موضوع: ما تيجى نرجع زى زمان ونقول للزمان ارجع يا زمان الأحد أكتوبر 07, 2012 11:49 am
أحبتى أعضاء منتدى شباب بطاش بكل الحب نبدأ أيامنا معكم ومواضيعنا لكم
النهارده وانا قاعد اتصفح الأخبار من موضوعات الفاضلة ماما هنا وطبعا من ردها الجميل على ردى
دا اول رد لى على موضوعها اللى هو ده مانشتات صحفية ليوم 6 أكتوبر 2012
طه حسين كتب:
والله موضوعك فى الصبح كده بيفكرنى بأغانى زمان لما كنا بنسمعها فى الراديو واحنا رايحين المدرسة ياحلو صبح ياحلو طل ... يا حلو صبح صباحنا فل
كده الواحد يفتح المنتدى يقرأ الأخبار المهمه من موضوعك ويبدأ يتوكل على الله ويكمل يومه الله لا يحرمنى موضوعاتك القيمة
ودا ردها عليا
Mama Hana كتب:
زماااان إيه يا طه ههههههههههههههههه إنت من الجيل الحديث جدا .. بس بجد ماشاء الله عليك عارف كمان أغانينا بتاعة زمااان هههههههههههههه
فرديت عليها بالفكرة دى
طه حسين كتب:
ماهو احنا جيل اتربينا على الراديو كل يوم الصبح نقوم من النوم نشغل الراديو على إذاعة مصر او صوت العرب واحنا بنفطر قبل المدرسة ونسمع بقى الحاجات الحلوه دى واحنا على الصبح من ضمن الحاجات الجميله اللى محفورة فى الذكريات
ياحلو صبح يا حلو طل وكلمتين وبس وغيرهم كتير من تراثنا الجميل
وزعلان قوى ان ماذاعوش اغنية اول طلعة جوية فى ستة اكتوبر دى كانت من ضمن التراث الحديث اللى ولادنا مش هيسمعوا عنها حاجه خالص ربنا يستر
عارفه انا جاتنى فكرة موضوع جامد جدا جدا نتكلم فيه عن ذكريات زمان كلها ونسمية ما تيجى نرجع زى زمان ونقول للزمان ارجع يا زمان
ونتكلم فيه عن الماضى بحلاوتة ومرارتة
يلا بينا هروح اعمل الموضوع
طقت فى دماغى فكرة قلت وليه لأ ما تيجوا نعملها مع بعض ونشوف هتكون إزاى
يعنى ما تيجوا نرجع زى زمان ونقول للزمان إرجع يا زمان
طبعا الأخت جردينيا هتحب الموضوع ده لانها نفسها ترجع لأيام زمان زى ما قالت فى موضوعها قبل كده اللى هو ده
ثرثرة بحرف عابث
ودا إقتباس من موضوعها
جردينيا كتب:
انا عن نفسي اريد الرجوع لتلك الطفولة وتلك المواصفات الذي ذكرتها في بداية الموضوع اريد ان اطير على اجنحة الفراشات فمن يريد ان يطير معي ان يخبرني يمكن نطير هنا على هذه الصفحة الذي ترجعنا لما نريد ولو للحظات اعذروني هذا ما نطق به قلمي تقبلوا نطقي وطفولتي الكبيرة
جردينيا
فإية رأيكم نرجع مع بعض لزمان ونفتكر مع بعض كل حاجه حلوه مرينا بيها ونفكر بعض بكل الذكريات المحفورة جوانا منذ الصغر
يعنى مثلا أغانى كنا بنقوم من النوم على صوتها حاجات كنا بنشغلها فى الراديو وإحنا بنذاكر بالليل زى الف ليله وليله وقال الفيلسوف
وحاجات كنا بنهرب من المدرسة علشانها زى بحيرة البجع مازنجر باور رينجرز باتمان وسلاحف النينجا
وحاجات يومية كنا بنشتريها زى لبان بمبم واللبان السحري والمصاصة اللى كنا بنشتريها بخمسة قروش ونلاقى فيها خمسة قروش هديه
فاكرين الحاجات دى طبعا مافيش حد من بطاش ما أكلش سندوتشات من عمو محمد هلال وهو فى الفسحه ياااااااااااااااااااااااااااااااااااااااه
فكرتونى بأيام زمان
مستنى اشوف ذكرياتكم بقى
تسهيلاً على زوارنا الكرام يمكنك الرد من خلال تعليقات الفيسبوك
موضوع: رد: ما تيجى نرجع زى زمان ونقول للزمان ارجع يا زمان الأحد أكتوبر 07, 2012 2:12 pm
طيب فاكرة يا أم سما لما كنا وإحنا فى الإبتدائى لما كنا نجرى بعد المردسة علشان نلحق مكتب الشيخة فتحية؟ ولما كنا نروح نسمع فى المكتب قبل المدرسة كنا بنروح بعد الفجر ونخبط للشيخة فتحية على الشباك اللى كان فى المكتب فاكرة لما كنا نروح نحجز فى المكتب بأى حاجه نحطها فى الشباك ؟
موضوع: رد: ما تيجى نرجع زى زمان ونقول للزمان ارجع يا زمان الأربعاء أكتوبر 10, 2012 10:21 pm
زمااااااااااااااااااان اه من ايام زمان هذه الايام الذي لا تنسى ابدا كل شيء فيه ادب واحترام ولا توجد جراءه وقلت ادب كان اخي يعمل اي شغب في البيت تجي ماما عايزه تضربه يستخبى منها تقله لو مخرجتش اموت نفسي ههههههههههههههههههههههههههههههههههه اخاف تموت نفسها اخرج انا مكانه واخد حتت علقة موت في برأه زي دي وكمان اخذ النحلة واحبسها في علبة عشان تديني عسل وفي مرة قرصتني بوجهي وحرمت من يومها وروحي ودنيتي افلام كارتون اطفال دلوقتي بتشوف افلام رعب كنا لو صار الغروب احنا بسابع نومه وبناكل رز مع الملايكة فعلا احنا اطفال وبعد جيلنا مفيش اطفال الموضوع كبير لو فضلت اتكلم عايزله عمر تاني مع العمر تسلم طه على موضوع الممتع المشوق للطفولة الذي ما زالت في داخلنا
تسهيلاً على زوارنا الكرام يمكنك الرد من خلال تعليقات الفيسبوك