الحكاية بدأت ازاي


- الحكاية بدأت بإذاعة الأذان ووراه حديث
- الحكاية بدأت بالصلاة لله شكر على هزيمة 67
- الحكاية بدأت بإن لو دبانة وقعت في اللبن زيحها واشرب
- الحكاية بدأت باصطياد الريفيين في المدن الجامعية
- يرجعوا متنورين قراهم ويقلبوا القرى منابع للإرهابي بعد ما كانت منابع للتنوير
- الحكاية بدأت بصلاة الجماعة وقت الشغل وفرد مصليات في كل حتة، وشباشب للوضوء
- الحكاية بدأت بمنع الاختلاط في الجامعات، ما تقعديش جنب زميلك
- الحكاية بدأت بضرب الطلبة والطالبات بالجنازير ومنع الحفلات الجامعية
- الحكاية بدأت بتصوير ملازم مجاناً
- وبعدين ما تيجوا تحضروا مناقشة بعد الصلاة
- الحكاية بدأت بأختى الملتزمة
- وبعدين بقى الحجاب فريضة
- وبعدين شوية وبقى النقاب فضيلة
- الحكاية بدأت بتنظيم مجالس للسيدات مع الحرائر
- الحكاية بدأت بالسلام عليكم في التليفون بدل آلو، وبدل صباح الخير والنور والفل
- الحكاية بدأت بانتشار المعاهد الأزهرية في كل حتة في مصر، واختراقها
- الحكاية بدأت ب ما تشتريش من قبطي
- وبعدين بقت ما تعيدش على قبطي
- وبعدين مفيش مانع تهينه في الشارع
- وبعدين دعا في الجوامع على نصاري ويهود
- وبعدين مفيش مانع تطلب منه جزية ده ذمي
- وبعدين ده كافر على فكرة، يعني إيحاء بإن دمه حلال
- وبعدين اللهم ارحم موتانا وموتى المسلمين، يعني المسيحيين لا تجوز عليهم الرحمة
- وبعدين إذاعة الصلوات في الميكروفونات
- وبعدين هات الشيخ كشك يشتم في أم كلثوم
- وبعدين هات المحلاوي يبلشف اسكندرية
- وبعدين المرحوم بقى المغفور له بإذن الله
- الحكاية بدأت بالدبلة الفضة بدل الدبلة الدهب
- وبعدين اعمل جماعات تكفير
- وبعدين اعمل جماعات هجرة
- وبعدين امنع بناء كنايس للكفرة
- وبعدين كفّر الكل مسيحيين ومسلمين إلا القلة الناجية
- وبعدين الملايكة حاربوا معانا في 73
- وهوب، إلحق ده الملايكة كمان نزلوا معانا في ميدان التحرير
- وبعدين هوب لقينا البأف مرسي رئيس جمهورية مصر العربية

مش هو ده اللي حصل؟؟
مش هو ده اللي شفناه بعينينا وسكتت عنه الدولة والنظام؟؟
حد والنبي يقول لنا ما حصلش؟؟
فيه حد من الإعلاميين كان عنده الشجاعة يقول الكلام ده؟؟
فيه حد من الإعلاميين كان عنده شجاعة يقول كيف ترعرع الإرهاب وسطينا بدل ما يطلع يطبطب ويحضن ويبوس أهالي الإرهابيين؟؟
والنبي حد يقول لي ما حصلش
وعلى فكرة أنا مسلم
ياللا كفّروني بقى