المنتدى،
وكمان بيفتحو موضوعات يقرأوها،

ففكرت أجيب من الأخر ، وأساعدهم يكتبو رد على الموضوع ، بضغطة زر أو عدة أزرار

طبعا الحركة دى مساعده منى على تعلم الكسل،
هههههه ، ههههههه

كفاية مقدمات لحد كده، أصل هخنقكم معايا، ولو عبده السفرجى دخل فى الحوار يبقى معانا للصبح لما نخلص
ألحق بقى أكلمكم عن موضوعى الجديد، قبل ما يحضر بسلامتة

الموضوع بإختصار، مش محتاج شرح غير كلمتين،
اولا، انا عملت كود جميل هيساعدنا كلنا فى الردود،
الكود ده، هتلاقوه أسفل كل موضوع،
وتحديداً فوق صندوق الرد،
كما فى الصورة التاليه،



طيب ايه بقى يا عم الرغاى الكود ده،؟
وشغلته ايه،؟
وبيعمل ايه،؟
وهنستفيد منه إزاى،؟


ياعم إصبر عليا شويه،
والله شكلى كده مش أنا لوحدى اللى رغاى،
انت يعنى مكسل حتى تجرب بنفسك،؟
خايف لأكون حاطط لك قنبله مثلا،
دا إنت إنسان غريب،

ما علينا، خلينا مع الناس اللى عايزه تفهم
حبايبى،
عند الضغط على أى كلمة من الكلمات اللى فى الزراير دى،
هتلاقى الكلمة إتكتبت تلقائيا فى صندوق الرد،

زى اللى فى الصورة دى



طبعا مش محتاج إنى أقولكم إن علشان تكتب جملة تحت جمله، يبقى لازم تضغط إنتر بعد ضغطك على الزر المطلوب، لتنتقل الى سطر جديد


طيب يا عم الحلو إنت
لو ضغطت على الزر ولقيت انه ما كتبش حاجه فى صندوق الرد يبقى المشكله عند مين؟

يا سيدى معلش كانت هتفوتنى النقطه دى
أشرحهالك علشان أكون ريحت ضميرى

لو حصل وجيت تضغط على الزر وما كتبش حاجه فى صندوق الرد يبقى إنت على الوضع الغلط

طيب يا عم الحلو بلاش رغى كتير وقولى الصح إيه؟

حاضر يا سيدى من عيونى
الأول علشان تعرف انك على الوضع الغلط للكود يبقى هتلاقى نفسك
لو حاولت تكتب فى الصندوق بتاع الرد هتكون الكتابه على الشمال صح؟
دا معناه إنك على الوضع الغلط
وقبل ما تستظرف وتسألنى على الوضع الصح هقولك عليه

عارف الزر ده؟

:

هتلاقية فى أعلى اليسار فوق صندوق الرد
والمطلوب منك تتكرم وتتفضل مشكوراً وتضغط عليه مره واحده

وبعدها هيتغير معاك شكل الصندوق وتلاقى نفسك بتكتب من على اليمين
وساعتها جرب تدوس على الأزرار هتلاقيها شغاله وزى الفل

ولو عايز ترجع الوضع تانى تضغط على نفس الزر مره اخرى
:


خلااااااااااااااااص كده،؟
حد عنده أى إستفسار،؟

انا كده خلصت اللى عندى
واللى جاى بتاعكم إنتم
بمعنى،

- لو عايزين نضيف جمله فى زر جديد ياريت تعرفونى،
- لو عايزين نحذف اى زر من الموجودين عرفونى،
- لو عايزين نعدل على أى زر من الموجودين عرفونى،
إتفقنا يا حلوين،؟

بسم الله الرحمن الرحيم
بارك الله فيك و سلمت اناملك
ما شاء الله أبداع بلا حدود و بانتظار أبداعاتك القادمة
والله انت مالكش حل مشاء الله طول عمرك حاسس بينا

دا انا اول الكسلانين

ههههههههههههههههههههههههه
صباح الفل يا أم سما
انا عارف انك نشيطه جدا من أيام مكتب الشيخه فتحية
ربنا يحميكى ويبارك فيكى

السلام عليكم ورحمة الله وبركاته
دا كان زمان بقي يابو مياده
البركه فيك مشاء الله عليك كلك حيويه ونشاط
وعبقريه ياعبقري

ربنا يخليكى يا غاليه
وما يحرمنا منك أبدا

انتظر سأجرب كل واحده على حده

بسم الله الرحمن الرحيم
السلام عليكم ورحمة الله وبركاته
وعليكم السلام ورحمة الله وبركاته
أخي الكريم
أختى الكريمة
اهلا و سهلا بك
شكرا لمروركم الطيب لموضوعي
سلمت اناملك شكرا لك لموضوعك المميز
ما شاء الله سلمت اياديك على موضوك المميز و جعلها في ميزان حسناتك
جزاك الله كل خير
الله يعطيك العافية على الموضوع المميز
بارك الله فيك و سلمت اناملك
ما شاء الله أبداع بلا حدود و بانتظار أبداعاتك القادمة


جميلة جدا ما شاء الله
وفرت علينا الجهد فى الكتابه
بهذه الطريقه يمكننى الرد على جميع مواضيع المنتدى

حلوه هجرب كل واحده دى
انت مش مصدقنى
ههههههههههههههههههه

تسلم يا غالى على مرورك الطيب
شايفك ماشاء الله شغال ردود

بسم الله الرحمن الرحيم
السلام عليكم ورحمة الله وبركاته
أخي الكريم
سلمت اناملك شكرا لك لموضوعك المميز
الله يعطيك العافية على الموضوع المميز
جزاك الله كل خير
ما شاء الله أبداع بلا حدود و بانتظار أبداعاتك القادمة

شكرا لك اخى الكريم
أبو حيدر
أسعدنى تواجدك معنا
الله لا يحرمنا هذه الطلة الطيبه

بسم الله الرحمن الرحيم
السلام عليكم ورحمة الله وبركاته
أخي الكريم
سلمت اناملك
ما شاء الله سلمت اياديك على موضوك المميز و جعلها في ميزان حسناتك
جزاك الله كل خير
بارك الله فيك
الله يعطيك العافية
و بانتظار أبداعاتك القادمة

انت بتشجعنا على الكسل
ايه رايك لو تحط لنا خدمة بمجرد ما نفكر في الرد يكتب لوحده
الثقافة مفيهاش كسل

لكي نستفيد ويستفيد الاخرون منا لازم نكتب وناتي بالجديد

تعرفى انى فعلا بفكر فى عمل ردود تلقائية للمواضيع بأسماء بعض الأعضاء
والله خطر على بالى التفكير ده
بمجرد ما حد يكتب موضوع يتم عمل ردود تلقائية للموضوع
اهو هيكون احسن من فكرتك هه

لسه كمان هتفكروا تكتبوا ايه هه

ه

والله فكرة

كده يبقى الحاسوب حيفكر ويناقش مكاننا

ههه
صباح الفل
ويمكن كمان اعمل كود يخلى الكمبيوتر يفتح المتصفح ويفتح المنتدى بمجرد اتصاله بالنت
الأفكار كتير بس النفس بقى ههه

صباح النور

لا ده حيبقى ابو الكسل
مش كسل وبس

ه

انا بقى فى الفتره اللى جاية دى هفكر فى كود
يجر الأعضاء ويجيبهم المنتدى بالعافيه
علشان نشوف بقى هنشتغل ولا هنقضيها فيس بوك وخلاص