أقولك على سر خطير
طبعا ايام العزوبية كنت بقلى البطاطس والبيض فى طاسه
الحمد لله كانت جديده ايامها
وتقريبا بعد الجواز مراتى قالت لى ارمى الطاسه دى لان ملامحها اختفت تحت اللون الاسود من الخارج
وبقى عليها طبقات كبيره من البلاوى المنيله بستين نيله ههه
المهم قمت شغلت دماغى وفكرت اعمل ايه اعمل ايه اعمل ايه
والدماغ اشتغلت كالعاده

قمت حاطط حله ميه على النار تسخن
وحطيت فيها الطاسه وسيبتها تغلى لحد ما ظهر لها اصحاب
فضلت على النار فى المياه المغليه تقريبا عشره دقائق او ربع ساعه
وبعدين مسكتها بسيلك المواعين
وبدأت ادعكها لقيتها بقى زى الفل وسهله التنظيف
فضل عليها شويه بقع فعلى طول جه فى بالى جدى الله يرحمه وهو بيلمع الجوزه بالليمون
فقمت دهنت الطاسه بالليمون وسيبتها شويه
وبعدها دعكتها بسلك المواعين تانى لقيتها بتبرق
لا توقولى بريل ولا غيره
كله بالبركه هه

هذه كانت تجربتى المريره مع الاوانى القديمه المتنيله بستين نيله
ومن يومها بستخدم نفس الطريقه لتنظيف اى طاسه سودا من بره
وربنا يكتبها فى ميزان حسناتى يارب
اى خدمه