سلسلة مقالات الصقر الذهبى (عُمر سليمان) رقم 31



■■ كنا قد توقفنا فى المقال رقم 30 عند تحقيقات لجنة تقصى الحقائق بخصوص موضوع سيارات السفاره الأمريكيه وحاول تسرتجع معايا اللى قلنا علشان نعرف نكمل مع بعض وركز فى كل كلمه وكل حرف ورقم وأسم سنذكره

■■ طلبت جهات التحقيق وقتها من إدارة المرور ملف رخص سيارات السفاره الأمريكيه بعد مابدأت الشكوك تحوم حول الموضوع وأرسلت إدارة المرور لجهات التحقيق ملف تراخيص سيارات السفاره الأمريكيه وفيه أن قد تم ترخيص عدد 753 سياره للسفاره الأمريكيه منها 208 سياراه ملاكى مميز يعنى تحمل لوحات هيئه سياسيه وأن السياره البضاء اللى وجدوها محروقه فى منطقة مجرى العيون بمصر القديمه وماركتها شيفورليه تحمل لوحات مضغوطه بارز لاتخصها وتحمل رقم 73/128 وهذه اللوحه لسياره أخرى ماركة باجيروجيت موديل 1998 كما تحمل السياره رقم شاسيه 1145439 أو 11453 يعنى الرقم الأول والأخير مش واضحين نتيجة طبعا التحطيم والحريق والحاله اللى وجدوا السياره عليها ولم يستدل على أى تراخيص لها بإدارة المرور ومعلشى الحاجات دى مابفهمشى فيها قوى وياريت اللى بيفهم يفهمنا كلنا وأكدت إدارة المرور فى أفاداتها للجنة التحقيق أن السياره تحمل كود رقم (( 20 )) وتخص سفارة بنما وتم تسليم تراخيصها إلى وحدة تراخيص إدارة الجمارك بتاريخ 15 مارس 2009 وحصلت على رقم 112/23هيئه دبلوماسيه وأستبدلت برقم (( ب . ق 7381 )) ملاكى جيزه بتاريخ 28 نوفمبر 2010

■■ نجرى بسرعه على ملفات قضية القرن ولما أتسأل حيبيب العادلى أزاى السفاره المريكيه تمتلك هذا العدد الرهيب من السيارات قال معظم هذه السيارات صدرت تراخيصها منافع سياديه ولما سأله قاضى التحقيق يعنى إيه منافع سياديه قال فىى التحقيق (( ولى فيه مآرب أخرى )) فطلب منه قاضى التحقيق التوضيح أكتر قال كان عندنا معلومات أن هذه السيارات بتستخدم فى أعمال مخابراتيه ولحد هنا بصراحه أنا دماغى لفت فى موضوع سيارة السفاره البيضاء لكن برضوا خلى الموضوع معانا وححاول أنط معاك الأحداث ونروح قدام مع ظاهرة ظهور الطرف الثالث ونشوف المخابرات توصلت لأيه فى تحرياتها بس قبلها لازم تعرف الأشاعه اللى انتشرت فى الميدان وقتها علشان يلبسوا موضوع سيارة السفاره للداخليه زى برضوا الأشاعات اللى لبسوها للجيش بعد كده وتقول الأشاعه يامؤمن ياموحد بالله أن السياره كان فيها حبيب العادلى وانه كان رايح السفاره الأمريكيه يطلب اللجوء السياسى وقال إيه السفاره طردته ومرضوش يدخلوه ولما المتظاهرين شافوه حاول يهرب من الميدان بهذه السرعه الجنونيه

■■ رصدت المخابرات وخلى بالك الدنيا كانت هايصه وكتر خير الدنيا أنك بتعرف تطلع معلومه وخصوصا أن مصر عموما وميدان المؤامره التحرير سابقاً أمتلئت بالعناصر االمخابراتيه وعناصر أجراميه أجنبيه وتم رصد دخول عناصر من مجموعه أسمها فرسان مالطه برفقة عناصر شركة حراسه أسمها بلاك وويتر واسمها بالبلدى المياه السوداء او أسم الشهره مياه المجارى والشركه دى مشهوره ومعروف عنها عملياتها الأجراميه فى العراق وأفغنستان والمدهش يامؤمن لما تعرف أن فيه تعاقد بين الأداره الأمريكيه وهذه العصابات والأمور معرؤوفه قوى فى العراق وفضايح الشركه دى معروفه فى العراق

