 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: قلوب خضرة لـ: شاعر العامية .. معوض حلمي  الأربعاء ديسمبر 14, 2016 11:23 am | |
| قلوب خضرة ::  ع السكة سكة سفر تايه وقلبك هام .. قاعد بتحسب فرحتك أوهام .. والعمر بيعدي وهم ملضوم بوهم .. وضاعت رحلتك أوهام .. ع السكة تاهت سكتك واتبعترت أيام .. وحلمك المليان وجع .. فيك إنخدع .. لساك بتحسب رحلتك أحلام .. دا الحلم زي الزهور .. من بعد عتمة ليل محتاج يشوف النور .. محتاج لحبة ندى تخضر أرضه البور .. ف يطرح قلوب خضرة .. وتفرد جناحاتها .. تطير ف السما وتدور .. كما الطيور سارحة .. زي الصبايا الحور .. وتغني للفرحة .. زي الصبايا .. الحور .. وتغني للفرحة .. ~~~~~~~~~~~~~~~~~~~~~~~ بقلمي .. معوض حلمي
تسهيلاً على زوارنا الكرام يمكنك الرد من خلال تعليقات الفيسبوك
|
|
