 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: عيون ستي لـ: شاعر العامية .. معوض حلمي  الثلاثاء مايو 02, 2017 10:00 am | |
| "" عيون ستي "" ****************** كان عندي عاده قبل ماطلع م البيت أبص ف مرايتي ... ومرايتي كانت هى ستي ستي حمده ... كانت عفيه وجامده ... كانت وتد كانت قبيلة ف البلد ... وكانت حبيبتي ... كنت بنسبها بحس قيمتي ... ولما أسمع قلبها ينادي إسمي ... كنت احس اني أمير ... أركب جناح الريح واطير ... وأما بقت ف حياتي عاده .. كنت بشعر بالسعادة ... وكنت بتعايق زياده ... لما تنادي يا واد تعالى ... دانا ليا حق ياواد عليك ... عايزة أفرح لما اشوفك ... خليني أتسند عليك ... وعيوني تشبع من عينيك ... وعيونها كانت نجمتين ... الضي فيهم كان حنين ... وكان محبة وكان أمان ... وقلبها كان نهر فايض بالحنان ... كان جنة ليها ألف باب .. وانا حبي ليكي مش سراب ... ياساكنة قبر من تراب فوقيه تراب ... من كام سنة وانتي ف غياب ... ومرايتي اللي كانت ضي عينك ... لساها برضه ضي عينك ... ولضي عينك أنا قلبي حن قلبي داب ...  واحلف يمين الله ياستي ... من يوم ما غيبتي ... وغاب حنانك ... ماحد شافني حلو غيرك ... ولاعين شافتني زي عينك ... ولاعين شافتني زي عينك ... ****************** معوض حلمي منشأة بطاش تمي الأمديد دقهلية
تسهيلاً على زوارنا الكرام يمكنك الرد من خلال تعليقات الفيسبوك
|
|