■■ برضوا رصدت التحريات أستئجار عناصر أجنبيه لمعظم الشقق الخاليه فى الدور الأخير فى كل العمارات المطله على ميدان المؤامره يوم 20 بالتزامن فى وقت واحد بمبالغ خرافيه وصلت أن أيجار الشقه 200 ألف جنيه فى الشهر ولما أندلعت أحداث الخيبه وصل أيجار البلكونه فقط فى اليوم 100 ألف جنيه وبقولك البلكونه فقط

■■ برضوا تم رصد تواجد بعض افراد هذه الشركه على أسطح العمارات اللى فوجئت الجهات الأمنيه انها مؤجره برضوا يوم 25 يناير بحجة التصوير الجوى ووصل أيجار أحد الأسطح لمبلغ 150 ألف جنيه فى اليوم (( ياريتنى كان ليا سطح هناك كنت عملتهم على حق الله لكن حتروح فين من حساب ربنا لما تعرف أن هذه الأسطح مسئوله مسئوليه مباشره عن معظم الدماء التى أسيلت فى ميدان المخدوعين التحرير سابقا ))

■■ برضوا التحريات بتقول أن هؤلاء القناصه كانوا يحملون بنادق قنص متطوره جدا وبياخدوا أوامر أطلاق النار على شخصيات معينه فى الميدان باشعة الليزر يعنى يتوجه الشعاع هنا يعنى أقتل ده

■■ حنرجع تانى لتقرير لجنة تقصى الحقائق وفى أعترفات اللواء محمود وجدى أن تم العثور على بعض هذه البنادق وشاهدت اللجنه كل اللى بقولك عليه عن طريق شرائط الفيديو وطبعا اللجنه طلبت تصوير التلفزيون لكن كان عمنا المناوى خد 40 جيجا من التصوير وخلع على فرنسا وتقول التحقيقات أن وزارة الداخليه فى كل مصر من شرقها لغربها ومن شمالها لجنوبها لاتمتلك هذا النوع المتطور من البنادق وكل تعاقدات وصفقات وزارة الداخليه بخصوص أستيراد بنادق قناصه لم يجدوا فيها هذا النوع المتطور

■■ ولما منصور العيسوى مسك الداخليه وطلب ملف أستيراد بنادق القناصه وجد ان الداخليه لاتستورد هذا النوع البنادق المزوده بأشعة الليزر والرؤيه الليليه

■■ وخلى بالك كل ده وأحنا بنتكلم فى تحقيقات لجنة تقصى الحقائق وماليش صالح بقى لو منزلتش الملف وقريته ومش مطلوب بقى منى اكتر من كده جبتلك التقرير وطلع عين أهلى علشان أحوله لورد وكل برامج التحويل أون لاين وأوف لاين مابتحولشى عربى وأجعص برنامج بيحول 5 صفحات وبيحولهم لملفات صور يعنى انا خلاص جبت جنابى من قلة القراءه والمساعده واللى حيشكك فى معلومه يبقى يستاهل البلوك عن جداره واستحقاق لأن مش فاضل غير أن أعدى على البيوت وأوزع التقرير بنفسى وبرضوا مش حتقراه

■■ فيه مواطن مصرى شريف عثرت فيه لجنة تقصى الحقائق اسمه درويش أبو النجا شغال مدير تسويق فى احدى شركات الأغذيه وأصطادته اللجنه عن طريق حوار صحفى حصل معاه فى جريدة الوفد فى شهرأغسطس 2011 يعنى قبل تشكيل اللجنه بسنتين علشان محدش يقول أنه مخابرات ولا عسكرى أمن مركزى ولابس مواطن عادى وابو النجا بيقول أنه أستطاع تصوير 6 أشخاص ملامحهم أجنبيه وهم بيضربوا نار على المتظاهرين فى الميدان وقدام القصر العينى يوم الجمعه 28 يناير وخد عندك التقيله بقى أن فيه 3 من الـ 6 كانوا بيضربوا النار من فوق سطوح الجامعه الأمريكيه ومن عماره تطل على شارع القصر العينى وقريبه من مبنى السفاره الأمريكيه

■■ أبو النجا بيقول أنه مش من سكان الميدان ولا من سكان المنطقه وكان رايح لحماته زياره ومحدش يقولى هات رابط صفحة حماته متعصبوناش بقى الله يرضى عليكم وسمع وهو عند حماته والكلام على لسان درويش أبو النجا صوت طلقات رصاص وفيه ناس بتحدق زجاجات مولتوف على المبنى العام اللى جنب بيت حماتى وشايف واحد أهو رايح يدور على عنوان حماة درويش علشان يتأكد من كلامى جريت بسرعه على الشباك وبصيت وشوفت 18 واحد بيهاجموا مبنى وزارة الداخليه ببنادق آليه وكان أطلاق النار بشكل مكثف وعنيف على أكشاك الحراسه وشاف بعينه عساكر الأمن المرؤكزى وهى بتقع واحد ورا التانى زى العصافير وقال درويش على طول صورت اللى بيحصل من شباك غرفة حماتى

■■ الملفت بقى يامؤمن كما يقول تفريغ الفيديو يتاع درويش أن الـ 18 واحد دول لابسين كلهم جواكت تحتها تشيرتات سودا على دماغ ابوهم وكلهم ملثمين ولايظهر غير عيونهم ولم يتم التعرف على أى واحد فيهم والكلام لسه برضوا على لسان درويش وبيقول بعد حولى ربع ساعه كانوا خلالها تمكنوا من أحراق مبنى الأمن العام وكل السيارات الموجوده حوالين الوزاره وقال شفت بعينى مشاهد حرب زى اللى بتحصل فى الأفلام لكن بعد فتره شفت طياره هليوكبتر بتاعة الجيش حضرت وكانت طايره على ارتفاع منخفض وأبوابها مفتوحه وكان فيه 2 على كل باب لابسين ملابس صاعقه وبدأوا أطلاق النار على العصابه دى وجت وراها طياره تانيه ونزل منها ناس من الجيش على سطوح الوزاره وبدأو فى الأشتباك مع هذه العناصر وبدأ ظهور أطلاق نار من داخل الوزاره ناحية الناس دى لكنهم بسرعه جدا أنسحبوا وأختفوا وسط المتظاهرين ومات منهم واحد بس ونرجع لتحريات لجنة التحقيق اللى أثبتت أن الجثه الوحيده اللى لقوها فى المنطقه ومش بتاعة عساكر أمن مركزى ملقوش معاها أى أوراق أثبات شخصيه وبصماتها لاتطابق بصمات أى مصرى

■■ برضوا والكلام لسه مع درويش بيقول بعد أنتهاء هذه المعركه خدت كاميرتى ونزلت من شقة حماتى وروحت ناحية ميدان المؤامره التحرير سابقاً ووجدت حالة هرج ومرج وشاهدت الشرطه تطلق قنابل الغاز بشكل مكثف وجنونى والمتظاهرين يجرون فى كل مكان فجريت وأستخبيت فى كشك من بتوع الحراسه وبدأت أصور اللى بيحصل وكنت بشوف جثث المتظاهرين بتقع قدام الكشك غراقنه فى دمها بالقرب من الكشك اللى كنت واقف فيه ولاحظت أن الناس اللى بتسقط قدامى الطلقات بتيجى فى صدرها وهى واقفه وظهرها للشرطه فأندهشت كيف تكون الشرطه فى ظهرهم والطلقات تيجى فى صدرهم والموضوع لفت نظرى وبدأت أدور بعينى وبكاميرتى على مصدر أطلاق النار وخصوصا أن أعداد القتلى كانت فى تزايد سريع ورهيب وبدأت أخاف على نفسى وبدأت أعيط ونطقت الشهادتين وقعدت اقول أستر يارب أستر يارب وبيقول درويش فجأه وأنا بعيط لمحت شئ غريب ناحية .... ماذا لمح درويش أبو لنجا وماذا شاهد ومالهو محوى تغفريغ كاميرته فى هذه اللحظه هذا موعدنا معه فى الحلقه القادمه فأنتظرونا وكان معكم
رئيس دولة الأتحاد السوفيتى قبل التفكيك
#جنرال_بهاء_الشامى
في أبريل 23, 2017