 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: أنا الرحال لـ: شاعر العامية .. معوض حلمي  الأربعاء ديسمبر 14, 2016 11:22 am | |
| "" أنا الرحال ""  قلت مسافر قالوا يابخته ... هيرجع نافش ريشه ... وراكب يخته ... بسرعة ضربتوا ... خمسة ف ستة ... وف ثانية حسبتوا ... آه لو جيتوا الغربة وشوفتوا ... وحسبتوا كام سنة ضاعت من عمره ... ورخيص مايساوي جنيه بيهين ف كرامته ... أنا رحال عايش إحساسه باكتب عنه ... الضحكة يادوب مرسومة ف وشه ... لكن قلبه شاب من همه ... ماحسبتوش إحساسه وألمه ... وهو وحيد بيصارع مرضه ... عايش حزنه وخوفه لوحده ... ماحسبتوش وماعشتوش إحساس موجوع ... مابين سفر وبين رجوع ... مابين فرح وبين دموع ... ماحسبتوش إن أنا إنسان ... عايز أحيا واعيش ف أمان ... واعيش ف أمان ... ~~~~~~~~~~~~~~~~~~~~~ معوض حلمي
تسهيلاً على زوارنا الكرام يمكنك الرد من خلال تعليقات الفيسبوك
|
|
