 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: هنادي أم اسماعين لـ: شاعر العامية .. معوض حلمي  الأحد ديسمبر 18, 2016 12:31 pm | |
| : هنادي أم اسماعين : مكتوب في التلاتين من شهر يونيه من هنادي ام اسماعين لإسماعين الجندي الأمين وانا قاعد ساعة عصاري حدا وابور الطحين سمعت صوت بينادي كانه صوت امآي هنادي ولا مين بينادي ..؟ طبعا ياواد هنادي هنادي ام اسماعين خير ياماي تعالي أخوك ف منامي جالي غايب يانن عيني من شهر وجمعتين واقف ع الحدود حالف ميت يمين يحمي أرض الجدود م الخونة وم اللئام شدلي مكتوب ياولدي شدلي مكتوب قوام وإياك تمصخ ف الكلام قوله بعد السلام أمك هنادي ياواد تمام وقوله كيفك ياسماعين.. ؟ وكيف خواتك مبسوطين..؟ إسمع ياولدي خليك متين زي ابوك مات شهيد عشان نعيش ماهمهوش الفقر أبدا ورغم كان الحال مفيش عاش ياولدي بألف راجل واحنا نارنا ف المراجل قايدة جمر متنطفيش العدو قدام عنينا مايستحيش عرفينه طبعا كان حنانيا وكان كوهين وانت بختك شين ياولدي جيت زمان الخوانين الإسم طبعا مسلمين لكن وشوشهم كدابين ملعنونا وكفرونا حزبونا وفرقونا عاشوا بينا خوانين خانوا فينا كل عهد وكل دين وقبل الختام باقي عندي كلمتين خليك ياولدي بألف راجل إن مت هيقولوا طبعا إبن ابوه ماهمهوش الفقر أبدا ورغم كان الحال مفيش عاش حياته بألف راجل زي ابوه ومات شهيد وروحة بقيت ف المراجل قايدة جمر ماينطفيش .. وروحه بقيت ف المراجل قايدة جمر ماينطفيش .. ~~~~~~~~~~~~~~~~~~~~~~~ بقلمي .. معوض حلمي منشأة بطاش تمي الأمديد دقهلية
تسهيلاً على زوارنا الكرام يمكنك الرد من خلال تعليقات الفيسبوك
|
|
