::  سحر عيونك  ::

~~~~~~~~~~~~~~~~~~~~
وماالصباح إلاومضة من بريق عينيك ،
يهيم بزهوها التسبيح  ..
وماأشواقي إلا مشرعة إليكي ،
تنام في دفئ عينيك وتستريح  ..

~~~~~~~~~~~~~~~~~~~
أول مرة
أبعد عنك  ..
توهتيني
ف بحر
ظنونك  ..
أول مرة
أحس بغربة
لما فاتوني
سحر عيونك ..
هاخدك
طول العمر
حبيبتي
وطول العمر
هاعيش مجنونك  ..
واحب ابتسامتك ..
وهمسك ولونك   ..
واحب الصبح
اللي هل
ف عيونك  ..
واحب الندى
اللي فاض
من شجونك ..
واحب صدك
واعشق جنونك  ..
واحب السهر
يداعب جفونك  ..
واحب الطيور
اللي سارحة
ف كونك  ..
واحب الورود
لما تلمس
خدودك  ..
واحب الأماني
تأخدني لحدودك  ..
واحب صوتك  ..
لما تيجي
وتقوليلي
انك حبيبتي  ..
وابتدي من
فرحتي أكتب
قصيدتي  ..
وتبتدي
كلماتي مني
غصب عني ..
تترسم بحروف
حبيبتي  ..
وعشان
ماغيبتي  ..
عرفت إيه
معنى الأماني  ..
وكتبت
ف عيونك
أغاني  ..
تتغنى بس
عشانك إنتي  ..
دنا بارسمك
من صغر سني  ..
وأطبع ملامحك
جوا مني  ..
لو زاد أنينك
بس شاوري   ..
باهديكي روحي  ..
عشان بحبك
تحيي نبضك
وتفارقني  ..
تحيي نبضك .. وتفارقني  ..
~~~~~~~~~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية