: قريتي التي أراها بعيوني :

" حين يزيد أنين الوجد يتألق الرجاء ..
" تخط الأقلام ماتيسر من وحي الدعاء ..
                              ~~~~~~~~~~~~~
الوحي النهاردة
مختلف
مش أي وحي
دا وحي
الشفاعة  ..
عن بلدنا
اللي ف رحابها
بنتحد
بلد الوداعة  ..
والكلام مش
عن قبيلة
أو جنس عالي
أو جماعة ..
أو أي حد
في البلد
عالي المكانة ..
أو غريب
إيجى يتحامى
ف كرمها
ويعيش
ف أحضان
الطيابة ..
شايف شبابها
بين شباب
العالمين
غيره وشهامة ..
باليقين إختاروا
درب العلم
عزة وكرامة ..
أصبحوا دكاترة
مهندسين
ومعلمين
رافعين رايات
الفخر هامة ..
دي بلدنا
الغني فيها
حاسس
بهموم الغلابة ..
دي بلدنا
عيلة واحدة
قلب واحد
والخلاف
اللي مابينا
قادرين عليه ..
لو يوم
من بعض
انجرحنا
جرحنا بسرعة
نداويه  ..
والغريب
اللي قصدنا
مبقاش غريب
عرفتوا ليه ..
لأن المحبة
اللي ف قلوبنا
خلتنا إحنا
ضيوف عليه
شوفتوا المحبة
اللي ف قلوبنا
بتعمل ايه ..
ساوت مابين
الغني
وبين الغلابة  ..
وعشانها
بادعي ربنا
يارب بارك لنا
قلوب الطيابة ..
يارب وابعد عننا
مكر الديابة ..
يارب وابعد عننا
مكر الديابة ..
                             ~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية