 معوض حلمي شاعر عامية شاعر العامية  تاريخ التسجيل : 02/05/2016
 |  موضوع: قايمة ستي لـ: شاعر العامية .. معوض حلمي  الثلاثاء يوليو 04, 2017 10:29 am | |
| أحداثها عام 1938 ~~~~~~~~~~~~~ :: قايمة ستي :: قالوا الفاضي .. يعمل قاضي .. وانا طبعا فاضي وهاعمل قاضي وهاحكي عليكوا حكاية جميلة ف التلاتين م القرن الماضي .. حكاية ورقة قديمة شوية.. شايلها ف قلبي ونن عنيا .. قايمة ستي الغالية على .. كانت جامدة واسمها حمده وعمة عمدة.. وست الناس كانت ليا سراج وناس .. روحي وقلبي وأغلى الناس .. وقايمة ستي .. كات قروانة وطشت نحاس .. وكمان خلخال ونبايل فضه والحال ماشي وعال العال .. ولأنها كانت بنت أمير .. وفلوسها كتير .. جابولها الشال وكمان بشكير وملاية وفوطة وبدلة حرير .. وكانت منها النجمة تغير .. وحيدة لابوها جميلة وآيه .. وكمان جايبين ترابيزة وكرسي ودولاب بمرايه .. وحلق بدورين نازل دلايه .. والله حكايه فصولها رواية .. وإيجوا الناس على ناصية بيتها .. لما شافوها كاملة زينتها .. قالوا عفارم عقدها كارم .. أما عجايب وكمان مرتبة ولحاف ومساند .. دي جوازة حكاية .. وستي كيان ساكن جوايا .. كانت آيه بقلب مرايه .. وأحلى حكاية عايشة معايا .. م التلاتين م القرن الماضي .. حكاية ورقة قديمة شوية .. شايلها ف قلبي ونن عنيا .. قايمة ستي الغالية على .. قايمة ستي الغالية على .. ~~~~~~~~~~~~~ بقلمي .. معوض حلمي منشأة بطاش تمي الأمديد دقهلية 
تسهيلاً على زوارنا الكرام يمكنك الرد من خلال تعليقات الفيسبوك
|
|
