 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: الصديق ف الرحلة ضهر لـ: شاعر العامية .. معوض حلمي  الثلاثاء يونيو 06, 2017 12:03 pm | |
| " الصديق ف الرحلة ضهر "  لما تبدأ رحلتك .. حاسب على خطوتك .. خطوتك مركبك .. وبحرك تباريح شديد الريح .. ومجدافك صفيح .. وقلبك الغرقان وجع مستني موت .. أو بطن حوت حتى الودع قال الجدع .. محتاج شراع والشراع ف النوا ضاع .. سابك وراح مليان جراح .. زي الصديق شافك غريق .. لا بل ريقك .. ولا مد إيده يشد إيدك .. لو كان صديق إزاي يبيعك .. دا الصديق ف الرحلة ضهر .. يشيل همومك وبعدي بيها ألف بحر .. ويكون شراع يصد عنك أعتى ريح .. لو جريح يقاسمك الجرح بصحيح .. الصديق لو كان صديق .. هيكون وفي ويكون جدع .. ويداوي قلبك م الوجع .. ويداوي قلبك م الوجع .. ~~~~~~~~~~~~~~~~~~~~~~~~~ معوض حلمي منشأة بطاش تمي الأمديد دقهلية
تسهيلاً على زوارنا الكرام يمكنك الرد من خلال تعليقات الفيسبوك
|
|
