 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: صحى فيا كل ذكرى لـ: شاعر العامية .. معوض حلمي  الثلاثاء يونيو 06, 2017 12:24 pm | |
| :: صحى فيا كل ذكرى ::  كتبوا قصص كتبوا حكايات .. غنوا الغناوي على صوت نايات .. عن قيس وليلى دول أصبحوا م الذكريات .. حتى القمر عن حكاويهم فاكر شوية همهمات .. وجاني طيفه من سكات صحى فيا ذكريات .. نامت سنين .. لو حسوا بيها العاشقين .. كانوا دابوا م الحنين .. كنت نايم لسه حالا جاني طيفه زي نسمه .. تشبه عبير الورد وكانت أحلى نسمه .. لمسني لمسه بس لمسه .. كنت ف خيالي سارح وهايم .. صحى شيء ف كياني نايم .. خلاني عايش ف المناهدة .. بعد اما جرحي طاب ولم .. وبدأت أنسى صحى فيا كل ذكرى .. وكل همسه وكل لمسه من إيديك .. وكل نظرة حب بانت من عينيك .. حتى نار البعد .. لما كنت بتتقلي .. وتجربي غيرتي عليك .. شوفتي طيفك .. حتى صوتك .. صحى صوتك ف وجداني وخلاني .. أدعي رب الكون من تاني .. طيفه يارب الكون خلاني .. مشغول عليه البال من يوم مازرع نبضه ف قلبي وخلاني من يوم .. مازرع نبضه .. ف قلبي .. وخلاني ~~~~~~~~~~~~~~~~~~~~ بقلمي .. معوض حلمي منشأة بطاش تمي الأمديد دقهلية
تسهيلاً على زوارنا الكرام يمكنك الرد من خلال تعليقات الفيسبوك
|
|
